بِيـْـنْـ يـَـدِـي

♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡

نهار جديد

ناض اسحاق بكري ستة هكاك لبس باس اياد وخرج بيفيه باينا بلي عندو خدمة منقولكش

أما اياد لي ناض قرأ رسالة لي ياطيهالو اسحاق كل يوم قبل ميروح يخدم يطمنه على روحو ويقوله ميتعبش نفسو بزاف

غسل وجهه سنيه بدل حوايجه خمل بنكه راح شاف خاوته نزل طيب قهوة فرغلهم طاهم  كرطابهم وبعثهم معا سواق تاع اسحاق لي جابه ليهم يوصلهم دار نقيا فطور مزال حال فا ملقا مايدير اباااار يلبس حوايجه كاس قهوة ويخرج كان جو معا صباح مضباب وبارد معا نسمة حلوة كان جو مثالي

اياد يتمشى ويشوف في ناس تبعث ولادها يقراو راح لوحد منتزه كان شوي بعيد على داره قدامه مكتبة راح جاب كتاب ومجا يلقى كتاب كي ناس برحمة والدين خرج قعد في جاردان فوق وحد كرسي تاع خشب

في بلاصة ميقراا كتاب قعد يخمم في لي صرا بارح ولحمه قشعر منبعد قال نورمال كل واحد وتقاليده هو بيان بهلول بصح لالا هو ديما يقول نورمال خوفا من أن بنادم لي تعلق بيه لي هو اسحاق يتبدل عليه يعني مثلا هو عنبالو بلي إسحاق بنادم خطيير بصح مشي قادر يقتانع عنبالو بلي لي صرا بارك مشي مجرد تقاليد بصح مشي قادر يقتانع فا يرمي كلش في الثقيل. فاااا تخمام جاب تخمام حتى وصلت تسعة قال يرجع للدار ويدي كتاب معاه

يمشي ويخمم معا روحو ويخمم علاه اصلا رآه معا إسحاق إسحاق بنادم خطير وقاع حومة وديرة لي راهم فيها تشهدله بصح معا اياد يولي كي صغير ينتاضر برك كلمة حلوة من فم اياد

وهدا لي مخلي اياد مافاهم والو على عكس ما تضهره لكم كاتبة إسحاق بنادم مغلوق متخلف بصح كي برك اياد يحله شوي وعينين قط يعاونوه يخليه يخرج ولا يدير حاجة

ديما كي كان صغير يشوفه يشرب يسكر يتضارب وهو مزال في عمر صغير قد اياد ضك يعني اياد كي  يشوفو سكران كان عمرو سبع سنين ومكانش يسلم منه

كان يحب يجمع ورد ويبيعه معا أنه مشي محتاج لي ذي درجة يعني عنده قيس ماكلة أما لبسة خطرة في جرة مليحة

فا يجي سي اسحاق عند رأسه يلعبله بشعره وبفضل سمعته لي سابقاه يخلي اياد قريب يبول تحته من خوف وفي تالي يشري قاع ورد بدوبل تاع ثمن تاعو ويمشي وهو يضحك ويشم في ورد كي مسطي
 

ضحكة هربة لي اياد وهو يتفكر كيفاه كان يخاف منه وضك رآه ساكن معاه معا ذالك وزال كل ميشوف اسحاق منارفي ويالوكان شوي  يبدأ يرجف ويخاف كاش ميدير ليه معا أنه جامي ضربه

الا كي كان عمرو. حداش سنا خطرة ضربه ضرب كلاب خاطرش راح معا زوج ولاد مسطيين وهو محذره منهم وقريب تحرشو بيه فا قعر زوج ذكورة ودار لي اياد دقدقو معا ذالك كان ضرب للترام برك