بينَ قَيود الوحشَ.

حسيت شفتي انشلعت كعدت لكيت علي باسني رجعت نمت

كعدت ولكيت قاسم مكرر نفس الشيء الي هو مطلع بطني ويحطلي دوه.

باوعت عليه وراساً بجيت كمت جان يعيط.

قاسم: يعني مدشوفيني داحطلج فوك ما ادير بالي عليج؟؟؟؟؟

طيبه:على اي اساس انتَ ترفع قميصي؟؟؟(بنتر)

ماحس غير راشدي فر وجهي فر انصدمت لان متطلع من قاسممم!!!

جرني علي من ايدي ورجعني على الكرسي شدني بس كلش قوه الشده على ايديه ورجليه

بجيت بحركه بجيت موجوعه.

علي اخذ قاسم وطلعو هم طلعو لو قلبتها مناحه.

غفيت واني بس ابجي.

كعدت على اثر احد يتلمس وجهي تحركت منزعجه.

رجع رفع شعري فتحت عيني لكيت علي وقاسم نايم من وجع عليكم اي والله.

علي:يله كومي.

طيبه:بصوت يرجف. ماريد.

علي:طيبه لو بس متعاندين احنه بخير!!!

ملاحضه(رابع يوم واني مخطوفه)

طيبه:.....

طيبه:عفيه فك ايديه والله موتتني مضبوب الحبل عليهن.

علي:تؤؤؤ.

طيبه:ليشش!!!

علي:معاجبني.

محسيت غير قاسم كمز من يمه وكال لعلي افتحها.

علي:معاجبني!!

قاسم:كافي علي خطيه.

ضجت لان حسيته شفق عليه.

علي:لو بس متلح احنه بخير.

قاسم:شو دنجب وخر.

وخر علي تقرب قاسم وكعد على الكرسي الي علي جان كاعد عليه ابتسم وجع نوب شلون جرئه يبتسم المهم فك الحبل باوعت على ايديه محفورات حفر

مكان الحبل باوع قاسم وكال.

قاسم:تؤتؤ هاي شصاير بيج لك علي العار.

علي:نعم.

قاسم:هاي شمسوي بيها.

علي:عادي.

اني جنت ساكته بس استمع صفنت وجان المكان هدوء ثنينهم صافنين.

قاسم:تردين اكل؟

طيبه:هزيت راسي بمعنى لا.

علي:لا تريد.

طيب:تؤ.

رحت للحمام ورجعت على الكرسي اجه علي يريد يشدني وصحت بصوت مسموع.

طيبه:لا حباب والله ايديه دتموتني.

شو هذا خزرني.

باوعت عليه وعيوني مليانه دموع.

علي:لا تتنعوصين.