بينَ قَيود الوحشَ.

بقلـم فكتوريـا.
ــــــــــــــــــــــــــــــــــــــــــــــــــــــــــــــــ
﷽
ــــــــــــــــــــــــــــــــــــــــــــــــــــــــــــــــ
اندفر الباب وطب الضابط اني دراقب من الشباك بس ممبينه لان موجوده برده.

الضابط:لك علي وين اختفيت.

علي:مو هياني كدامك.

الضابط:لك عليي احجي عدل وينك وين مختفي.

علي:هذا الشي يخصني لحد يدخل خوش.

رفع الضابط ايده يريد يضرب علي لزمها عليه ورجعها.

علي:جؤجؤ خوفتني يمعود.

لزمه الضابط من جتافه ويهز بي ويحجي بحركه.

الضابط:ليش محد بقالي ليش كل شخص اخاف عليه ميستاهل لو وليدي الي دفنته لو موجود جان مركضت وراك كل هل ركض ويوميه مفشلني ليش لان احبك واخاف عليك واعتبرك ابني.

علي:يعني شكلت اني اني مو هياني كدامك ياعمي.

باوعت لعمه صدك مبين ضايج.

الضابط:براحتك وليدي.

توه ديطلع راح كدامه علي وحضنه.

علي:ايابه ينطيك كَلبك تزعل مني.

الضابط:نجب مزعلان اني اضوج بس مازعل.

ابتسم علي وحضنه اكثر راد يروح الضابط رجع حضنه اكثر.

الضابط:علي ليش ممرتاح احسك مسوي شي ومتورط.

علي:لا ماكو شي.

الضابط:امم احاول اصدك.

ضحك علي وراح كعد على الفراش والضابط كدامه مدد علي على رجلين الضابط والبتسامه ماليه وجهه.

الضابط يلعب بشعر علي نوبه يكرصه نوبه يضوجه حسيتهم اب وابنه.

علي:عمي.

الضابط:عيون عمك.

علي:اريد اشوف اختي.

الضابط:نروحلهم هل فتره.

علي:لا فوت سبوعين ثلاثه احس روحي ممستعد.

عرفت جذب من ورايه.

سولفو شويه وراح الضابط طب علي مدلي ايده جلبت بي وكمت ويا.

علي:تنام حبيبي.

طيبه:لا.

كعد على الفراش واني مدتت يمه.

طيبه:علي.

علي:ها.

طيبه:اريد ارجع لهلي حباب.

علي:اشش كافي سدي الموضوع.