بينَ قَيود الوحشَ.

بـقلم فكتوريـا.
.
.
.
ــــــــــــــــــــــــــــــــــــــــــــــــــــــــــــــــ
﷽
.
.
.
كعدت باوعت علي بعده نفس نومته واني فوكا ردت اكوم وكعت بالغلط انوب على حضنه هو راساً فز ورجع حضني وهل مره قيدني بشكل.

ضليت اتحرك اريد ماكدر لان قوي حيل.

طيبه:اممم علييي كوم  عليك الله.

علي:اشش عوفيني تعبان.

طيبه:يا علي هو انتَ شسويت علمود تعبان.

علي:البارحه منمت وساعدت اصدقائي ديشيلون.

رجعت راسي لصدره بس ضايجه ورجع نام مر هواي لحد مسمعت صوت مفاتيح طب قاسم وبيده هواي غراض ومدري شنو لابس اسود بسود.

قاسم:ايابه لحد هسه نايمين.

طيبه:هو ميقبل اكوم ولا هو يكوم.

قاسم:لكك علي الزمال كوم مو فطست متكول صديقي عاش مات.

علي:مثل العار ماعليك شي.

كام علي كعد واني بعدني بحضنه خزرني وكال
علي:والله اذا بعد كعدتيني اموتج.

طيبه:.....

وخرت كام غسل واني هم كمت غسلت طلع قاسم اشكال والاوان ملابس وملازم و اوراق.

كعد يشوفهن علي ويضحكون فتحلي قاسم ايدي كمت عليه حضني باس خدودي.

قاسم:اوففف اوففف.

قاسم:هاي ليش هيج خدودج لينات اوييييي اليوم راح اضل اكفخ بيج.

طيبه:يمعود هو وجهي صاير خريطه.

ضل يعض بوجهي ويكفخني على كيف ويكرص بوجهي لحد مكله علي.

علي:دكوم اسبح.

باوعت على علي حسيته ضايج مدري شبي جرني من ايدي بقوه وضربني راشدي.

طيبه:شبيك شمسويهه.

ضليت ابجي طلع قاسم باوع عليه وعلى علي تقدم وخر ايدي لكه اثر الاصابع.

قاسم:شبيك يا علي كلي شسوت.

علي:........

طيبه:كلشي مـ مسويت.

قاسم:كومي يمي.

كمت وهو مدد ومبين تعبان راساً غمض عيونه جان يريد ينام بس دينتظرني.

كمت رحت يمه حضني وبجيت.

قاسم:اخخ يابه احس التعب ديطلع من ضهري.

وخر ايديه وباس اثر الاصابع نام فوكايه وضل يبوس بوجهي ويتنهد.

لحد منام واني ضليت كاعده طلع علي شويه واجه ضل كاعد ويباوع عليه.