بينَ قَيود الوحشَ.

بقلم فكتوريا.
ــــــــــــــــــــــــــــــــــــــــــــــــــــــــــــــــ
﷽
ــــــــــــــــــــــــــــــــــــــــــــــــــــــــــــــــ
هجم عليه وصار فوكايه ولزمني من فكي باسني بوسه سطحيه بشفتي ضليت مصدومه شعجب مضربني.

علي:خفتي مني.

طيبه:عبالي راح تضربني.

ابتسم وباس راسي ورجع نام كعدنه الصبح كلنه بنفس الوقت كمت غسلت حسيت روحي اريد اسبح.

رحت على علي وعسا ولعل يقبل.

شفته كاعد وحده بالكاع وفاتح رجليه هي هاي كعده الولد.

طيبه:عـ علي.

علي:ها بابا.

طيبه:اريد اسبح.

علي:ميخالف.

كام جاب بجامه على قياسي سوده وقميص من قمصانه بس جديد توه فتحه.

انطاني اخذته وضحكت بفرح.

سبحت وطلعت حسيت جسمي ارتاح.

طلعت قاسم مشطلي سوالي كَصيبه.

حضني بوس وجهي ابتسمت.

طلعو ثنينهم وكامت توكع غراض بالمكان الي اني كاعده بي.

بلعت ريقي بخوف انتضرتهم يجون ماكو الباب مال غرفه من الغرف تنسد وتنفتح وغراض وصوت مي ينجب.

ضل تقريباً نص ساعه اجه قاسم كمت ركضت عليه وحضنته حضني بأيد وحده وراها رفع راسي باس كصتي بهدوء وسحبني من ايدي كعد وكعدني بحضنه حضني حضن دافي وامان كأنما يريد يطمني.

قاسم:شبيج ليش بس طبيت حضنتيني بيج شي.

طيبه:قاسم البيبان تنسد وتنفتح وغراض يوكعن وصوت مي ينجب.

قاسم:خفتي.

طيبه:مو حيل.

باس راسي وحضني اكثر.

طب علي باوع علينه ورفع حاجبه.

علي:صايرين حبايب.

قاسم:دنجب.

تقرب علي كرص خدي وباس ايديه الي كرصني بيها ذب الغراض الي جان شايلهن واخذ هدوم اسود وراح سبح طلع نشف شعره بالمنشفه ومشطه باوع لروحه بالمرايه ورفع حاجبه وسوه حركه بيده ورفع وجهه من جوه باوعت عليه حلو.

علي:تعاي بعد بس اخذيلج صوره.

حسيت روحي صخنت من الفشله وحجيت.

طيبه:غير يستقر.

قاسم:هههههه حيلل.

ضحك علي واحنا ابتسمنه.