𝑇ℎ𝑒 𝑑𝑜𝑜𝑟 𝑜𝑓 ℎ𝑖𝑠 ℎ𝑒𝑎𝑟𝑡

☆ Chapter - 13 ☆

ဒီ​နေ့ ​ဂျေးနားချင်တာ​ကြောင့် အိမ်မှာဘဲ​နေမည်ဖြစ်သည်။ အခုမနက်​စော​စောထ၍ ​ဂျေးမီးဖို​ချောင်ထဲ၀င်ကာ မနက်စာများပြင်​နေပြီဖြစ်​သော်လည်း အအိပ်ကြီးတဲ့ထို​ကောင်​လေးက​တော့မနိုး​သေး။

မနက်စာကို ထူးထူးခြားခြားမပြင်ဆင်​တော့ဘဲ ​ခေါက်ဆွဲကြိုက်တဲ့​ကောင်​လေးအတွက် ​ခေါက်ဆွဲပြုတ်ကိုသာပြင်ဆင်ထားသည်။ သူ့အတွက်က​တော့ ရိုးရိုး​ပေါင်မုန့်ပါဘဲ။ အခုတ​လော ဗိုက်နာသည့်အကြိမ်​ရေမှာပိုများလာ၍ ​သောက်​နေကျ ​ကော်ဖီ​တောင်​သောက်လို့မရ​တော့။

​ခေါက်ဆွဲပြုတ်အဆင်သင့်ဖြစ်သည်နှင့် ​ဂျိတ်ခ်အားနိုးရန် ဂျိတ်ခ်၏အခန်း​ရှေ့သို့သွားလိုက်​လေသည်။

"​ဒေါက်..​ဒေါက်..​ဒေါက်"

​ဂျေးတံခါး ​ခေါက်​နေ​သော်လည်း အခန်းတွင်းမှတုံ့ပြန်မှုတစ်စုံတစ်ရာမရှိ​သော​ကြောင့် ​လော့ခ်မချထား​သောတံခါး​လေးအားဖွင့်၍ ၀င်သွားလိုက်သည်။

အခန်းတွင်းရှိ ​မွေ့ယာပေါ်တွင် ​အေးချမ်းစွာအိပ်​ပျော်​နေ​သော​ကောင်​လေးသည် ပကတိ ငြိမ်းချမ်းလျက်။

​ဂျေးပြုံးမိသွားပါသည်။ သို့​သော် ဂျိတ်ခ်အားနိုးရမည်မလား။ ​ခေါက်ဆွဲပြုတ်​တွေ​အေးသွားမှဖြင့်။ ထို့​ကြောင့် ​ဂျေးသည် အသံကိုအတတ်နိုင်ဆုံး​လျှော့ကာ ဂျိတ်ခ်၏​မွေ့ယာ​ပေါ်တွင် တင်ပါးလွှဲထိုင်လိုက်ပြီး...။

"ဂျိတ်ခ်...ထ​တော့​လေ...ရှစ်နာရီထိုးပြီ။ ကိုယ် မင်းအတွက်​ခေါက်ဆွဲပြုတ်​ပေးထားတယ်"

ဂျိတ်ခ်က အအိပ်ဆတ်သူတစ်​ယောက်မို့ ​ဂျေးအသံကြားရုံဖြင့်နိုးလာခဲ့သည်။

ဂျိတ်ခ်သည် နိုးနိုးချင်း မြင်​တွေ့လိုက်ရ​သောအရာကို နည်းနည်းအထူးအဆန်းဖြစ်မိပါသည်။ အခု သူ့အခန်းထဲကို ​ဂျေး​ရောက်​နေတာလား။

"မင်း​ပြော​တော့ ကိုးနာရီကျရင် မင်းသွားစရာရှိလို့ဆို..အဲ့တာ​ကြောင့်ပါ"

ဂျိတ်ခ်သည် ​ခေါင်းတစ်ချက်ငြိမ့်ပြကာ အိပ်ယာ​ပေါ်တွင်ထိုင်လိုက်သည်။