Unicode
ဖျော်ဖြေရေး နယ်ပယ်ထဲက ထိပ်တန်းအဆင့် အန်တီလေး
အပိုင်း ၈
အင်တာဗျူးပြီးသွားတော့ ပရိုဂရမ်အဖွဲ့က အခြားအလုပ်တွေကို မစီစဉ်ဘဲ သူတို့ရဲ့အချိန်တွေကို လွတ်လွတ်လပ်လပ် စီစဉ်ခွင့်ပေးသည်။
တူဝရီးနှစ်ယောက်က အိမ်မှာ မနေဖို့ ဆွေးနွေးလိုက်သည်။ အဲဒီအစား သူတို့က အပြင်ထွက်ကြသည်။
နေ့လည်စာ စားချိန်လောက်ရှိပြီမို့ စုန့်လင်းချွမ် အကြံပြုထားတဲ့ သီးသန့်မီးဖိုချောင်ပါ စားသောက်ဆိုင်ကို သူတို့နှစ်ယောက်သွားလိုက်ကြသည်။
"ဒီက အစားအသောက်တွေ တော်တော်ကောင်းတယ်။ အရင်က သူငယ်ချင်းတွေနဲ့ ဒီကို တစ်ခေါက်လောက် ရောက်ဖူးတော့ အန်တီလေးကို တစ်ခါလောက် ခေါ်လာရမယ်လို့ တွေးထားတာ။ အန်တီလေး သေချာပေါက်ကြိုက်လိမ့်မယ်" စုန့်လင်းချွမ်က ပြောလာသည်။
စုန့်အာ့နန် ခေါင်းညိတ်လိုက်သည်။
ငယ်ငယ်လေးကတည်းက သူမအကြိုက်အရသာတွေက စုန့်လင်းချွမ်နဲ့ အရမ်းတူသည်။ သူ အရသာရှိတယ်လို့ ပြောကတည်း ဒါက သေချာပေါက်မှားမှာ မဟုတ်ချေ။
စုန့်လင်းချွမ်က ဟင်းပွဲတွေကို မှာလိုက်ပေမယ့် အကုန်လုံး စုန့်အာ့နန်အကြိုက်တွေပင်။
ပထမဆုံး တစ်လုတ်စားပြီးတဲ့နောက်မှာ စုန့်အာ့နန်ရဲ့ မျက်လုံးတွေတောက်ပလာသည်။
စုန့်လင်းချွမ် - "ဘယ်လိုလဲ၊ မဆိုးဘူး မလား?"
စုန့်အာ့နန်က ခေါင်းညိတ်လိုက်သည်။ "အရမ်းအရသာရှိတယ်!"
[ဟမ်... အဲ့ဒါတကယ် အရသာရှိလို့လား? ဟင်းပွဲတွေက ငါ့အတွက်တော့ တော်တော်သာမန်ဆန်တယ်။ ဒါက သရုပ်ဆောင်တာ နည်းနည်းမပိုသွားဘူးလား?]
[ဟီးဟီး၊ စုန့်အာ့နန်က အစားအသောက်သမားပုံစံဖန်တီးဖို့ ကြိုးစားနေတာ သိသာတယ်။ သူ့ရဲ့ အနာဂတ် ဖျော်ဖြေရေးကဏ္ဍအတွက် ပြင်ဆင်နေတာဘဲ]
[ဂီး၊ ဘာဟန်ဆောင်စရာ ရှိလို့လဲ? ကောင်မလေးက အစားအသောက်ကို ကြိုက်သွားရုံဘဲကို။ အကုန်လုံးက ပူးပေါင်းကြံစည်ထားတာ ဖြစ်ပါ့မလား?]
![](https://img.wattpad.com/cover/356585551-288-k444943.jpg)
YOU ARE READING
ဖျော်ဖြေရေး နယ်ပယ်ထဲက ထိပ်တန်း အဆင့် အန်တီလေး (ဘာသာပြန်)
RomanceName - Top-tier Auntie in the Entertainment Industry Type - webnovel Genre - Comedy Fantasy Romance School Life Slice of Life Tags - Acting Beautiful Female Lead Bookworm Celebrities Comedic Undertone Complex Family Relationships Cute Protagonist Do...