اجنحة الفجر

الجزء الثالث ( ليلة وداع )

اللهم صل على محمد وال محمد

الجزء الثالث من رواية اجنحة الفجر

بقلمي 🤍 علي المرتضى

فقط اذا عجبكم البارت تكدرون تتابعوني او تصوتون
و تتفاعلون 🤍🪐

انستغرام : 06nxt 💜🍃

*********************

علي :

وره يومين من استشهاد مروان اباوع على وجوه الجنود و خاصة قائد محمد و اصدقاء مروان كلهم خاملين و عيونهم حمر حالتهم تبجي الصخر

خلص واجبي و اليوم جان واجبي اوگف يم الشارع الرئيسي تحسبا لاي هجوم
طبعا احنه على طول واجب يعني ما دام اني بالموصل ف اني بالواجب بس نوزع الواجبات بيناتنا حتى محد يتعب

رحت للخيمة مال الجنود تقريبا كل 5 ينامون بخيمة وحده ، نزعت البوت و الچبه و الخوذه و
مددت و حطيت راسي على المخده و فتح موبايلي الدگمه گوه تنداس يمكن عطل ، شفت الساعة ب4 ونص العصر گلت خل انام لصلاة المغرب لان وراي واجب الساعة ب10 بس هل مره واجبي بالمخيم احرسه

نمت ....

نورا :
اففف صدگ جذب هاي هم عيشه

سرمد : اي والله متنه حارة حيل حارة

احمد : شنسوي ، اگلج نورا

نورا : كول

احمد : شكد كالوا كم يوم و يطلعونه منا

نورا : علي يكول 14 يوم و راحن اربعه بقن 10

سرمد : يابوية نموت بالحر منا لما نطلع منا

نورا : ايبا علساس وين راح يودوك لروسيا على الجبال الثلجية

سرمد :لا على الاقل نأجر بيت و بي مبرده

نورا: هم صدگ

احمد : اكلج نورا شكد عدنه فلوس ، يكفن ناجر بيت و نشتري مبرده و شغلات للبيت

نورا : بابا الله يرحمه بقالنه 76 مليون و ماما عدها ذهب تقريبا يطلع 14 مليون
بلكت بيهن نلگه بيت حتى لو غرفة و مطبخ

احمد : جدو مو يكول بغداد غالية و الشقه صعب تحصلها

نورا: ما نروح لبغداد لو نرجع يم گرايبنه بديالى لو نطلع لاربيل

احمد : ليش ؟

نورا : لعد شعدنه ببغداد وحدنه لا كفيل و لا شيء

سرمد : اي خل نروح لديالى

احمد : لا نورا خل نروح لبغداد ، يكلج هناك اكو شغل حتى اشتغل

نورا : شمدريك

احمد : جدو مره سمعته

سرمد : دولي ما نروح لبغداد نروح لديالى نكمل دراستنه بلكت عمامي يتكفلون بينه