اجنحة الفجر

الجزء الخامس ( قرار اخير )

الجزء الخامس من رواية " اجنحة الفجر "

فقط اذا حبيت الجزء تكدر تتفاعل مع الرواية 🤍

بقلمي علي المرتضى 💜🍃

انستغرام 06nxt 🍃💜

قراءه ممتعه 🤍✨

***********************

2022 / الشهر الـ10 / يوم 16

زيد : كافي يا علاوي كافي عاد ما مليت مو حتى احنه ملينه

علي : ما يعجبك ارجع للبيت

زيد : ارجع و اعوفك هنا

علي : اي عوفني ، اني ما ماثر على احد من العائلة و لا مقصر وياكم

زيد : انته ما مقصر ويانه بس مقصر وي روحك

علي : شبيه چاي اكل و اشرب

زيد : جسديا مابيك شيء بس نفسيا تره منهار روح شوف شكلك بالمراية

علي : زيد لا تكثر كلام هذا قراري و ما اغيرة ، طب وياي لو اطب وحدي

زيد: انطب و الله كريم ، بس اذا ما نترزل هل مره اني معتب

علي :  امشي ..

علي : طگ طگ طگ ( صوت دق الباب )

الضباط ( حسن ) : تفضل

علي : السلام عليكم سيدي شلونك

الضباط ( حسن ) : هلا علاوي هلا حبيبي

علي : سيدي ما ...

حسن : قبل لا تكمل استريح و خل نشرب جاي

علي : والله مالي خلگك سيدي

حسن : مو عندي موضوع وياك

علي : اي تفضل كول

حسن : اول شيء اكعد

علي : يا الله كعدت

حسن : اشرب مَي

علي : و هاي شربت مَي

حسن : علاوي حبيبي انته الى متى تبقه بهاي حالتك

علي : الى ان الگاها

حسن : انته شاغول و سويتلك مصدر رزق حلو ، ليش تحرمه كل يوم معزله و چاي دور ، و مؤذي شريكك وياك خطية

علي : شريكي واكف ويايه

حسن : هاي شبيك علي شو چاي تغبي روحك

علي : سيدي اني خليتها بالي الگاها يعني الگاها اذا انتو ياي و اذا وحدي

حسن : صارلك فوگ ال6 سنوات دور شو ما لگيتها

علي : هيه مو الف دينار و يطير بالهوى و بعد يضيع و ما الگها ، هاي بشر ، و اني اريدها

حسن : علي هيه لو تريدك مثل ما انته تريدها چان لگيتها ، چان هم سألة عليك و لگتك

علي : من الاخير شتريد ، و للعلم ادري زيد گاليلك هذا الكلام

حسن : هسه عوف زيد ، الي اريده منك تكف من هاي السالفة و تتجه لحياتك و تزوج و ابني بيت و خالف اطفال و ربيهم تره وداعتك تنسى