الجزء السادس من رواية " اجنحة الفجر "
فقط اذا حبيت الجزء تكدر تتفاعل مع الرواية 🤍
بقلمي علي المرتضى 💜🍃
انستغرام 06nxt 🍃💜
قراءه ممتعه 🤍✨
*****************
وگع العصير من ايدي نكسر و طشر بالگاع الگزاز
انصدمت صدمة عمري
اني جنت اتوقع الگاها باماكن و بمواقف عادية بس مو بهيج موقف
علي : مستحيل !!!
الدكتورة : شكو شبيك
علي : نو نو نورا ؟؟؟؟؟!!!!!!!!!!
- ارتفعت حرارتي و جسمي گزبر و عرگت و گلبي ينبض سريع سريع
ما معقولة الگاها ما مصدگ ، بعد ما فقدت الامل الگاها ، معقولة هنا الگاها !!!
نورا : اي تفضل منو ، تعرفني ؟؟
الدكتورة : هاي شكو شصاير مو نسيبهم انته ؟؟
علي :
ما هتميت للدكتورة كانما ما موجودة و صافن بوجهه نورا
نورا : دقيقة دكتورة ، منو انته ؟؟
علي :
نزعت الكمامة و الشفقه و طلعت شكلي و هيه شهگت باللگمه و ضلت تگح ، هم نصدمت كانما شافت ملك الموت
علي : علي الجندي الي جنت وياج بمخيم النازحين
نورا : علييي !!!!
الدكتورة : هاي شكو شنو قشمر كدامكم ضاحكين عليه ، هسه راح اصيح الشرطة
علي :
سحبت الدكتورة على صفحه و حجيتلها كلشي بالتفصيل الممل و عن احساسي و حتى حبي لنورا
، كالتلي الدكتورة مو مشكلة راح اعوفكم وحدكم بس ممنوع تطلع بيها من المستشفى الا بحضور عائلتها
- كلتلها تمام و رحت كعدت يم نورا و الدكتورة تباوع من بعيد ، و حسيت العالم كلها تباوع علينه من وره بطل الگزاز الي نكسر و الغصه الي غصتها نورا و حجي الدكتورة
باوعت على الدكتورة و استاذنت من الدكتورة اخذها للحديقة البرهَ
كالتلي عادي ، بس منو يكول ما تخاذها و تطلع
الدكتورة : شايل موبايل ؟؟
علي : اي !!
الدكتورة : انطيني موبايلك و اخذها للحديقة
علي : تمام هاج
علي : يلا نورا خل نورح للحديقة
نورا: يا حديقة ، ما اكدر
علي : عندي حجي وياج
نورا : علي اني حالين متزوجة و ما عندي حجي وياك
علي : امشي نورا كلمتين مو اكثر
نورا : تعذرني ما اكدر تزوجت
علي : نورا طلگج زوجك انتي
نورا : شنوووووو؟؟؟؟
علي : بس اهدئي وحده وحده احجيلج اياها
أنت تقرأ
اجنحة الفجر
Romanceتجاهل الصوت المتزايد للمدافع والصراخ حوله، يتخذ الجندي العراقي علي قرارًا يُحدث زلزالًا في عالمه المظلم. يغوص في عمق الحرب بمدينة الموصل، لكن ليس فقط من أجل النصر والمجد، بل من أجل قلب امرأة تنبض بالحياة في زمن الموتى. بينما يواجه الخطر والموت من كل...
