عمر : بعد وكت بعدنه سهرانين
فهد : خليت الفلوس على الميز عود باجر اجي يله من رخصتكم عفتهم وطلعت ... اخذت سيارتي وطلعت ماجان بودي اطلع جنت مسلطن اعشق الركص وهالامكان تخلي نفسيتي ترتاح بشكل مو طبيعي بس ادري امي اذا صارت الساعه فوك الوحده ومارجعت راح تخبصني والكاها مسويتي مناحه ... اجتي فكره على بالي باوعت بعد وكت يله بيها ... طلعت موبايلي .. الوو هاا كاعده اي راح اجي حضري روحج هاي اني قريب عليج شويه واوصل ماشي ... عشر دقايق ووصلت نزلت فتحت الباب ودخلت دكيت باب المطبخ طلعتلي
فرح : ... حضنته شلونك حبيبي
فهد : عال العال ... دخلت انتي شلونج
فرح : هسه صرت زينه ليش متجي صارلك اسبوع ماكو
فهد : نمت على القنفه ... ماعندي مجال الشغل لفوك راسي
فرح : تقربت منه ماشتاقيتلي
فهد : بهدوء شتكولين انتي
فرح : مديت ايدي فاتحه دكم قميصه ... هسه نشوف اذا مشتاقلي لو لا
فهد : جرها عليه حتى يبدي ليلته وياها
بعد مرور ساعتين
فهد : واكف البس حتى اطلع
فرح : حضنته من وره شنو راح تروح
فهد : دكمت قميصي ... اي
فرح : لتروح حباب ابقه بات يمي
فهد : ما اكدر
فرح : شنو متكدر يعني تجي بس تاخذ الي تريده وتروح خليك باقي هنا كلشي ماشفت منك
فهد : جريتها من ايدها بحده اذا ناسيه اذكرج تره زواجنه مؤقت وجيتي لهنا حتى اتونس واتمتع بيج لا اكثر ... دفعتها خلي هالحجي ترجيه باذنج زين
فرح : بسته خلص حبيبي اني اسفه بعد ما افتح هالموضوع بس لتضوج مني اذا تحبني لتزعل
فهد : ببرود اني مااحب احد على العموم اني عالاسبوع مشغول مااكدر اجيج بعد من افرغ اجي يمج يومين
فرح : شوكت
فهد : عود اخابرج ابلغج بجيتي ... يله اني راح اروح خليتلج مصرف
فرح : الله وياك حبيبي
فهد : طلعت منها صعدت سيارتي متوجهه للبيت ... هاي فرح وحده مطلقه شفتها مره وعجبتني سمره وعيونها ملونه حلوه وجسمها احلى واني رجال وعندي احتياجات مااكدر اصوم عنها فانجبر اتزوج زواج مؤقت لفتره معينه اتونس ومن امل اطلك وهكذا وهسه اخر وحده فرح صارلها شهرين وياي تعرف شلون تونسني وتلبي كل احتياجاتي تبدع الملعونه واني لهسبب لسه باقي وياها بس هالايام صايره تلعب بذيلها وتخطط لشي اني اعرف غايته بس اذا شفتها تمادت اسويلها بيباي واكو الف وحده غيرها وصلت للبيت صفيت السياره ونزلت فتحت الباب ودخلت اباوع البيت صنته .. صعدت لغرفتي فتحت الباب لكيت امي كاعده ... بهدوء السلام عليكم
