#البارت_الرابع_والاربعون
غنى : لزمت موبايله انتهت المكالمه شفت اسم فرح فتحت الجهاز لكيت رساله صوره ... فتحتها وشفت صوره وكفت الدم بعروكي هاي البنيه الحاجتني بالسوك دازتله صورتها وهي استغفر الله وكاتبله " ما شتاقيت حبيبي " معقوله فهد هيج واصله بي معقوله نازل لهالمستوى الدنيئ هذا
فهد : ينشف بشعره هاا منو
غنى : تقدمت بهدوء خليت الموبايل بأيده
فهد : فتحت الموبايل شفت مكالمه من فرح وتالي يعني ما اخلص منها هاي فتحت الرساله شفت الصوره الدازتها درت وجهي استغفر الله باوعت لغنى قبل لتحجين اي شي خليني افهمج
غنى : بهدوء شتفهمني وشتريد تحجي يعني معقوله هيج رخيص انت حتى تنزل لهالمستوى شلون تتقبل نفسيتك تتقرب لهيج وحده وشلون متلعب نفسك من تشوف هيج صور .... تدري انت اكبر جذاب ومنافق شفته بحياتي البارحه كتلي راح ابدي اصلي واصوم وناوي تتغير تالي ثاني يوم اجي الكه هيج صور بجهازك
فهد : لتحجين حجي ماصخ وماله داعي وانتي معصبه كلت اهدي واني افهمج
غنى : بعصبيه شلون متريدني احجي واني اشوف وحده دازه لرجلي صورتها وهي عريانه لا وبوضع اقرف منه ماكو .... خلييييي نفسك بمكانييي لو ادز روحييي لواحد بهيييج وضع شتسويييي وشنو تكون ردة فعلك احجيييي ليش ساكت
فهد : ضربتها على حلكها ولزمت وجها ايالج و بالج تعيدين هالحجي كدامي مره ثانيه او تفكرين مجرد تفكير تنطقين بهالشي اطلع بروحج والله واكص لحمج واذبه لجلاب الشارع ومحد يوكف بعيني فتهمتييييي من تحجين عرفي شلون توزنين كلامج
غنى : دفعته بدموع خلي نفسك بمكاني وشوف شنو شعورك خلي ازني ويه واحد وانت اشرحلي احساسك بلحظتها من تشوف الصور بجهازي
فهد : صحت سكتيييي لتاكلين تبن انيي مازانيي ودين الكح.... مازانييي هاي مرتي وبشرع الله مازاني بيها والخلقني
غنى : وكفت الدمعه بعيني شش شنو مرتك
فهد : هاي مرتي ومتزوجها قبل حتى لا التقي بيج وكلشي صاير بيني وبينها مو حرام واني كتلج جنت اتونس وياها صحيح بس بالحلال وعمري وحياتي ماتقربت لمره بالحرام غير بس مره وحده من جنت شباب وبطلت
غنى : بصدمه واذا اذا انت متزوج لي ليش تزوجتني وليش اهلك ميدرون
فهد : تنهدت زواج مؤقت يعني متعه اخذها لغرض الونسه وتلبيه الاحتياجات الشخصيه لا اكثر وفرح جانت وحده من الي اتزوجتهن متعه واكيد اهلي ميدرون لان زواجي مو دائمي فماكو داعي اكلهم
غنى : وليش ماكتلي ليششش خليتني اتزوجك على عمى عيوني لييييش لبستني بيك وانت متزوج اكثر من مره حرررام عليك تخدعنيييي هيج
