#البارت_السادس_والاربعون
غنى : كاعده وخاله ايدي على خدي صارت بالخمسه العصر وفهد لسه مخابرني ولا حتى دزلي انو وصل مع انو المفروض هسه هو واصل
اروى : شبيج نونه
غنى : فهد لسه مخابرني
اروى : اي ياحبيبتي اكيد بعده ما وصل او وصل وماصار عنده مجال يخابرج لتضلين تاكلين بروحج
غنى : ما ادري بس اني متعوده عليه اول مايوصل يخابرني
اروى : لتضلين توهسين امشينه خلي ننزل جوه مشتهيه حلاوة شعريه كومي خلي نسويها اني وياج
غنى : كمت اخذت شالي يله نزلت جوه دخلت للمطبخ ... اني اسويها لو انتي
اروى : لا مااريد اتعبج اني اسويها بس بشرفج خلي نخابر نرجس نخليها تشيط
غنى : طلعت موبايلي دكيت عليه بسرعه جاوبتني
نرجس : خير شكو شعدج داكه
غنى : اني غنى
نرجس : اعرف غنى انتي صار ايام مامخابرتني ولا سائله عليه لو نرجس تخابر لو انتي ماكو وهاي الجلبه الثانيه اروى بس وكت المشاكل تذكرني وتخابرني حتى احل مشاكلها هي وسمسم افندي الج الله يانرجس لو انتي تبادرين لو محد يكلبج
اروى : اكول اكلي تبن فضحتينه صوتج وصل لبيت جدي
نرجس : ياا هاي الغبره يمج تعالن ولجن انتن شنو عود تغورن بيه متجمعات سوه واني ماكو وعود مخابراتني حتى تضوجني
اروى : هو حبيت اكلج انتي من الطفوله ويه غنى واني اجيت بسنه وحده سحبتها منج وخليتها تصير صديقتي ومرت اخويه هم وهسه هي اقربلي منج
نرجس : بعصبيه وشنو معنى هالحجي هسه خاف عبالج ولج تجين على الحاضر وتسحبين صديقتي مني لا حبيبتي هاي صديقه طفولتي ولو تزحفين بأديج ورجليج متوصلين لمكانتي عدها فتهمتي ام الكمل
اروى : مو اني نرجس وبيه كمل
غنى : اسمع واضحك على سوالفهن ... كافي يله لتصيرن سخيفات خلي نسوي حلاوة وانتي هم نرجس كومي عيني خاله خطيه اكيد مثل كل سنه تكعدين بهيج وكت وعايفه الشغل عليها
نرجس : اي والله اخلاق سز اني مو جديده عليج ... يله شراح تسون خلي اسوي وياجن حتى اضيع وكت وهم اريد فلوس من امي وبلكي ارشيها بالحلاوه
البنات : هههه
غنى : طلعت جيس شعريه كامل لان همه هواي الله يسلمهم وهم يادوب يكفي خليت زيت على النار وضفت الشعريه وبديت اكلبها واروى واكفه تسولف عود كالت اني اسويها تالي شمرتها عليه
نرجس : بنات تدرن اتمنى هسه اني يمجن واوكف واحجي وياجن والله مليت واني اتحسر على جمعتجن واخابرجن بالموبايل وهذا السافل جعفر كل يوم معزوم عد نسابته وميقبل يطلعني
