شهقات إلـم

ألحـلقة ˝1˝

﷽

#شهقات إلـم
بـــقلمي أنـا :

. مَــاريــا .

لاتنسون التصويت ورداتي
والتعليقات بين الفقرات رجاءً !
ومُتابعة لـ حسابي الواتباد .
Mariia_salih

:: گاعدة ؏ الكرسي ومقابلة الـحاسبة واشتغل بدون واهس وتعبانة كُلشش كُلش واريد بس انام لأنُ البارحا سهرت بسبب ؟
عوفوا الموضوع انسوا ..

وإخيراً لليل خلص الشغل تنفست براحـة وكُل اعضاء جسمي تعبانة، لازمة ظهري تعبانة حيل ، البنات صديقاتي الي وياي بالمكتب بدن يجهزن نفسهن علمود يطلعن واني رحت للمراية وباوعت لنفسي وعدلت نفسي شوي وبقيت صافنة بـ مَلامح وجهي وإبتسمت وحسيت التعب صار ؏َ طرف
رحت مشيت للميز و رفعت جنطتي وخليت بيها فوني واشيائاتي

ورحت طلعت من الشركـة كلها ورحت للكافتريا قريبة من عند شركتنا ودائماً الظهر من أتعب لو شيء اجيها
شوي واجاني النادل بَـ إن يسألني شنو تطلبين ،رديت على ..

رَوان : لا اخي ما اريد شي لكن اجيت اكعد هنا .

هز رأسـة وراح من يَمي وانـي لزمت فوني إگلب بي ومنتظرتة يجي انتظرت وانتظرت وما إجه بقيت كاعدة و شوي كمت طلعت بره الكافتريا وإتصلت على سديم ورد عليَّ
- هـا روان شـنو ؟..

- شنو شـنو ؟! دتعال ورايَّ تأخرت كُلش
- تمام هسة جاي

- باوع سديم تعال لكافتريا *** اني موجودة بيها
- ماشي عيوني ،إقل من نص ساعة اني يمچ

غلقت الفون وبقيت منتظرتة يَجي لزمت الفون واگلب بي لما يجيني
قاطعني صوت شخص وهو يُنطق : مرحبا

رفعت راسي شفتة ولد شـاب بالعشرينات ، غلقت فوني واردفت : مراحب ، تفضل ؟
- باعي بدون لـف ودوران إني احَـبج .

رفعت حاجبي مستغربة ومنصدمة
بس فوراً رجعت ملامحي ؏َ طبيعتهن ، وهوَّ كمل كـلامة
- صارلي فترة طويلة اراقبج وحبيتج

روان : تمام ،

- شنو تمام ؟ يعني اتقدملج ؟
- ومنو گال اني موافقة
- لعد شنو

رَوان : ابتعد اخي ولا اشوف تراقبني و أذا لمحتك تراقبني ترى إشوفك شي مَيعجبك إوووكي ؟
- ومثلاً شتسوين ومنو انتِ وتهددين

تقدمتلة وإردفت بحدة .
روان : صاگرتكم .

ضحكت بصوت عالي وفَـوراً خفيت ضحكتي ونظرتلة بحدة وخازرتة وهوَّ اكيد مستغرب مـني ، وابتعدت منه اريد اروح لأن ماتحمل هيج شكولة قاطعني صوتة .
- اوگفي قبل لاترحين على الأقل كُليلي شنو اسمچ انتِ

:: باوعتلة عاگدة حواجبي وإمثل شخص المُستغرب ، وهوَّ يناظرلي ويمثل دور البرائة والعاشق والولهان..