#شهقات إلـم
بـــقلمي أنـا :
" مَــاريــا "
لاتنسون التصويت ورداتي
والتعليقات بين الفقرات رجاءً
ومتابعة لحسابي الواتباد
Mariia_salih
__
« نـاديـن »
دخلت للجامعة واني افكر بـ ردة فعل روان من راح اگـلها إحب مُـتيم
دخلت للقسم بعده الاستاذ ما إجـة ، مشيت وشفت عَـهد تناظرلي مبتسمة
واني ابتسمت بوجها كلش حبابة وحلوة هل بنية خلقة وأخـلاق صارلي
من بدت الجامعة مَـصادقتها لكن ماگلت الها إي سـر عني وحتى
على حُبي لـ مُـتيم هم لأن ماثق بـأي بشر
كعدت بصفها وبدينا نحچي ونضحك ، شويَّ ودخـل الأسـتاذ بدأ الدروس ويشـرح واني بالي نصفه يم الدرس ونصفه يم مُـتيم وافكر شوكت تخلص المحاظرة واروح اشوفه .
وقت الي خلصت المحاظرة طـلعنا اني وعهد وخجلت بعد اروح واعوفها
رحنا للحديقة الي بالجامعة كعدنا وخلينا صورنا ونشرنا بـ انستا
وخلص وقت الريست ولازم نروح للمحاظرة الثانية دخلنا لقسمنا
وأجاني مسج منه فتحته يستفسر ليش ما اجيت ؟ كتبت فوراً ودزيت
"اسفة عمري بعدين اجيك هسة دخلت للمحاظرة الثانية"
شافها بسرعه ودز "مو مشكلة حبيبتي"
ابتسمت وغلقت الفون ونظرت لعهد شفتها هم لازمة فونها
عافته من دخل الاسـتاذ ونفس الشي يشرح واني صافنة وكلساع اصفن مره افهم ومره لا
سمعت صوت خرخشة من صفي درت لـ عهد شفت بـ إيدها كيكة صغيره فتحتها من الغلاف
ولزمت ايدي ونطتني وحدة وهي تاكل بوحدة وتناظر للﻝستاذ وتحجي
عهد : اكلي بسرعة اكلي لا يشوفنا .
ضحكت بصوت ناصي وخليت ايديَّ على شفايفي
نادين : عزه العزاچ عهد
- انـچبي عزيزتي واكلي اهم شيء كرشنا حتى لو بنص المحاظرة هم عادي
بقينا نحچي بصوت عالي وماحسينا بروحنا اندارينا للأستاذ من شفنا
ماكو اي صوت ومايشرح بعد ، فتحت عيوني من شفته يناظر النا بحدة وعاگد حاجبه
- اذا كملتن گومن اطلعن بره
غصيت وعـهد دنكت وجها صار أحمر واني اختنكت يمه صخام بوجهج يا عـهد شسويتي بيَّ ؟ رفعت راسي شفت الطلاب يضحكون والاسـتاذ حاصرته الضحكة لكن يسوي نفسة ما مهتم وهو الاستاذ بنهاية العشرينات تقريباً .
نادين : نعتذر اسـتاذ بعد سكتنا .
استاذ بـاهر : لا هاي كم مره تكررنها .
- اسـتاذ .
- بره رجاءً
رفعت راسها عـهد ونظرتلة بحدة
عهد : استاذ تطردنا ؟
وهـوَّ بقى ساكت يباوعلها وهي كامت وكومتني وياها ورفعت ملازمها وملازمي انطتهن الي ومشت
واني وياها تجرجر بيَّ ومن وصلنا لباب القاعة اردفت:- من رخصتك إستاذ باهر وشكراً ؏ الطردة .
أنت تقرأ
شهقات إلـم
Misterio / Suspensoشَـهقات تُـخرج مَـن بـيّن شَـهقاتها وإنِـها تبدو شهقات إلـم وكيفَ تُـخرج ولَـماذا ؟ إنِـها تُخرج عندما تتعب وتُهلك وتنخذل وكُل الأشياء السَلبية تتسِب لها ألشهقات الألم ويَبدو بعضها شَهقات صِدمة .. " أمَراءة يلقبُـوها بـ شَـرسة " :: لأن هيَّ ذات أمَر...
