السلام عليكم ورحمة الله وبركاته
مر اليوم على الكل بسلام بعد يومين كل من ليال و الهنوف وافقوا على العيال فقرروا ان رح يسوا الملكة بعد يوم
يوم القبل ملكة المحامية و العقيد
صحت بطلتنا من النوم و اتجهت للحمام ( ﷲ يكرمكم) طلعت و سوت سكين كير لبست عبايتها و طلعت من الغرفة
اما بطلنا كان نايم دخلت عليه ابوه وهو يصرخ و يقول : قوم قامت قيامتك
يزيد : وشو ابي انام
ابو يزيد : قوم جهز لملكتك انت و امك
يزيد من سمع طاري الملكة فز وقال : تم تم اني قايم
ضحك ايو يزيد وطلع برا الغرفة و يزيد دخل الحمام (الله يكرمكم) وطلع لبس ثوب اسود و سديريه باللون البني و حط دهن عود مكان النبض و تبخر و تعطر و طلع شاف امه جالسة على الجوال و لابسة عبايتها تقدم و باس راسها : ياصباح الخير
ام يزيد : صباح النور
يزيد : جاهزه نطلع
ام يزيد : ايه جاهزه من زمان
يزيد : طولت عليك يمه
ام يزيد : ايه والله طولت ياولدي مابغيت تتكلم و تخطب حبيبة القلب
ضحك يزيد وقال : يمه الظروف ما جازت لي والا انا من زمان خاطبها
ام يزيد : يلا لا نتأخر بسرعه
يزيد : طيب حنا وين بنروح الحين
ام يزيد : لمحل الذهب
يزيد: تمام يلا نطلع
اتجهوا لسيارة و ركبوا وطلعوا من أسوار عائلة الوايلي متجهين للمول
اما بطلتنا و الهنوف حتى هم متجهين للمول اما باقي العائلة كل واحد بدواهة
عند أمامنا الي هم مؤيد و مهند
كانوا في المكتب حقهم فيه مكتابين قال مؤيد : وربي يزيد ما رضا يتكلم يزيدو
مهند : والله و ليال طلعت تحبه
مؤيد : الله يسعدهم مع بعض
مهند امين
في المول عند بطلتنا و الهنوف كانوا في محل الفساتين كانت ليال واقفة تناظر فستان لونه احمر طويل له فتحه من عند الركبة لين تحت جتها الهنوف وقالت : يطلع عليك موت حمر تخرفنين اخوي
ليال : شرايك أخذه
الهنوف : ايه حلو
اخذوه و حاسبو مشو لمحل الثاني
الهنوف : الحين وش بتاخدين لون الكعب
ليال : اسود طويل
الهنوف : عاد انتي و الطويل مكونين صداقه
ضكت ليال و اخذت كعب اسود واتجهوا لمحل العطور ليال كانت تشم العطور و محتاره الا يجي يد تاخد ايدها و تشم هي كانت تحسب اليد ذي يد الهنوف بس كانت يد يزيد مان حاي ياخذ عطر وشافها الا تسمعه وهو يقول : وربي يجنن
ليال : يزيد
يزيد : ايه يزيد
ليال : وش جابك
يزيد : جيت باخذ عطر و محتار شرايك نتساعد
ليال : وربي محتاره وش باخذ و الهنوف مدري وينها
يزيد : الهنوف عند امي
ليال : شرايك كل واحد يختار لثاني و ما نشم الا بكرا يوم الملكة
يزيد : خلص تم
ليال : لذي درجة واثق فيني انت
يزيد : اكيد كل شي منك حلو
ليال : تمام بس لا تسوقها على و تشم العطر اليوم ازعل منك لو دريت انك شميته
يزيد : افا كل شي ولا زعلك مارح افتحه
ليال : يلا نختار
كل واحد راح جهه واختاروا العطور و طلعوا
مر اليوم علي كل العائلة بسلام وجا اليوم الثاني
البطل قام وكان مروق و يغني دخل للحمام (الله يكرمكم) و طلع لبس الثوب و تعطر و طلع لقى الكل يفطر حب راس امه وابوه فطر و طلع متجه لدوام
اما بطلتنا قامت وهي كمان مروقه و مطربة دخلت للحمام ( الله يكرمكم) و طلعت سوت سكين كير و طلعت من الغرفة و ولقتهم يفطرون حبت راس ابوها و امها و فطرت و طلعت متجها بتسوي اظافرها واما يزيد طلع متجه لدوامه مر الوقت على الكل وجا وقت كل واحد يتجهز
البنات كانوا في بيت الجد الي كان ابع أدوار والدور الثالث مخصص للبنات
ليال : ياخي مره متوتره
الهنوف : والله اطلق مرت اخو في الدنيا
سديم : عاد انا مره عطشانه بروح أشرب مويا
نوف : جيبيلي معك سدوم
سديم : انا معاد راجعه هنا بطلع بروح للبيت انا على كوي الاثواب ابوي و اخواني
نوف : تمام شوي و انزل اخذ بنفسي
طلعت سديم وما اخذت مويا من الأساس و اتجهت للبيت نوف بعد ما كملت الميكب و الشعر و اتجهت للمطبخ دخلت وما انتبهت لنواف الي كان يشرب وداب من شافها بكامل زينتها وتنح اتجهت على طول لدلاب الكاسات وكان كل انتباها في الجوال و اتجهت للثلاجة الي كان واقف جنبها نواف و وقفت عشان جتها رسالة و كأنها كانت تبي تعذب قلبه بريحة عطرها الي كان يعرفها زين زي اسمه و بعد دقيقتين الي كانوا سنتين على نواف رفعة راسها و شافة نواف متنح فيها الا جاية بتصرخ بس قاطعتها يد نواف الي سكرت فمها و قربها منه وكانت هي قدامه وهو وراها فكت يده وقالت له : نواف ياوصخ صد
نواف : افا انا الوصخ
نوف : ايه انت الوصخ
نواف : تعرفين شي
نوف : ايش هو الي اعرفه
نواف : ان ملكتنا بتكون ثالث ملكه بالعائلة
نوف : ومن قال اني موافقة
نواف : انا اعرف انك متوافقين
نوف : انت اخطب بالأول وبعدين تعرف انا موافقه أو لا
نواف : تمام وطلعت من المطبخ ركض لف نواف و طلع من المطبخ وهو مبتسم متجه للبيت عشان يلبس اما بطلنا بعد ما طلع من الحلاق اتجه للبيت
يلبس اما بطلتنا بعد ما خلصت ميكب و شعر لبست عبايتها و اتجهت للبيت عشان تلبس وصلت للبيت دخلت غرفتها ولبست فستانها و حطت مسك مكان النبض و فتحت العطر الي اختاره لها يزيد شمته و ابتسمت و تعطرت فيه و تبخرت و نزلت تحت
اما بطلنا وصل للبيت تروش و اتجه لغرفة الملابس اتجه لجهة الاثواب البيض واخذ ثوب ابيض و شماغ احمر لبس و اتجه للمرايا لبس طاقيته و الشماغ و العقال و حط دهن عود مكان النبض و فتح العطر الي آختارته ليال شم العطر وابتسم ابتسامة حب تعطر و تبخر و طلع متجه لبيت عمه مع ابوه واخوانه ليال كان عندها التوتر لا يوصف ومر الوقت و دخلتوا البنات و الأمهات و بدوا يسلموا على بعض جت جهتها ام يزيد وقالت : ياهلا وغلا بمرت ولدي
ليال : ايش اخبارك خاله
ام يزيد : والله من شفتك وانا بخير
مشت ام يزيد و جتها الهنوف و حضنتها وقالت : واخيرا صرتي مرت اخوي
ضحكت ليال وقالت : وبعد انتي صرتي مرت اخوي
ضحكوا مع بعض و كانوا فرحانين ان هم كانوا أقرب اثنين البعض وكل وحده تتمنى الثانيه لاخوها
جلسوا البنات اسولفوا وعن الرجال
الشيخ اكلم ابو زياد : قول وراي
هز راسه ابو زياد بالاجاب وقال الشيخ : زوجتك ابنتي
ابو زياد : زوجتك ابنتي
الشيخ ناظر يزيد وقال : قبلت بهذا الزواج
يزيد : قبلت بهذا الزواج
وقع يزيد وقف و قبل راس عمه و راس ابوه و اخذ زياد الكتاب واتجه للبيت دق الباب و فتحت له الهنوف : وش بغيت انت بعد
زياد : ابغى طريق ابي ليال توقع
الهنوف : تمام يلا ادخل بس لاتناظر لا هنا ولا هنا تمام
ضحك زياد : تغارين علي
الهنوف : من زين وجهك عاد اغار عليك
زياد : اعترفي هنوفي
الهنوف : طيب اغار بس لاتناظر
زياد : مدام اعترفتي خلص مارح اناظر اصلا انا ما اناظر غيرك
دخل زياد و قعت ليال وبدوا يباركون لها و قال لها زياد تطلع معه
ليال : وش تبي انت الحين
زياد : وش ماتبين تشوفين زوجك وهو كاشج
ليال : اسكت لأجيبلك الهنوف الحين
دخلت المجلس وكان يزيد جالس و لما شافها وقف وهو مبتسم و الابتسامة شاقه وجهه
زياد : عشر دقايق بس
يزيد : وانا بكرا في ملكتك اخليها خمس دقايق بس
زياد : خلص نص ساعة كفاية
يزيد : هي مو كافية بس نحمد ربنا عليها
طلع زياد و فتح يزيد يديه عشان تجي تحضه و حضنها حضن قوي شوي و دخلها في ظلوعه و بعد عنها و شالها لف فيها وهو يبتسم وهي كانت تظرب كتفه و تقول : يزيد نزلني
يزيد : مرح انزلك لين تقولين احبك
ليال : خلص احبك احبك بس نزلني
نزلها اخذ يدها وجلسوا على الكنب و قرب منها قرب من تغرها و بدا يعطيه حقه كانت أول قبله لهم وكانت بالحلال و كانت القبل على يزيد كأنها خمر حلال و ليال عطته الفرصه انه يقبلها وبعد مده لما حس ان اثنينهم يحتاجون أكسجين بعد عنها وقال : ليلي و اخيرا صرتي لي
ضحكت ليال لما شافت على شفتيه الروج حقها
ناظرها ناظر غمزاتها وقال : وش يضحك
ليال : وربي شكلك ايضحك
قام يزيد للمرايا الي في المجلس وشاف فتح عيونه وقال : يوه كيف بروح ذا
ليال : تعال امسح لك
جلس يزيد ومسحت له وجلسوا يسولفوا خلصت النص ساعة دخلوا زياد و ام زياد تقدم يزيد يقبل راس عمته و قال زياد : انا عطيتك نص ساعة كم تعطيني
يزيد : انا بعطيك أربعين دقيقه انا كريم مو زيك
زياد : تم المهم اشوف هنوفي
يزيد : ياخي استح على وجهك انا اخوها قدامك
ام زياد : ايش يزيد تلبسوا الدبل هنا ولا داخل
يزيد : انا ماعندي مانع انشوف ليال
ليال : تمام ندخل
طلعوا متجهين لمجلس الحريم....................................
......................................................................
انشاء الله يعجبكم البارت و سويته طويل عشان تسامحوني ولا تنسوا تحطوا نجمة و تخلولي تعليق
وسامحوني علي القصور 💗💗.
