السلام عليكم ورحمة ﷲ وبركاته
بعد ما هدت ليال
يزيد يمسح على وجهها قال : خلص نروح نجلس معهم
ليال : اي خلص قوم بروح اغسل و جهي و ارتب طرحتي
قاموا و اتجه يزيد لجلسه و ليال اتجهت للحمام ترتب الميكب و طرحتها
في الجلسه جلس يزيد جنب زياد و رفع راسه من اتكلم جده و قال
الجد : يايزيد وش فيها ليال
يزيد : و الله يا جدي زياد خرعها براس الخروف و انت تعرف
الجد : انت ما يخلص هبالك حتى بعد ما زوجناك
زياد : وربي يا جدي ما كنت اعرف كنت بس استهبال معها
الجده : حصل خير يزيد هدت ليال
يزيد : اي هدت الحمد لله شوي و تجي
الجده شافت ليال جايه قالت : ليال تعالي يابنتي اجلسي جنبي
الجده كانت جالسه يمين الجد و جنبها يزيد
الجده زادت جنب يزيد و تبي تجلس ليال جنب الجد بس ليال قالت : لا يا جده انت اجلسي جنب زوجك انا بجلس بمكاني كانت ليال قبل تقوم جالسه جنب يزيد
الجده استحت صار و جها احمر شافها الجد استحت ابتسم و قال : اجلسي جنبي يا جوريتي
تحمحم ابو زياد و قال : ترا حنا أولادكم هنا احفادكم بعد
الجد : وش فيها زوجتي و ام عيالي و جدت احفادي
الجده لا تشوفونها كيف مستحية و وجها قلب طماطم
تيم : ياربي انا على جدي الرومنسي
تميم : والله ماعرفتك
مشاري : انا اقول ان وراثة الرومنسية بذي العيلة صح و لا انا غلطان
تيم : انا اتفق معك وبكل قوة كل العيلة رومنسية مشاء الله
مؤيد : الله يرزقنا بس
مهند : امين و انا معك لا تنساني
مؤيد : كيف انسى عضيدي انا كيف
تميم : الله الله
مهند : اذكر الله بس لا تعطينا عين
تميم : مشاء الله من زين و جيهكم عشان اعطيكم عين
مؤيد : استح على وجهك اعمامك حنا
تميم ضرب جبهته : احح نسيت انك عمي
ضحةوا الكل على تميم و علاقة مؤيد و مهند باولاد اخوانهم
قاموا كل واحد يتجه لبيته بعد السوالف و تعب العيد
الساعة 12 ليل
في بيت متعب قام من النوم شاف مكان ميار مالقاها و حس بشي على صدره ناضر و لقا مها نايمه على صدره ابتسم مسح على شعرها و حطها على السرير بشويش و طلع بدون ما يطلع صوت اتجه لغرفة ميان و لقاها نايه دخل لحفها زين و قبل جبينها و طلع و قفلالباب و اتجه لغرفة مصعب و معتصم فتح الباب ناضرهم كيف نايمين بهدوء دخل و لحفهم و قبل جبين مصعب و اتجه لمعتصم يقبل جبينه
و طلع قفل الباب و نزل تحت و شاف نور المطبخ مفتوح عرف ان ميار موجوده فيه دخل و شافها معطيته ظهرها و لابسه بجامه رمادية و رافعه شعرها فوق تقدم لها حضنها من الخلف و قبل عنقها ابتسمت ميار من حست فيه و هو يشد على خصرها و قال و هو يهمس في اذنها : وش تسوين
ميار : اجهز بنشوف فلم كنت بقومك بس قمت لوحدك
متعب : تم خلصتي
ميار : اي كل شي في الصالة بس الفشار الحين خلصته
قبل عنقها متعب مره تانية و رفعها يشيلها ضحكت ميار و قالت : متعب
متعب : عيونه
ميار : الفشار ينكب
متعب : ما عليك مارح يصير شي
طلع من المطبخ و هو شايلها و اتجه للصاله و جلس على الكنب و جلسها في حضنه بدو يتفرجوا على الفلم و ياكلون الفشار
