السلام عليكم ورحمة ﷲ وبركاته
اليوم الثاني
قام بطلنا من النوم و دخل للحمام (ﷲ يكرمكم) و اخذ شور سريع و طلع لبس بدلته و اتعطر و طلع من الغرفة صبح على امه و ابوه و طلع متجه للمركز
بطلتنا قامت و اتجهت للحمام (ﷲ يكرمكم) تروشت و لبست بنطلون جنز فاتح مع تيشرت وردي و لبست عبايتها البيضة و طرحتها و صلت فريضتها و اتجهت لتسريحة الغرفة و سوت مسكرة و قلوس و تعطرت و طلعت و صبحت عليهم و فطرت و ركبت سيارتها و حركت سيارتها متجها لشركة
اما نايف قام وهو مروق لانه كلم امه و ابوه اليوم بيخطبون وليف حياته رسميا و قدام الكل تروش و لبس توبه و جفف شعره و تعطر و طلع لقى ان امه و ابوه نايمين و ما حب يصحيهم و طلع ركب سيارته متجه لورشته
عند يزيد وقف قدام كوفي اخذ قهوة و مشى للمركز
عند الهنوف كانت قايمه و تلبس عبايتها بتطلع و قطع عليها رنين جوالها و شافت و لقت المتصل زياد ردت
زياد : صباح الخير هنوفي
الهنوف : صباح النور
زياد : و ربي الحين بدأ يومي اي كلمت عمي و بنروح نفطر و اخذك انا لشركة
الهنوف : ترا ما يحتاج تاخذني انت للشركة عندي سيارتي
زياد : لا لا انا باخذك و برجع البيت بعد ما تخلصين
الهنوف : مو عندك دوام
زياد : يخسي الدوام لعيونك
ابتسمت الهنوف و قالت : طيب نروح
زياد : يلا انا بنطرك تحت طيب
الهنوف : تمام
تعطرت و عدلت طرحتها و لبست جزمتها (ﷲ يكرمكم) و نزلت تحت و قالت : صباح الخير على امي و ابوي
ابو يزيد : صباح النور
ام يزيد : صباح النور يا بنتي وش تفطرين
جايه بترد عليها الهنوف بس قطع عليها ابو يزيد و قال : حبيب القلب ينط قدام البيت
ام يزيد : الله يهنيك يا بنتي و اطلعي لا تخلي زياد ينطر أكثر
ابتسمت الهنوف و هزت راسها بالايجاب و طلعت لقت زياد في السيارة ركبت و قال زياد : حياك حياك
الهنوف : الله يحييك
زياد : اي وين نفطر
الهنوف : الصراحة ما في شي في بالي فا شوف اي شي
زياد : شرايك شفت مطعم عليه مدح نروح و نجرب
الهنوف : تم يلا
مشوا متجهين للمطعم
اما عند ليال كانت تشرب قهوه و تسوق في نفس الوقت و فجأه تدخل فيها شاحنه
اما عند يزيد كان جالس في المكتب و دخل عليه ريان و قال : عقيد يزيد بسرعة في حادث قوي ضروري نلحق عليه
قام يزيد بسرعه و هو قلبه مو مطمن من الصبح و طلعوا هو ريان ركبو السياره و قال : ريان كلموا الإسعاف
ريان : كلمنا الإسعاف و توصل على و صولنا ان شاء الله
يزيد : اسرع ياخي قبل ما يصير شي
وصلوا يزيد و ريان قبل سيارة الإسعاف ناظر يزيد السيارة و ناظر البنت الي طايحة و كلها دم و قال و هو يرتجف : لا لا ياربي لا
نزل بسرعة و هو يرتجف نزل للبنت و مانت طايحه ما يبان رجها لف البنت اناظرها و ياليت ما نزل من السيارة ناظر ليله ليل أيامه طايحه قدامه ومعبيه دم ضمها و هو دموعه تنزل و قال : ليلي لا تتركي يزيدك ليلي لا تمشي و تتركيني و حنا لسا ما تزوجنا لا تسوينها يارب تقوم بالسلامه يارب
و هدا كلو صار قدام ريان الي اول مره يشوف العقيد يزيد بذا الشكل ناطره يزيد و قال بصوت يتقطع من البكى : ريان بسرعه خلي الإسعاف يجو
ريان : جايين بس شوف النبض
يزيد شاف نبض ليال و كان النبض خفيف مره وقال : يارب يارب قومها و لا تخليني افقد أغلى شي بحياتي يارب
سمعوا صوت سيارة الإسعاف و رفعها يزيد لحضنه و حطها على السرير و ناظر ريان و قال : بسرعه الحقني المستشفى و قول لي زياد بس بشويش عشانه مره متعلق فيها
مشى يزيد و ركب سيارة الإسعاف
