နာမည်ကြီးဇာတ်ညွှန်းရေးဆရာတစ်ယောက်ရဲ့ ဇာတ်ညွှန်းကိုရုံတင်မယ့်ရုပ်ရှင်ကားကြီးအဖြစ်ပုံဖော်ကြဖို့ ပြင်ဆင်နေတဲ့သတင်းက အနုပညာလောကတစ်ခွင်ပျံ့နှံနေတယ်။
စီးပွါးရေးလောကမှ company များနှင့် brand များကပါစပွန်ဆာပေးအကုန်ကျခံပြီး ရုပ်ရှင်ကိုအဆင့်မြင့်မြင့်ထုတ်လုပ်ဖို့ပြင်ဆင်ထားကြတာမို့ ဒီဇာတ်ကားမှာပါဝင်နိုင်ဖို့က အနုပညာရှင်တိုင်းရဲ့လက်ရှိအိပ်မက်လိုဖြစ်နေတယ်။ သေချာပေါက်အဲ့လူတွေထဲမှာ ယောန်ဂျွန်လည်းပါတာပေါ့။
solo artist အဖြစ်ရပ်တည်ခဲ့ပြီး သရုပ်ဆောင်ပါပူးတွဲလုပ်နေတဲ့ယောန်ဂျွန်းက သူ့ဘဝအတွက်ဇိမ်ခေါ်မှု့တစ်ရပ်လိုဖြစ်နေတဲ့ ရုပ်ရှင်ကားမှာပါဝင်နိုင်ဖို့အရည်ချင်းရှိအောင်အမြဲကြိုးစားခဲ့တာ။ ဒီတစ်ခါထုတ်လုပ်မယ့်ရုပ်ရှင်က အခွင့်သာရင်အမြင့်ဆုံးထိတက်နိုင်မယ့်လှေကားတစ်ခုလိုဖြစ်နေတော့ ယောန်ဂျွန်းအရမ်းစိတ်ဝင်စားနေတယ်။
ရုပ်ရှင်ဇာတ်ကားသရုပ်ဆောင်အတွက် လူတွေ့audition ကအခြားနိုင်ငံမှာလုပ်မှာဖြစ်လို့ ဒီအပတ်ထဲ fashion event တစ်ခုကိုသွားရင်း တစ်ခါတည်းကာရိုက်တာတစ်ခုရအောင်ဝင်လျှောက်ဖို့ ယောန်ဂျွန်းဆုံးဖြတ်လိုက်တယ်။
နှစ်ပတ်ကျော်လောက်ကြာမှာဖြစ်လို့ လက်ရှိသူ့ရဲ့အချိန်ဇယားတွေကိုအပြတ်ရှင်းရင်း ယောန်ဂျွန်းတစ်ယောက်အရမ်းလုပ်များနေတယ် ။ ဒါတောင်မန်နေဂျာဟျောင်းဆီကလွဲရင် အခြားဝင်လာလေ့မရှိတဲ့ ph call တွေကြား ဖုန်းနံပါတ်စိမ်းတစ်ခုခုများပေါ်လာမလားဆိုတဲ့အတွေးနဲ့ အချိန်မရတဲ့ကြားက သူ့ဖုန်းသူစစ်ဆေးလိုက်မိသေးတာ။
မနက်မိုးလင်းတိုင်း ဖုန်းနိုတီဗားမှာပေါ်နေတတ်တဲ့
*မောနီးဘေဘီ* ဆိုတဲ့စာသားကိုယောန်ဂျွန်းမမြင်ရတာသုံးရက်လောက်ရှိနေပြီ ။ အပြင်မှာတွေ့ကြရင်သာ နာမည်ကိုခေါ်ပေမယ့်ခုလိုစာနဲ့ဆို ချွဲဆူဘင်းကယောန်ဂျွန်းကို ကလေးလိုလို သူ့ရည်းစားကောင်လေးလိုနဲ့ စကားနဲ့သိပ်အသားယူတတ်တာ ။
ခုနေ့လည်းတီတီတာတာစကားလေးတွေရှိမနေတော့ အကျင့်လိုဖြစ်နေတာမဟုတ်ပဲ အိပ်ယာနိုးတိုင်းမြင်နေကျမို့ စိတ်ထဲတစ်မျိုးဖြစ်နေတယ်။ ယောန်ဂျွန်းဘက်ကလုံးဝမဖြစ်နိုင်ကြောင်းကိုသိသွားလို့ လက်လျော့သွားတာလား ၊သဘောကျကြောင်းကိုမျက်စိပူနားပူတဲ့အထိ စာနဲ့ဖြစ်စေ လက်တွေ့ဖြစ်စေပြောနေတဲ့ကောင်လေးက ခုတော့စိတ်ပြောင်းသွားပြီထင်တယ်။
