القلب وما يهوى

Part 4

Part 4

إنت هتعمل إيه، إهدا كدا وقول هديت
ابتسم بخبث وهو يغمز لها : هساعدك بس عشان تغيري الفستان ولا إنتي نارية تنامي بالفستان؟
شغف بهدوء : ايوة هنام بالفستان عندك إعتراض؟
يونس بخبث : ايوة طبعا انا بسجل إعتراضي، إزاي عروسة وعريس وفي ليلة دخلتهم و إنتي
شغف : إمشي إطلع برا، إنت بنيأدم مش محترم إيه اللي بتقوله ده

حاول يونس أن يبدو هادئا كي لا يفقد صبره عليها وخصوصا أن تلك الليلة تكون موترة ومرهقة على الفتيات لأنها بداية حياتهم الجديدة

يونس : شغف! إحترمي نفسك وإنتي بتتكلمي معايا ولتاني مرا هقولك مفيش حرمة بترفع صوتها او تقل أدبها هنا، إنتي مراتي ومن هنا ورايح لازم تبقي هادية ومطيعة بدل ما هتشوفي وش الله في سماه هتكرهيني وتكرهي حياتك

شغف بسخرية : حوش دا انا ميتة في دباديبك
يونس : شغف أنا صبري قرب ينفذ بلاش تندمي، يلا يا حلوة يا شاطرة اومي غيري وتعالي خللي يومك يعدي

شغف بعناد : لا مش قايمة، ومش بخاف انا من التهويش، إنت مفكر نفسك مين؟ هتلر؟ فوق يا بتاع إنت، أنا بس إكراما لبابي ومامي عديت الموضوع لكن أنا يومين وراجعة برلين، أنا لا يمكن أستحمل أكون معاك في مكان واحد

مسح وجهه يحاول كبح ذرات غضبه يحاول أن يصل لنقطة صبر كي يعرف كيف يتعامل مع تلك الفتاة التي حتما ستفقده صوابه

حاول أن يتكلم حنين ولين : شغف إحنا ولاد عم ومتجوزين أدام الدنيا كلها وأنا فضلت محافظ على وعدي ليكي فاكراه؟

شغف بعناد : لا مش فاكراه، انا مش فاكره أي حاجة، يعني إيه طفلة تتجوز؟ عارف يعني ايه طفلة؟ يعني ما تعرفش اي حاجة في الدنيا كل حاجة بالنسبالها تعتبر إكتشاف ومغامرات وبعدها البنت دي كبرت ميولها اتغيرت تصرفاتها طموحاتها ايه كل ده بالنسبالكم إيه؟ هو إنتم ليه اصلا كدا؟

يونس بغضب وحاول أن يخفض صوته : إسمعي يا شغف لأخر مرة هقولهالك فاهمة لأخر مرة، عاداتنا وتقاليدنا سيف علي رقاب الكل الكبير قبل الصغير، دي عادات اتحطت لعيلتنا من سنين والأجيال مشيت على نفس الخطي من غير اعتراض سنين ورا سنين مش هتيجي احنا ونقول اشمعنا وليه؟ هنعمل زي اللي قبلنا ما عملوا، انتي مراتي من وانتي طفلة وتميتي سن النضوج تبقي حلالي ونشهر الجواز ودلوقتي كل حاجة مشيت حسب العادات والتقاليد نكمل حياتنا زي الباقي

شغف كانت تنظر له بصمت ولم تقتنع بمثقال ذرة من كل ما قال إكتفت فقط بالنظر له بإذدراء

يونس : أني الإبن الكبير للعيلة لكن مش اول واحد اتجوز، رغم ان من الشروط اني انا اللي اتجوز الأول بس حضرتك كنتي برا وعمي كان بيماطل كل لما جدي يكلمه ويطالبه بالأمانة بتاعتي اللي هي انتي وحجته لما تاخدي شهادة الثانوية وخلاص اتخرجتي كفاية عليكي بقي لحد كدا ونبدأ حياتنا