Part 6
صباحية مباركة يا عروسة، أهي كدا العرايس ولا بلاش
نظرت لها شغف بحزن : إنتي مين؟
أجابت بخبث : محسوبتك روحية، خدامتك يا ست الستات
شغف : ماشي يا روحية، ممكن تحطي الفطار وتتفضلي
كانت تكظم حزنها وغيظها بداخلها وهي تكاد تشيط غضبا وعذابا، فكان من المفترض أن تكون هي مكانها، فهي الأجدر ليست تلك ولكن الصبر هو مفتاح حكايتها
قبل أن تخرج تسائلت روحية بخبث : أومال فين سي يونس، وجب يعني أباركلهأشارت شغف بلا إكتراث وحزن : في الحمام
روحية بغيظ : حمام الهنا، تؤمري بحاجة يا ست الستات؟
إبتسمت شغف بحزن : متشكرة، خدي الباب في إيدكخرجت روحية وهي تكاد تميز غيظا ولكنها تحاملت على نفسها من أجل هدفها
هبطت للأسفل لكي تقوم بالعمل التي أوهمت الجميع أنها هنا من أجله
كانت نجلاء بالمطبخ وبجانبها ثلاث فتيات أخريات، إثنتين منهم زوجات لشباب العائلة أولاد عمومة يونس والأخرى مساعدة تعمل بأجر وكانت روحية مثلها في نظرهم لكنها كان لديها هدف أخر وهو التودد لكل أهل المنزل ومحاولة أخذ المكانة الحقيقة التي تستحقها والتي تستولي عليها تلك الفتاة الغريبةنجلاء : طلعتي الأكل يا روحية؟
روحية بخبث : أيوة يا ست نجلاء، بس إيه العروسة دي؟ متكبرة على إيه؟ دي حتى ما قامتش تاخده من إيدي، قاعدة حط رجل على رجل على السرير بصراحة يا ست نجلاء أني مكنتش متوقعة إنك تختاري لسى يونس عروسة زي دي، دا سي يونس دا برنس البحيرة كلها تماتكلمت إحدى الفتيات وكانت تسمي أمل : خليكي في حالك يا روحية، يا ريت متتدخليش في اللي ملكيش فيه، دي داخلياتنا وإحنا عارفينها، خليكي في اللي جاية عشانه
نجلاء بحدة لأمل : وهي قالت إيه غلط يا بت إنتي، صحيح غريبة بس من أول نظرة وقدرت تعرف البلوة اللي اتبلينا بيها
نظرت لروحية وتكلمت بحسرة : معاكي حق يا روحية والله، أنا كان تحت عيني عروسة ليونس تستاهله بحق وحقيقي حس ونسب وأخلاق وكمان تقول للقمر قوم وانا اقعد مطرحك بس نقول إيه حكم القوي، حكم العادات بقي اللي بلتنا بالبلوة دي، وخلتها تيجي من آخر الدنيا وتبقى مرات الكبير
روحية : لا ملكيش حق، كنتي وعيتي سي يونس دا شكله هيتعب معاها جامد وسي يونس برضه هيبة ومركز، أني خايفة البت دي تسيطر عليه، زي ما سمعت دي تربية خواجات، ودول يارب الستر من عندك بيلعبوا على الحبال
أمل بغضب : هو إنتي بتولعيها زيادة، ما تخليكي في حالك يا بت إنتي ولاحظي إن اللي بتحاولي تغلطيها بتكون بنت عمي ومرات إبن عمي يعني إنتي داخلك إيه في العيلة دي؟
روحية : يا ست أمل أني بقول بس اللي حسيته ناحيتها، وبعدين أني بحبكم وخايفة عليكم وخصوصا سي يونس مش عايزة هيبته ومركزه في البلد يقلوا أو ينتهوا
YOU ARE READING
القلب وما يهوى
Romanceهل تعرف ما هو الحب؟ إنّه شعور غريب تجاه شخص مُحدّد يجعل قلبك يدقّ لمجرّد التّفكير به، وتشعر أنك بحاجة له، فتسامحه على أخطائه التي لم ترها من الأصل. وهذا الحبّ يضمّ مزيجاً غريباً من الأحاسيس؛ فهو اشتياقٌ ولوعة، وغرام وعشق وهيام. فالعاشق حين يحبّ يسام...