تيجي نهرب ؟
هنروح فين الفرح لسة في أوله !
يا بنتي هو مش أنتوا عملتوا الفرح ده عشان الإشهار ؟
أيوة
و عشان الرقصة السلو الي دوختي فيها أساسًا و لحقاني بإزازة مايه
حصل منكرش .
و كمان البوفية الي في نص ديك رومي و علي اليمين باشميل و الشمال محشي ؟
أكيد هو الفرح يكمل من غير بوفية
أيوة بس !
مبسش يلا أحنا هنهرب
بس لازم أدرس الموضوع
أبوها واقف علي الباب بيسلم علي المعازيم
أخوها بيلف قاعة كلها زي نحلة عشان يشوف مين الي مخدش حاجة ساقعة
خالها بيشرب سجارة مع الأمن
ياربي هزوغ من الناس دي أزاي بس .
سمعتها و هي بتضحك و بتسئل يا إبني أنتَ لي عايز تسيب ليلة العمر ؟
يا بنتي أنا زهجت مش بحب الزحمة إعتبرني إنسان متوحد و يلا نمشي من هنا .
ضحكت و لقتها بتسألني بتعجب هم لي سايبنا و مشغلين اغنيه هادية .
عشان الناس بتأكل الديك الرومي .
بصيت ليا بفرحة غريبة و لقتها بتسألني
فاكر أول مرة قابلتك أزاي ؟
رومانسية في وقت غير مناسب بالمره
و بعدين بقي أنا بشغلك عن الزحمه
طب ما نهرب
ازاي يا عم
سهلة و بسيطة جدًا و الله
أيوة أزاي
إقلعي جزمتك الشمال
إشمعني
عشان نهرب يا سيندريلا
قصدك أن هحقق حلمي و أجري بفستان زي سيندريلا و اقعد من العربية أعمل بصوت عالي الوداع الوداع زي الكارتون ؟
أيوة يا ستي بسرعة يلا بس
لقتها متنحه و ساكتة
في أي يا بنتي
ردت عليا بحسرة .أصلي لابسة كوتشي مش جزمة زي سيندريلا
سبحان الله مش عارف ازاي تمالكت أعصابي و بكل هدوء قولت ليها معلش يا عروسة تتعوض الفرح جي ممكن يلا بقي
ما بوراحه متزوقش كدة
و فعلًا مسكت إيدها و بدأنا نلف وسط معازيم بهدء لتجنب لفت التظر.
و فجاة كنا واقفين قدام الباب بتاع القاعة .
فكيت جارفته الي كابسه علي نفسي دي و هي رمت الجزمة
مسكنا إيد بعض بحماس .
و بدأنا نجري سايبين كل حاجه
و إختارنا بعض
#راويه_طه
#ما_كتب_بقلمي_في_لحظة_تهور_أو_هدوء
أنت تقرأ
ما رواه قلمي في لحظة تهور أو هدوء ✨❤️🩹
Short Storyبعض الكلمات التي تدور في ذهني في لحظات التهور قررت أن أنشرها في لحظات هدوء
