بعد كل ده ؟
بعد كل ده عايزة تنفصلي ؟
أنتَ السبب .
أنا السبب بجد؟
أيوةطبعًا هو أنا الي خونت و لا أنتَ ؟
رديت عليها بزعيق : دي مش خيانة
لقيتها ردت عليا بكل سخرية: أومال أسمها أي .
رديت عليها بكل هدوء : دي مجرد نزوة .
أيوة صح صح نزوة
أنك تقعد بالشهور بترجع متأخر و الحجة الشغل عشان الفلوس و البيت و مصاريف زادت و أنا هنا كل ليلة أرفع إيدي للسما بدعي ربنا يخفف عنك الحمل و يوسع رزقك .
لكن الحقيقة البيه بعد الشغل كل يوم بينزل يتفسح مع ست نزوة هانم ..
هو أنتِ عايزة تعملي أي خناقة و خلاص ؟
لا مش خناقة أنتَ غلطان و لازم تعترف بغلطك و أنا مش هتنازل عن قراري مهما حصل.
قرار أي
قرار أنك بتحطيني قصاد الأمر الواقع و خليتي أخوكي جاب المأذون بره و يلا ننفصل .
أيوة هطلق منك
طلقني و إلا أقسم بالله هتندم .
بعد كل إلي بينا كدة بتهديه بسهولة ؟
أنا مهدتش حاجة
أنا كنت ببني بس ببني لوحدي
البيت ده تعبي و مجهودي
بس أكتشفت أني كنت ببني بيت من قش
طار أهو مع أول عاصفة إلي أنتَ السبب فيها.
برضو هتقولي أنتَ السبب
ما الرجالة كلها عندها نزوات فيها أي يعني
خلاص يبقي كل الرجالة خاينة زيك إلا من رحم ربي .
حبنا هتستغني عن حبنا بالسهولة دي
الحب مش بيأكل عيش الأيام دي
هل الحب هيخليني أنام مطمنة كل ليلة علي السرير في بيتك ؟
هل الحب هيخليني أبقي سعيدة و أنا دماغي بتفكر و تودي و تجيب أنتَ فين و بتخون و لا لا
الحب ده حاجة ربنا خلقها للناس إلي عندها قلب
لكن أمثالك عبارة عن حجارة عايشين معانا .
طب العيال يعيشوا من غير أب ؟
أنا عشان العيال طلبت منك الطلاق بكل إحترام و تحضر و هنقعد في بيت أبويا و مسموح لك تيجي و تشوفهم و تقعد معاهم و ممكن يباتوا معاك كمان .
عشان العيال مش هسمح مستقبلًا الناس تقول أمهم بهدلت أبوهم في المحاكم و لا أبوهم راجل خاين .
أنا ممكن أخدهم منك ؟
متقدرش كلهم صغيرين و الحضانة هتبقي من حقي .
هتصرفي عليهم منين
أنتِ مرتبك أقل من مرتبي مليون مره
لينا رب أسمه الكريم زي ما أبويا عرف يصرف عليا أنا و أخويا و طلعنا ناجحين زي ما أنتَ شايف
برضو أنا و أبويا هنعمل كدة مع عيالي .
مش هتاخدي حقوقك !
و أنا مش عايزة منك حاجة
كل إلي أنا عيزاه إسمي ميبقاش مربوط بإسمك
عايزة أتحرر من العيشة و السجن ده
أنتِ أي كل ده عشان نزوة عابرة
النزوة دي باقلها سنة و لا أنتَ فاكرني هبلة
و أنا ساكتة و بقول عشان العيال
و أنا ساكتة و بقول هتعملي أي
بس فاض الكيل بقي
خلاص كل يوم بقول هيعقل
كل يوم بقول هيرجع بس كنت بتبعد أكتر .
يعني دي النهاية
أيوة دي النهاية و أنزل كمان بالشريط
بعد حبنا ده كله ؟
أنت إلي مقدرتش النعمة إلي معاك
أنا كنت معاك حاضر و نعم و عمري ما أعترضت بس يمكن بسبب طيبة بتاعتي ركبتني فكرتني حق مكتسب و ده مش حقيقي .
أتفضل بلا عشان الشيخ مستني برة مع أخويا
ننفصل بهدوء و ولادك تقدر تشوفيهم في أي وقت
و حقوقي أنا متنازلة كلها مش عايزة منك حاجة لأن و ببساطة متشرفش أني أخد حاجة منك يا بتاع نزوات .
و فعلًا خرجنا و أنفصلنا بكل هدوء و خت الأولاد و روحت علي بيت والدي و دي كانت أول مره أقدر أنام فيها من شهور مرتاحة البال و الخاطر من غير قلق أو توتر.
#عبثيات_رواية
#راويه_طه
#ما_كتب_بقلمي_في_لحظة_تهور_أو_هدوء
أنت تقرأ
ما رواه قلمي في لحظة تهور أو هدوء ✨❤️🩹
Short Storyبعض الكلمات التي تدور في ذهني في لحظات التهور قررت أن أنشرها في لحظات هدوء
