تيجي نركب عجل ؟
لي هو إحنا عيال ؟
و فيها أي يعني لما نتصرف بطفولة مره واحدة في اليوم وسط يوم كله كلاكيع و تصرفات ناضجه و ممله .
أنتِ بتقولي أي أنا ظابط و المنطقة كلها عارفة أن جوزك ظاااابط لما أنزل قصادهم بعجلة يبقي كدة الهيبة بتاعتي تروح دة حتي عيب في حق الشنب .
ردت عليا بقمص طب شكرًا لك هو أساسًا الإهتمام مش بيطلب
لفت وشها و بدأت تأخد العجلة و تدخل بيها الجراش .
الحزن و الزعل علي وشها .
جريت وراها و مسكت إيدها خلاص متزعليش طب تعالي .
أي يعني الهيبة تروح
لأجل الإبتسامة العسل دي
لقيتها ضحكت
أيوة بقي ضحكت يبقي قلبها مال .
تعالي يا أم ضحكة تعالي .
ختها من إيدها و ركبنا العجلة إلي كان فيها ورد في السلة الي من قدام لا و زيادة الجنون جنون بقي و التهور
راحت جابت الطقية الي هي بيلبسوها في سيما و لبستنا زيها
و شغلت أغنية لعبد الحليم و شادية علي راديو قديم و طلعت بيها في الشارع.
بجد الهيبة و كارزما بتوعي مبقوش موجودين
ناس بقت تبص عليا و تضحك
بس مكنتش عارف أركز مع أي حاجة تانية
الحاجة الوحيدة إلي كنت مركز معاها .
هي الضحكة الي مرسومة علي وشها بطريقة تخليني أسرح معاها و معرفش أركز حتي في الطريق بتاع العجلة لدرجه أننا كنا هنقع مرتين و هي كانت مقتنعة أن جيران بيحسدونا بقي .
الناس بقت بتبص علينا و تصورنا و تنزل و تقول الظابط أتخلي عن كارزما بتاعته عشان خاطر حبيبته أنتَ بقي أتخليت عن أي عشانها ؟
#راويه_طه
#عبثيات_رواية
#ما_كتب_بقلمي_في_لحظة_تهور_أو_هدوء
أنت تقرأ
ما رواه قلمي في لحظة تهور أو هدوء ✨❤️🩹
Short Storyبعض الكلمات التي تدور في ذهني في لحظات التهور قررت أن أنشرها في لحظات هدوء
