قاع الظلمات (209)

البارت الرابع والعشرين

مرحبا فراشاتي

تصويت وتعليق بين الفقرات <✍🏻⭐>

قرائه ممتعه

بقلمي رماد _قاع الظلمات(209)
__

طگطگتهن
خرزة خرزة وماكو
أي طگـة وفه بـ سبحة هواك
عاتبتهن
گالن انتَ الصوچ بيك
ومانسيت اللي نساك .💜

__.

تشرفنا استاذ بحر اني ديفا

:- اعرف كالولي ولاد عمك اجو نورتو العراق

ابتسمتله اخذ مي وراح لغرفته شكله غريب مو مثل الموجودين

رجعت لعندهم جانو يحجون

خيد :- اي نور شوكت تجهزين لعرسج

ديفا :- يا نور انتي مخطوبه ؟

نطت من يمها شهرزاد

شهرزاد:- اي وشبيها وما تنخطب عيني

:- شبيج انتي ما اتوقع وجهت الكلام الج

:- ادري اني  العراقين حتى لو صرنا اجانب نحسد كلشي

:- حسد ؟ وعلى شنو  احسدها دخلت موسوعه غينيس مثلا اي وحده بالعالم تخطب كل موضوع استغربت ما جنت اعرف بيها مخطوبه

نور :- اهدي ديفا حبيبتي عوفيها ، اي مخطوبه الي سنه ونص

:- الله يوفقج حبيبتي

بقينا نحجي اني والبنات لوقت العشاء سويت وياهم الي اعرفه تجمعنا كلنا وابوي جنبي وأدريان بحر وجنبه شهرزاد يلي كل شو تخطف نضره عليه توقعت يحبون بعض وزمن جنبه نور والباقي

وليد :- ديفا بنتج وين

:- اندري بابا كل شوي ياخذوها مشوار فرت العراق اكثر منا

:- هههه من نخلص عشاء جيبها اريد اشوفها

:- من عيوني

خلصو عشاء وبلشنا نشيل الاكل مشالله ياكلون بسرعه

بحر :- خيد ساويلي جاي بعد اخوج

شهرزاد:- خليج خدخد اني اساوي

بحر :- من رخصتج بنت عمتي اريد اختي تساويلي

بوووم تفشلت المسكينه رجعت مكانها وكالت باحراج

:- اي ع راحتك

راحت خيد تساوي جاي للكل الحلو هنا كلهم كلب ؏ كلب الا عمتي عزيزه وبنتها وخيد حستهم يكرهون الكل وميحبون غير نفسهم وهذا شي تنتبهله من خلال تعاملهم ويا الباقي

أدريان:- يابه انته جبتنا العراق تحبسنا 

:- لا بويه بس اخلص شغلي اطلعلك تدلل

ديفا:- اي بابا حابه أزور امكان هواي

صاح خيال من يمه فززنا

خيال:- هاي شنوووو