قاع الظلمات (209)

البارت السادس والعشرين

مرحبا فراشاتي

تصويت وتعليق بين الفقرات <✍🏻⭐>

قرائه ممتعه

بقلمي رماد __قاع الظلمات (209).

♡♡♡♡♡♡♡♡♡♡♡♡♡♡♡♡♡♡♡♡♡♡♡
ضاگت يارحيم الگون
بعد مامش صبُر عدنة
ملچومين من كل صوب
الوجع ياخذنة ويردنة
صغار أعمارنة وشيّبنة
ومحّد عنّة ينشدنة
محّد لزم چفنة وشالنة من الضيم
الوادم والوكن ضدنة
نريد نموت هاي الدنيا مو إلنة

♡♡♡♡♡♡♡♡♡♡♡♡♡♡♡♡♡♡♡♡♡♡♡

جانو رابطين بحر ونور بسلاسل حديد صحت بسرعه

:_ هااااااي شنو
رحت بتجاهم اريد افكهم بس قيد حركتي زمن صرت ارفس اريد اوصل عندهم منضرهم يخووف

:_ لكككك عوفني شبيكم وياهم ليش رابطينهم زمن عوفني يا عاااالم فهومني شكو

زمن:_ هشششش سكتي يستاهلون  الي يصير بيهم خانو ثقتنا وطلعو يلتقون بسر

اباوع لبحر مدمى مگادر حتى يفتح عيونه ونور حالاتها اسوئ منه مقصوص شعرها  وجها كدمات

حجيت بصوت مهزوز
:_ ليش بس فهمني ليش

حجت عمتي عزيزه 

:_ بينهم علاقه وبحر راد يفسخ العقد مالها واكو صور تثبت ؏ عليهم

هز بحر راسه وگال

:_ مابيني وبينها شي الله شاهد مثل اختي گافي عاد  تتهمون زور

عزيزه:_ انجب عبالك قشامر ما نحس لا تصدقوهم  اني شفتهم بعيوني  ومستعد احلف هم

صحت بسرعه

:_ جذاااابه ما شفت احد مثلج بحياتي كلتي هيج لان بحر ما وافق ؏ محل ابنج وتريد تنتقمين منه وهسا اورجيكم الا اخلي طشاركم ماله والي يااااا جلاااب 

خلصت روحي من زمن وطلعت فوق اجيب سلاحي مالقيته

:_ وين سلاحي يا ربي 

التفت لا بنتي ولا سلاحي

نزلت تحت ركض

:_ بنتي وسلاحي وين؟؟ 

زمن:_ بنتج ويا عمي طلعو من صبح وماكو احد هنا وسلاحج موجود  ايفا نصيحه لا تدخلين بامور ما تخصج  تبقين بنت عمنا ومنريد اذيتج

:_ شنوووو متخصني اشوفكم مربطيهم ومعذبيهم اكعد ساكته واتفرج عليكم وانت لككك المربوطه اختگگ يا عار

خزرني ماجاوبني و رجع يضرب ببحر صحت

:_ عوفه كااافي والله ما عمل شي عمتي تجذب 

اجاني صوت رجال غريب اول مره اشوفه

:_ سكتي لججج انتي منو وتحجين هيج عن امي