قاع الظلمات (209)

البارت التاسع والعشرون

مرحبا فراشاتي

تصويت وتعليق بين الفقرات <✍🏻⭐>

قرائه ممتعه

بقلمي رماد __قاع الظلمات (209)

_♡♡♡♡♡♡♡♡♡♡♡♡♡♡♡♡♡♡♡♡♡♡

لگيتك
وأدري چانت لگوتَك صعبة
شميتَك
خُبز تنور بالغربة .

♡♡♡♡♡♡♡♡♡♡♡♡♡♡♡♡♡♡♡♡♡♡♡

الكل جمد عن الحركه وصدمه احتلت اشكالهم  بحر فرح من شافهم بهاي الحاله  بيبي حجت واخيرا

بيبي:_ تحجون صدگ لو تشاقون

بحر:_ متشاقي اني  وياج قبل؟ 

من نطق هاي الكلمات بحر شهرزاد جن جنونها  كعدت بالارض  تبجي وتصرخ للحضه انقهرت عليها 

عمتي عزيزه كعدت ؏ قفنه قرب منها بحر أشر ؏ شهرزاد  وكال 

:_ شايفه حالت بنتج  ،  نفسها حالت أمي قبل سنين وهسا رجع الحق لصحابه 

عزيزه:_ تردها الي ببنتي. يبحر هين ان ما قلبت البيت ؏ راسك ما اتسمى عزيزه

ابتسم بحر وكالها بجمود

:_ البقاء للاقوى

گامت عمتي لغرفتها وخيد اخذت شهرزاد الي تبجي زمن طول الوقت ساكت  ماحجى

بحر:_ ها زمن ما تباركلنا؟ 

وكف زمن

:_اباركلك شلون ما اباركلك غير انت العزيز 

فتح ايديه بحر لزمن الي جابه بوكس رجع خطوتين لورا 

بحر:_هههه خوش مباركه هاي  بس تعرف الهديه لازم تنرد

كلها وصاح موج

:_ مووووج تعالي بابا 

نزلت موج لتحت واضح الحرگ يوجعها من اجيت هنا شفت كميه ناس ضعيفه كلش اهمها موج ونور الله يرحمها  نزل ادريان ؏ صوتنا  وعيونه ؏ موج

اشر بحر لموج تقرب منه حضنها وكال
:_ زمن تدري اليوم موج احتركت

زمن توتر

:_ واني شمعرفني

:_ صدكك متعرف چا منو يهدد موج اذا حجت يذبحها 

زمن خزر موج
:_جذب، مصار هيج شي

توه حجها وهجم عليه ادريان قبل بحر وكعه بالارض  وضربه بوكس  وبحر انطا ثاني تناوبو عليه  ياهو يسدد ضربات اسرع لزمن.

موج جانت واكفه تفرك بايدها وتبجي وبييبي تحاول تفكك بينهم  بابا وعمامي دايما برا ميفتون غير بالليل 

:_ باي ايد ضربت اختي؟ 

نطق زمن بصعوبة

:_ كتلك جذابه ما ضربتها