تـحتَ سـلاسـل الجَديـلَ

part. 3 |نَــازك

#تــحتَ ســـلاســل الجَديــلَ

بقلمي:- دلهِم الجنابي

~~~~~~~

العشگ والناسَ والدُنيا حِلم عابر..

~~~~~

" قُدس"

كمت على حيلي مفزوعة من الصوت رفعت راسي على مِيسلون كاعده و تباوعلي بخوف
مِيسلون: شكو شصاير؟

رديت عليها واني أكوم من الفراش واعدل بشالي

- علمي علمج هسه راح انزل اشوف شكو.!
فتحت باب الغرفة ورجعت باوعت الها اردفت واني اتذكر الولد الي شفتهَ
بـ سطح

.. لبسيلج شال وتعايي وراي لاتبقين وحدج. عفتها ونزلت من الدرج بسرعة كل ما انزل باية كل ما صوت يعلة احس باب راح يوكع علينةةة رفعت راسي للساعة المركونة على حايط الصالة
ساعة بـ 9 وربع ..

خفت اطلع. فتحت غرفة رِهاب عيوني تتجول على جرباية مسفطة يعني ماموجود وباب الحمام مفتوح.

رجعت فتحت غرفة اهلي بلكت ابوي موجود بس ماكو باوعتلي فريال وهي تلبس شالها
- ولج شكوو شنو هل صوتت
- مادري والله باب تكسرر ولا رِهاب ولا بابا موجود..
طلعت من يمي واتوجهت للباب الرئيسي
واني امشي وراها وكفت ورى الباب واني يم باب المطبخ واكفة.
وكالت.. منوو؟
إجانة صوت خشن وهوَ يصيح بصوت عالي... تفتيش ، تفتيش

ردت علية فريال وهي حاطة ايدها على حلكها مستغربة
-بس عيني ماكو زلمنة بالبيت شلون تفتشون
-أختي اجانة أمر نفتش كل بيوت المنطقه

..رفعت راسي من سمعت خطوات تتقرب الي صديت عليها تمشي وعيونها كوه مفتحتها وشالها واكع على أمتونها
تأشرلي بـ أيدها وتباوعلي بستغراب بمعنى. شكو.

رديت بصوت ناصي.. يكولون تفتيش.

مِيسلون: تفتيش؟؟
هزيت راسي والتفتت على فريال وهي تتقرب النه كالت بهمس

- قُدس بسرعة روحي جيبي عباتي ولبسن صايات وتعالن يمي

راحت قُدس واني باوعت الها رافعة حاجبي.. بس لا ناوية دخليهم؟

فريال: اي خلي يدخلون يفتشون ويطلعون بسرعة وإذا مادخلناهم هسه يفكرون عدنة شي

مِيسلون بحده.. وخلي يفكرون قابل صدُك عدنة شي ليش خايفة؟

خنزرتلي فاتحة عيونها علية احس شوية وتاكلني بنضراتها اجت قُدس انطت العباية الها لبستهَ
وقُدس لبست صايتها شمرتها عليه وكالتلي بحده.. لبسي بسرعة لتصفنينن.
اتأففت ولبستهاا على سريع
صديت علينة فريال وهي تأشرلنا. لفن الشال على أوجوهجن