#تــحتَ ســلاســل الجَديــلَ
بـ قلمي: دلهِم الجنابي
~~~~
﴿وَإِنَّ رَبَّكَ لَذُو مَغْفِرَةٍ لِّلنَّاسِ عَلَىٰ ظُلْمِهِمْ ۖ وَإِنَّ رَبَّكَ لَشَدِيدُ الْعِقَابِ﴾.
~~~~
دليلة: رزنهَهه؟
التفتت رزنهَ عليها بـ توتر وهيَ تحس قلبها ينبض بسرعة
رزنهَ: هاا عمة؟
ردت أمهم الجبيرة على دليلة : وحرش شمالج يلعانس تهوبزين بصوتج لـ عالي
ردت عليها وهي فشلانة من تصرفها
دليلة: لا يمة ماقصدي اصيح بس ردتها تجي وياي
نسوي اكلة ياجلها ابن خالتي توه جاي مبين تعيبان
أردف جلال وهوَ يحط أيدة على صدرة،
جلال: رحمة الله والديج ماتقصرين
ابو أيوب: أكعد أكعد هسه يسوولك أكل
كعد جلال يم الحجية وماتخلة الكعده من أسئلة خالاتة ل جلال،
شوكت نشوفك عريس،
شوكت تزوج،
خلي نشوف جهالك،
أنتَ بس أشر واحنا أنجيبلك المرة،
الي بعمرك تزوجو وجهالهم بحضنهم،
وووو سوالف النسوان ماتخلص...
وهوَ مايعرف شلون يسكتهن بس يهزز راسة
ويردف بـ الله گريم ونضراته على رزنهَ
ودليلة من شافت نضرات بينهم النار أشتعلت بداخلها تحبة مو بيدهة من هيَ وصغيرة تحبة مو بس تحبة تعشقة هم وماتكدر تلزم كلبها
وتوكف الحب الي يجري تجاهة
سحبت رزنهَ من أيدها وطلعو خارج الغرفة الكاعدين بيها ومتوجهين للمطبخ
رزنهَ: أويي عمة كاعده تأذيني
دليلة: وعمة العماج مين أجيت عمتج شوو بعدني
صغيرة وروحي خضرة شنو تكوليلي عمة!
رزنهَ: أحترماً الج اني اكلج عمة لأن أنتِ أكبر مني
دليله: سكتي سكتي واذا اكبر منج لزمتها من اذانها ورجعت كالت اذا تكوليلي عمه مره ثانيه احش رجولج حش افتهمتي
رزنهَ: دفعت ايدها بتوتر والله عمه بعد ما اكولها
دليله: انا شكاعد أكول
رزنهَ: اسف اسف بعد ما اعيدها بس عوفي اذني
تركت أذانها وراحت للثلاجه طلعت الاكل وحمته ورزنهَ بس هيج واگفه بالمطبخ عبالك دليلة ام البيت
مو بيت خالتها خلصت الاكل وشالت الصينيه
واتقربت على رزنهَ وگالت، اسمعي ولج راح احط صينيه كدام جلال واريدج تمدحيني كدامة
أنت تقرأ
تـحتَ سـلاسـل الجَديـلَ
Mystery / Thrillerسحب الڪُرسي بـ هدوء وجلسّ عليٌَ لزم أيدها حاضنها بين ڪفوف أيدة الخشنة وهوَ يحس قلبة ينبض بـ بسرعة والعرق ينزل من علىٰ جبينة يناضرلها بـ تمعن ويئس على وضعها لـ ديسوء أكثر وأكثر .. أردف بـ صوت مبحوح، - أمنَيتي اشوفچ صاحية ، ومو يَم طبيب وما تفارگ وَ...
