Song of the Mountain - (Slow Update)

නව වන පරිච්ජේදය

කාලය ගතවී ඇත.දින කිහිපයකට පසු Wei මැඳුරේ පැවැති භෝජන සංග්‍රහයට Lan පවුලේ සියළුම දෙනා සහභාගී වූ අතර ඒ සඳහා Meng මැඳුරේ සාමාජිකයින් ද එක්වූහ.Meng යනු Lianගේ සන්මිත්‍ර Jiyangගේ වංශ නාමය යි. Meng ප්‍රධානීතුමා නම් ඍජුවම දේශපාලනයට දායක වූ අයෙකි. නමුත් ඔහු යහපත් පුද්ගලයෙක් වූ නිසාවෙන් Wei,Lan ප්‍රධානීන් දෙපළගේම ළඟම හිතවතෙක් වීම පුදුමයට කරුණක් නොවීය.අනෙක් අතට Meng පවුලේ දෙවන පුතු වූ Jiyang හා Lian අතර ඇති මිත්‍රත්වය ද Wei මැඳුර හා Meng මැඳුර යහපත් සම්බන්ධතාවයකට එළඹීමට ඉවහල් විය.

භෝජන සංග්‍රහය අතරතුර යමක් ඉව වැටුනු Lian පසුවූයේ නොසන්සුන් මනසකින් යුතුව ය. Shen එය හඳුනාගත්ත් ඊට හේතුව කුමක්ද යන්න ඔහුට නිශ්චය කරගත හැකි නොහී ය.

Meng කුටුම්භයේ සියල්ලන්ටම ආරාධනා කළමුත් Jiyangගේ සොයුරිය වූ Hua එහි නොපැමිණි අතර ඊට සමාව ඉල්ලීමක් හැර හේතුවක් ඉදිරිපත් කිරීම Mengවරුන්ගෙන් සිදු වුයේ නැත.Meng ප්‍රධානී සහ බිරිඳ, Hai Shenට වැඩි අවධානයක් යොමුකරන ආකාරය මෙන්ම එහි නොසිටි තම දියණිය Hua පිළිබඳ යම් යම් තොරතුරු පවසන ආකාරයත් හොඳින් තේරුම්ගත් Lianට ඉදිරියේ දී සිදුවීමට නියමිත දේ පිළිබඳ වැටහීමක් ඇතිවිය.Meng කුටුම්භය තම පෙම්වතා පැහැරගැන්මට පිඹුරුපත් අඳින හැඩ ය.තම පවුලේ සාමාජිකයන් ද මීට හවුල් වී ඇතැයි සිතූ Lianගේ නොරිස්සුම් බැලුම් කිහිපයක් Wei ප්‍රධානී වෙත එල්ලවිය.නමුත් Wei ප්‍රධානීතුමාට ඒ රැවුම් ගෙරවුම් කිසිත් නොවැටහීම එතුමාගේ වරදක් නොවිනි.

ඉදින් භෝජන සංග්‍රහයෙන් අනතුරුව තරුණ පිරිස එක් පසෙකටත්,වැඩිමහල්ලන් තවත් පසෙකටත් වෙන්ව සල්ලාපයේ යෙදී සිටි අතර, ඉන්පසු පළමුවෙන්ම පිටත්ව ගියේ Meng සාමාජිකයන් වූහ.Lanවරු පිටව යාමට සැරසුනු අවස්ථාවේ Lian ඉතා කීකරු,සුරතල් දරුවෙක් මෙන් Shenට මඳ වේලාවක් රැඳිය සිටිය හැකිදැයි විමසුවේ අහිංසක අයුරිනි.එවැන්නක් බලාපොරොත්තුව නොසිටි Shen සැබවින්ම පුදුමයට පත්විය.ඉතින් Lian පැවසුවේ ඔහුට තම සිතුවම් පෙන්වීමට නොහැකි වූ මඳක් රැඳී සිට ඒවා නැරඹිය හැකි බව ය.විය යුතු පරිදිම Shenට අවසර ලැබිණි.අන් අය ඉදිරියට යන දෙස බලාසිටි Ruyi නම් අපූරු වදනකින් සංග්‍රහ කර,ඉන් Lianව තිගස්වාම පිටත්විය.