زلزال القلب

البارت 6

بقلمي : فاطمه ال وسام

                   چا يَمتى يعوف الحِزن
           دربي هَلي عَصرة هِدم مَعصور گلبي

               التصويت بين الفقرات لطفاً ♡

    ~~~~~~~~~~~~~~~~~~~~~~~~~~~

ابتسم ولزم ايدي رحنه لمكانه وبدو يعرضون وبعد دقايق بس دقايق وينهي كلشي صار وراح يصير ما مستعده لهذا الشي شلون راح اواجه غيث شلووون افكار براسي دمرتني بكل دقيقه تمر گلبي يدك بسرعه ويأذيني اخر دقايق ومن الممكن راح اتواجد هنا اخر لمسه ايد غيث معقوله يعوفني راح اخسره بعد ما راح يلمس ايدي معقوله يسامحني،، بهالدقايق نعرض التصميم الي صممته شفت ذهول الناس وصدمة غيث واهله واهلي شفت الي ماردت اشوفه بلكوه لازمه دموعي الانظار صارت ع التصميم غيث لزم ايدي قوي وما باوعلي ابد فجأه همس " انتِ شسويتي " بلعت ريك وما جاوبت بديت اشوف غضب غيث وابو خلص العرض وما فاز التصميم بل فاز بأخيس تصميم بالموسم ايي نعم صممت تصميم يسود الوجه خربت سمعتي المهنيه كلها نصدمت مو معقوله اني اصمم هيج صممت اسوء تصميم ممكن احد يشوفه اهل غيث كلهم طلعوا من وكت بدون ما ينطقون كلمه غيث يمي ولمتزم لهدوء احس ما بعد هذا الهدوء عاصفه اتصل ابو غيث ع غيث وكاله الكل يجي للبيت حته اني واهلي توترت وردت اموت ابمكاني من طلبنه اهلي صعدوا بسياره علي واني صعدت بسياره غيث بقينه بالسياره ساكتين ماعرف شلون اواجه هوَ حته ما يباوعلي فجأه نطق " ليش سويتي هيج "

ازل: حته اتوبون تستغلون واحد

غيث: وثقت بيج

ازل: ما جنت كد هاي الثقه

غيث: انتِ تعرفين شسويتي هسه

ازل: ايي اعرف وابوك راح يعصب ويهجم البيت ع راسي اعرف

سكت ما حجه شي وصلنه لبيتهم نزلنه ودخلنه جوا دخلت للصاله واشوف كميه الغضب ع وجه ابراهيم اجه يمي سريع وضربني راجدي علي واحمد بعدوا مني وابراهيم يصيح

-: انتِ شسويتيييي ولججج شسويتييي لجج فلستينههه واحنه الي جنه متوقعين منج شييي بي خيرر يبيض الوجه تسوديننن وجهنه ولجج وين انطي وجهيي خسرنه اكبر العقود ع تصميمج الي عبالنه راح يكسر الدنيا بجماله بس كسر الدنيا بخيسته ما فكرتييي الناس شتكوللل ما فكرتييييي بسمعه الشركههه انتِ شنووو براسجج اذا ما اكسر راسج اليابس ما اطلع براهيممم

ازل: الي سويته اعتقد مفهوم اني محد يكدر يستغلني لا انت ولا غيرك من جبرتوني ع الزواج و ع الشغل وياكم عبالكم اسكتلكم وانطم شتردون تسون سوو بس مال تستغلوني هاي انسوها

ابراهيم: هااااييي تريددد تموتنييي ولككك غيثثث هسه تفسخخخ الخطوبه لا هيَ ولا اشكالها تكون من عائلتي بنيه قذره بعائلتييي ماريددد

محمد: ههههههههه بنتي طلعت ذكيه هههههه رجاءا ما اسمحلك بنتي انظف منك ومن اشكالك هههههه