بـ قلمي : فاطمه ال وسام
- خير الأمَور أسـمَرها .
{ التصويت بين الفقرات زلزالاتي}
~~~~~~~~~~~~~~~~~~~~~~~~~~~~~
༺༽علي༼༻
ابتسمت وچاي انزل وصلت للنص وما احس غير اني طرت بالهوه طاح الدرج وطحت ويا.
علي: اخخخخخ ياا بويههه راسييي
احمد: هاي شلون طحت
علي: بربك اخخخ.
اجه يمي وگفني وبلكوه امشي الحراس سمعوا صوت واجوا يركضون.
- منو هنا.
ماكدرنه نطلع رحنه بين الاشجار والحايط بقينه واكفين وبلگوه نتنفس والحراس يفتشون وشگو بأمرنه لان شافوا الدرج.
احمد: هسه يلكفونه ويلعبون بينه لعب
علي: خرا بيك شلون تعوف الدرج هيج
احمد: شمدريني عبالي ثبت
علي: دسكت لا يسمعونه.
مرن دقايق وهمه يفتشون المكان والحمدالله ما شافونه رجعوا لمكانهم رفعت راسي اشوف شباك نور مسدود وما هيَ عفنه كلشي ورحنه يم السياج حاولت اكثر من مره اصعد بعد محاولات صعدت وطفرت طفر وراي احمد لزمني ورحنه مشينه للسياره صعدنه وگبل للمستشفى.
احمد: والله مغامره بنص الليل هههههههه
علي: حيوان كسرتني
احمد: هاي ليش غير خليتك تشوفها وراح تراسلك هم بعد شتريد
علي: ايي زين سويت شي يستاهل اتأذه علموده
احمد: والله اني جامع الصله هههه.
ضحكت وصلنه للمستشفى دخلنه وسويت اشعه وتحاليل بقينه ننتظر كم ساعه اجه الدكتور وطلع عندي التواء بالرجل عالجته واخذت العلاج واحمد رجعني للبيت وراح مر كم يوم لحدما تحسنت رجلي وكدرت اجمع معلومات استخدمها ضد ابراهيم حته يوافق نمت لـثاني يوم وكعدت غسلت وبدلت اخذت اوراق وطلعت بسيارتي متوجهه لشركه ابراهيم وصلت ورحت لمكتبه مباشرةً طرقت الباب سمحلي بالدخول ودخلت اول ما شافني تغير ملامح وجه وكعد حاجبه مستغرب ابتسمت وتقدمت ليمه.
أنت تقرأ
زلزال القلب
Adventureالأشياء الحزينة تعطي للحياة عمقًا ومعنى أكبر، فلا بد من تجربتها لفهم جمال السعادة. 2024/5/29 بقلم : فاطمه ال وسام
