بـ قلمي : فاطمه ال وسام
حاير من تجي بيا ورده
الاگيك
ويا عين التكفي و بيها
اخليك
﴿ التوصيت بين الفقرات زلزالاتي ﴾
~~~~~~~~~~~~~~~~~~~~~~~~~~
« رولا»
وصلنه للمستشفى نزلت بسرعه وركضنه دخلنه رحنه عرفنه بيا غرفه نز گلبي من عرفت هوَ بالعمليات رحنه يم صاله العمليات بقينه ننتظر كاعده وحاطه ايدي على گلبي حيل خايفه تلفوني اشتعل من الاتصالات بس مالي حيل ارد مرت كم ساعه وطلع الدكتور طمنه حالته مو خطره وشويه ويطلعوا لغرفه بقينه ننتظر لحدما نقلوا لغير غرفه بقيت برا الغرفه اتصلت على نور وطمنتها سديت الاتصال ورجعت للغرفه.
علي: خوفني خرب حظه
رولا: بعده بي البنج مو
علي: ايي.
رحت يم احمد كعدت على الكرسي اباوعله ثواني وگال.
- يا بويه يا يمه غيث وينه
علي: بجيبي حبيبي
احمد: ولكم رحت انقده كضاني واحد گلي شتريد كتله اريد غيث دفرني وگال دولي، الحقير فلا يحترمني.
علي: منو هذا
احمد: ماادري واحد من العصابه انوب شلون عصابه، عصابه مال شوارع ههههه
رولا: وانت رحتلهم مسوي روحك باتمان.
احمد: باتمان ضوء لمع وسط المدينه هههه.
ضحكت على حالته واباوعله باوعلي وگال.
- فلك طرج كون الزكج بالحايط.
عكدت حاجبي مستغربه.
رولا: ليش يمه.
احمد: من ورا جمالج دوختيني.
ضحكت ساكته ظلمت الدنيا طلعت كعدت اباب المستشفى اشوف الناس واحس كل شخص اشوفه بداخله قصه جبيره زفرت نفس مرن دقايق وشفت غيث يركض كله دم نز گلبي بخوف وكفت اباوعله ما مصدكه شافني واجه ركض عليه يحجي بأستعجال.
- احمددد شبييي صارله شيي وينه هوَ.
رولا: ما بي شي حالته مستقره هوَ جوا.
دخل ودخلت ورا رحنه للغرفه دخل وشافه احمد كام من مكانه ونسى المغذي الي بيده راح غيث حضنه وخله يكعد.
أنت تقرأ
زلزال القلب
Adventureالأشياء الحزينة تعطي للحياة عمقًا ومعنى أكبر، فلا بد من تجربتها لفهم جمال السعادة. 2024/5/29 بقلم : فاطمه ال وسام
