زلزال القلب

البارت 13

بـ قلمي: فاطمه ال وسام

من رقّتها ، أقسى إنفعالاتها : بُكاء

{التصويت بين الفقرات زلزالاتي }

~~~~~~~~~~~~~~~~~~~~~~~~~~~
༺༽ازل༼༻

هزيت راسي بمعنى ايي وهي اخذت الاكل وراحت سدت الباب وغفلته اخذت نفس بحسره و رحت غسلت وبدلت ونمت فزيت على صوت رولا وهيَ تكعدني

ازل: هااا

رولا: ولج غيث، غيثثث

ازل: شبييي

رولا: جواا كاعد يتعارك ويا بابه يريد يفوت ياخذج بس الحراس مجاي يخلونه

فتحت عيوني بصدمه شفت الساعه بـ 9 الصبح ردت اطلع بس استوقفتني رولا ما قابله

ازل: خليني اروح اريد اشوفه

رولا: ماا يصيررر ولجج ما يصيررر بس تطلعين راح زيدين النار حطب لا يكدر ياخذج وماما راح تعرف اني فتحت الباب وحجيتلج لان مفتاح غرفتج عندي

ازل: على الاقل بس اشوووفه من بعيد ما اروحله

رولا: والله لو بيدي طلعتج تشوفينه بس مايصير يشوفوج

كعدت ابجي واشهك بس اريد اشوفه حتلو بس المحه كل ذره بجسمي ترجف ورولا تحاول تهديني دقايق وطلعت ضليت افتر بالغرفه حايره شسوي اتصل عليه تلفونه بعده مغلق واسمع صياحهم

« فداء »

كعدت غسلت ورحت للمطبخ سويت ريوك ورحت لامي وكلتها وغسلت الها خلصت ورحت طلعت اشتغل اول ما طلعت من باب البيت بديت ارجف وحيل خايفه اخاف يشوفوني ويجولي رحت اشتري كراتين علج بس ماكدرت اشتري كلينس ماعندي رحت على الشوار؏ ابيع وكلساع اكول " يــا عــلي" من خوفي منهم ومن غيرهم بس اكولها كلشي بداخلي يطمئن اني عــلي وياي شتغلت زين ورحت شتريت علاج الامي ورجعت للبيت قبل لا اضلم الدنيا دخلت شفت امي نايمه حضرت اكلها والعلاج ورحت يمها اكعدها ما تكعد بهالثواني كلشي بيه صار يهتز زاد نبضات گلبي بكثر خوفي حاولت اكعدها ما تكعد خليت راسي على صدرها ما سمعت شي ماكو نبض اهز براسي لا ما متقبله الموضوع ودموعي ينزلن.

فداء: يـمههه كومي جبتلج علاج والله جبتلج كومـيي اخذيي حته تتحسنين يلا كومي ليش ما جاوبيني يـوممم كومييييي فدوا لعينج بس كومي احجي وياي ما ترديني ها تردين موتي كومي اموت علمودج بس كومي يمههه لا تعوفينيي والله مالي غيرجج يمههه لا ترحيننن وتعوفيني بهالدنيا القاسيه يمههه خسرت ابويههه ماريدددد اخسرججج يومممم كعدي.