نجي فالديره كان أبو وليد يشغل الراديو وكانت ام وليد تسوي الفطور لعيالها وكانت ساره طالعه بعبايتها وبرقعها
أبو وليد: وين ان شاء الله يابنيتي
ساره :يبه في هوشه اليوم صارت بين نوير ومرزوقه
تعريف عن نوير ومرزوقه
نوير هذي بينها وبين رزان وساره ولمار ومرزوقه للمعلوميه رزان كانت تزورهم في الديره عشان كذا نوير تكرها
مرزوقه هذي ما خلت احد إلا وصفقته في الديره حتى البزارين ماخلتهم وتكره نوير وساره ولمار ورزان
نرجع لأبو وليد
ابو وليد : يابنيتي انتم ماخليتم هوشه إلا دخلتو بها
ساره : يبه يعني مايمر يوم إلا بمشاكل واصلاً أنا ماراح اروح اتهاوش لحالي معي لمار وبننتظر رزان تجينا
ابو وليد : يوه انتم الثلاثي المرح اجل ها
ساره : الله يسعدك
ابو وليد : ههههه روحي يابنيتي ماتشوفين شر
سارة : الشر مايجيك يابعدي انت
عند رزان
مها كانت تكلم اخوها وحاطت سبيكر عشان تسمع رزان الكلام الي يسد النفس
كانت مها تقول لأخوها : اي والله يا اخوي في الناس مكرهيني عيشتي هنا
تعريف بسيط عن اخو مها
ماجد : شخصيه كريهاااا حتى امه وابوه مايطيقونه
نكمل : اي شكل الناس ذولي وانا أوريهم
مها : ضحكت ضحكه طويله ومستفزه
رزان بغرفتها : تنهدت بضيقه وقامت تبكي بحرقه على تعامل أمها معاها وهي ماسوت لها شي بس بعدين تذكرت ديرتها وراحت لأبوها
ابو سلطان : هلا والله ببنتي رزان وش تبين ياروح أبوك
رزان : يبه ماودك نعيش أنا وياك بالديره
ابو سلطان : والله هي فكرتن زينه بس وش طراها على بالتس
رزان : لا بس تذكرت لمار وساره واشتقت لهم وانا طفشت من الرياض ماعندي احد هنا
ابو سلطان : آجل قولي لأختس وإخوتس
رزان : ابشر يبه
ابو سلطان : تبشرين بالجنه
رزان دقت باب غرفة نورا :بنتت
نورا : هلا شتبين
رزان اسمعي أبوي يقول جهزي أغراضتس بنروح نعيش بالديره
نورا : امانههه قولي والله اجل بروح اجهز أغراضي
رزان : يلااا وانا بقول لسلطان
سكرت نورا الباب وراحت رزان تقول لسلطان
رزان : سلطانوهه
سلطان : عيون سلطان امري
رزان :مايأمر عليك عدو بس جهز أغراضك
سلطان : ليه شسالفه
رزان : بنعيش بالديره خلاص
سلطان : قولي والله امانههه
رزان : والله وضحكت أقول بس اجهز وانا بجهز أغراضي
عند ابو سلطان : يامها
مها: نعم !!!
ابو سلطان : أقول أنا طفشت من أسلوبك لي طول هالسنوات وانا بعيش مع عيالي بالديره وأنتي روحي بيت أهلك أنا ماني متحملك كفايه صابر عليك السنين ذي عشان أبوي مايزعل مني
مها: والله إني الي صابره عليك وعلى بنتك الحيوانه الي ماتستحي ومتحملتك ومتحمله غثاك وقرفك ياشيخ
ابو سلطان : تبيني أقولها والله أقولها
مها : يلا قولها ان كانك رجال
ابو سلطان: انتي طالق طالق طالق
مها : أبركت الساعات والله وقامت أخذت أغراضها وراحت بيت أهلها وأبو سلطان راح لديرته
بالسيار عند ابو سلطان قال سلطان غريبه يبه امي ما راحت معنا
تنهدت رزان بضيق من ذكرو اسمها
قال ابو سلطان : أمكم طلقتها
انصدمو العيال كيف طلقتها وقالهم ابو سلطان كل شي
وسكتو لأنهم مايقدرون يقولون شي لأبوهم
و وصلو الديره وسوو حفله بمناسبة رجوعه بعدين جلسو وقال اخوه سعد غريبه يابو سلطان جايب معك أغراض كثيره وحرمتك ماهي معك قالهم ابو سلطان كل شي من الأف إلى الياء وانصدم الجد خيره لك ياوليدي ان كانها شينه بتعاملها مع عيالك
وراحت رزان لأم سعود وقالت لها السالفه كلها بعدين ام سعود لبست عبايتها وبرقعها وطلعت لرجال وقالت لأبو سلطان ان رزان ونورا بحسبة بناتي وانا بخليهم يعيشون عندي مع البنات
قال ابو سلطان : ماتقصرين يام سعود
قالت ام سعود : مأمن قصور ورزان بحسبة بنتي
وراحت اليوم الثاني جاء سعود عند أمه وقال غريبه يا يمه آهل عمي سامي جايين قالت له فوزيه السالفه كلها وقال اها وراح هو البر ومعاه عود وشاهي وقام يتذكر رزان ملاحضه (رزان وسعود كانو يحبون بعض أيام الطفوله )وبداء يتذكر قصصهم وهم صغار بعدين أذن وقام سعود صلى الفجر وراح البيت ونام
ننتهي البارت لين هنا
___________________________________
الكاتبه المبتدئة
أديم فهد 🌷🌷
حسابي تيك
ifiditgdkmj@
