عند رزان ولمار وساره
رزان : بنات ياخي طفش شنسوي الحين
لمار : وربي مره طفش
ساره : شرايكم يابنات نلبس مخاويرنا وبراقعنا والعبايات الحرير القصيره
رزان ولمار : قداممم
رزان : بنات عندي لكم فكره
ساره ولمار : وش العلم
رزان : بنات شرايكم نخاوي مرزوقه لأن بنيتها الجسديه أقوى بكثير من نوير
ساره ولمار : مجنونه انتي شلون تبينا نخاويها
رزان : صدقوني والله بتنفعنا أنا عاد بروح لها
ساره ولمار : طيب وحنا بنقعد عند جدتي وفوزيه وسعود هناك فاجلسه الي جنب بيت مرزوقه
رزان : يلا
وراحت رزان وشافتها الجده نوره وين يارزان اشوفتس متجه على بيت مرزوقه شكلتس تبين تكفخينها
رزان : حرام عليك ياجده أصلا برجع العلاقه ماني مسويه شي عشان نتعاون شفيك مو مصدقتني
الجده نوره:تتعاونون على نوير ههههههه والدشير الي معتس وينهم لفت الجده ولقتهم جالسين جنبها
الجده نوره : بسم الله انتم شجايبكم هنا
أما عند سعود فا هو كان سرحان برزان وكلامها مع جدتها
ورزان ما كانت منتبها لنظراته
يوم شافته شمقت له وهو ضحك
الجده نوره : وذولي ليه ما خذتيهم معتس
رزان : جده ذولي رخوم مايبون مرزوقه تصفقهم
لمار وساره : ناظرو بعض بتعجب حنا رخوممم
رزان : اييي عاد بروح لمرزوقه أترخص أنا
وراحت رزان ودقت باب مرزوقه والجده والبنات وسعود وفوزيه يشوفونها وهي تدق
فتحت مرزوقه : وقالت يلا صباح خير
رزان : يامرزوقه بكلمتس شوي
مرزوقه : وش فيتس بعد
رزان : شرايك نتعاون أنا وياك على نوير
مرزوقه : والله إنها فكرتن زينه خلاص اعتبريني من اليوم خويتس
رزان : كفو يابعدي انتي والله
راحو مرزوقه ورزان الجده
وهمس سعود والله إنها ماهي هينه
الجده : حي الله مرزوقه
مرزوقه : الله يحيك ياخالتي
رزان : يلا حنا بنروح لمار ساره تجون معنا غمزت للبنات وقال نزور حبيبتنا
لمار وساره : قدامممم
وراحو وضحكت الجده على رزان والبنات
رزان دقت باب نوير : يا أهل البيت
نوير طلعت يوه جونا جونا الحساد
ضحكت رزان بصوت عالي يسمعونه كل أهل الديره وكل أهل الديره طلعو يشوفون هوشتهم وطبعاً البنات والأمهات كأنو يعززون لرزان
وضحكت رزان ضحكة مستفزه وقامت قالت شكلك تبين مين يربيتس
وقامت رزان تضرب نوير بأقوى ماعندها والأمهات يصفقون ويعززون لها
وهنا سعود كان فاطس من الضحك
وراح سعود لسعيد وقاله السالفه كلها
سعيد : شلون بتاخذها ذي والله تصفقك
سعود : شكل هذا الي بيصير
يوم جاء المغرب قال الجد عبدالرحمن اليوم عشاكم يا أهل الديره في المجلس الكبير والمجلس الكبير هذا الي بيعزم على عشاء او غداء يأكلون فيه عشان بيوتهم صغيره
يوم جاء وقت العشاء وخلصو وقامو الأمهات يسولفون والعيال يلعبون كوره والرجال يسولفون سمعو طلق نار وانخرشو كلهم وطلعو
ولقو ماجد واخوانه ومها وطلعو لهم أهل الديره كلهم وطلع سعود قدامهم ورزان ورا سعود
ماجد : والله أن ماعطيتها رزان ان تشوف شي ماشفته ياسعود
رزان : تكفى ياسعود لا تعطيني اياهم مابيهم لا مابي اروح لهم
سعود : انتي في وجهي ولف على ماجد وصرخ بوجه رزان لو تموت ماتروح معك تفهم
ماجد : بتروح غصباً عنها وجو اخوان ماجد وكأنو بيمسكون رزان يركبونها السياره بس بحركه سريعه سعود كان يقول
سعود : والله ان ما تركتوها لأفرغ المسدس ذا على روسكم
رزان :تذكرت سلاح أبوها الي كان ياخذه معاه الدوام وركضت لغرفته واخذته وطلعت وطلقت وجت قدام سعود
رزان : والله الي يتعرض لي ولا لأهلي لتشوفون شي مايعجبكم
مها : والله وطلع لك صوت
رزان : انتي آخر وحده تتكلمين علي أنا ماعاد اعتبرك أمي أنا امي الوحيده فوزيه وبس
مها : أنا أوريك يا رزان تهدديني
رزان : اي أهددك على فعايلك السوداء
ماجد : رزان تعالي معانا واكسري الشر
رزان : تخسى وتعقب اروح مع واحد وصخ ولا تنسى فعايلك لي وضربك لي وكلامك الي زي السم والله ان ماطلعتو من الديره ذي لأفرغ المسدس ذا على روسكم
سامي: مها انتي وش جايبك في ديرتي يالي ماتستحين وتهددين بنتي بعد
طبعاً رزان كانت مسجله كل كلمه قالتها مها صوت وصوره وكيف عمانها يبون يركبونها السياره
وهددهم سامي وراحو وكل أهل الديره راحو بيوتهم
إلا رزان جلست بالجلسه الي برا وبدت تسمع تسجيلها وتسوي منه نسخ عشان لو صار شي لا سمح الله
جا سعود عندها
سعود : رزان عادي اسألك سؤال
رزان : تفضل
سعود : انتي كيف تعلمتي تطلقين بالمسدس لأن ولا وحده من بنات الديره تعرف
رزان : ابوي كان معلمني كيف أطلق عشان لو صار لي شي اقدر أتصرف
سعود : والله انك كفو كبرتي بعيني
رزان : ابتسمت وبانت غمازاتها
وقالت رزان : يلا أنا بنام
سعود : نوم العوافي
رزان : ابتسمت وبانت غمازاتها
وسعود خلاص طايح على وجهه
سعود : خلني اروح لسعيد واقوله
ورا لسعيد
سعيد : هلااا اكيد في علوم غرد بسرعه
وقاله سعود كل شي من الألف إلى الياء
وقاله سعيد والله إنها كفو ذي مادامك تبيها روح أخطبها بكرا
سعود : هذا الي بسويه أصلاً
سعيد : عساك على القوه
وراح سعود ونام
صحت رزان اليوم الثاني بكل نشاط
رزان : لازم اخبي نسخي الثانيه من الصور والفديو عشان لو جو مره ثانيه ودخلو غرفتي وزرفو النسخه الأولى يكون عندي نسخ ثانيه
وخبت رزان النسخ الثانيه
_______•_____•______
عند سعود
سعود : يبه أنا ودي اخطب
سعد : هذي الساعه المباركه من تبي
سعود : وألله أنا أبي رزان
سعد : هذي أصلا ً الي بزوجك إيها من اول كبرت فعيني من موقف امس
سعود : اي والله يايبه وهي بنت كامله والكامل الله
سعد :خلاص اجل تعال نروح لجدك وعمك
سعود : يلااا
سعد : يايبه
الجد عبدالرحمن : هلا وانا أبوك
سعد : والله سعود يبي يخطب وفي باله وحده
الجد عبدالرحمن : من بنته يولدي
سعود : ياجد أنا أبي رزان بنت عمي سامي
الجد عبدالرحمن : والله ازين ما اخترت يوليدي الحين بنقول لعمك
جاء العم سامي وقله الجد
العم سامي : والله هذي الساعه المباركه ياولدي سعود بس بشاور البنت
سعود : ابد خذو راحتكم
راح العم سامي لرزان وقالها
رزان : منجدك يبه أتزوجه
العم سامي : والله سعود زين وينشد فيه الظهر انتي استخيري وشوفي يابنتي
وراحت رزان استخارت وحست أنها مرتاحه
وقالت لأبوها أنا موافقه
وسعود عرف وقررو يسون الملكه والخطبه مع بعض
ساره ولمار : ياحركات بتتزوجين اجل
قالت رزان هههه تحسبوني بترككم لا ياحبيتي بنأخذ البيت الي جنبكم
لمار وساره :اخيراً توقعت بتروحين بعيد
رزان : لاقاعده على قلبكم
________•________•________
يوم الخطبه والملكه
تجهزت رزان ولبست فستان احمر لين نص الركبه
وفيه ريش من تحت الفستان ومن عند الأكمام الطويله
وقعت رزان ووقع سعود ودخلوهم وقال سامي : خمسه دقايق بس
وقالها سعود : تدرين انك حلوه مره
رزان بغرور : اي ادري
سعود: يازين الغرور منك ويازين صاحبة الغرور
ابتسمت رزان وبانت غمازاتها
سعود : محد مجنني إلا غمازات ذي المهم متى تبين الزواج
رزان : احس بعد شهرين عشان يمديني اجهز
سعود : خلاص تمام
وخلصو من الشوفه وقامو البنات يسألونها وش صار وقامت كبت العفش
وقالت ساره : أنا اخته ولا شفت الرومنسيه ذي منه
قالت رزان : بس يطلعها ليي
ضحكو البنات
اما عند العيال
عزوز : يعيال شكل سعود ماصدق على الله يتزوج
سعود : اي والله ماصدقت عشان افتك من وجهك
عزوز : حرام عليكم أنا بريئ تبي تفتك من اخوك لأنه ونيس
وأنت نفسيه كان بيضربه سعود بس هرب
____________________________
نكون هنا خلصنا بارتنا عاد سويت لكم اطول بارت اجحدوها
بس 😭😭
🌷🌷
