صحت رزان وهي بكامل النشاط والروقان
رزان وهي تكلم نفسها
والله ما اخليه الي بالبقاله امس أوريه بس من هي بنت سامي
ولبست رزان مخورها الوردي وأظافرها البينك وعبايتها القصيره الحرير السوداء وبرقعها ولبستهم
الجده نوره: على وين يايمه
رزان : والله يايمه نوره أنا بروح لنياق ثم بروح لنورا ومرزوقه ولمار وساره
الجده نوره: روحي الله يستر عليتس
وراحت رزان لنياق وجلست عند ناقتها هيام (ملاحضه ان الجد عبدالرحمن معطي رزان ناقه خاصه لها )
وبعدين راحت رزان لبيت سعود
رزان دقت الباب بقوه
وفتح سعود
سعود : هلا يارزان وش تبين
رزان : لا والله أبي طماطم شرايك اكيد ساره
سعود ابتسم : تنكتين بعد
رزان: اي عاجبك
جت ساره على مناقرتهم
ساره: وأنتم عمري ماشفتكم تتناقشون بهدوء
رزان: معلينا المهم اليوم الوعد ترا
ساره: الله يفشلتس فضحتينا امشي بس امشي وضربت رزان بخفه
سعود ابتسم : والله اني طحت على وجهي ومحد سمى علي
عند رزان راحت البقاله هي ومرزوقه ونورا ولمار راحو البقاله يجيبون سناكس
رزان : بنات
البنات: هلا
رزان : ودي نروح نكشت كذا ونحش بخلق ربي
البنات: قداممم بس من بيودينا
رزان بغرور: طبعاً أنا
البنات انصدمو: كيف تعرفين تسوقين
رزان: اجل مين كان يوديني الجامعه
البنات : والله كفووو
رزان:كفوك الطيب بس اسوق بسيارة مين
ساره: بنروح بسيارة اخوي سعود لأن عنده سيارتين وحده ددسن والثانيه جيب
رزان: بنزوح بالددسن ونطعس شرايكممم
البنات : قداممم
ساره ولمار: بس خايفين من أهل الديره
رزان: عادي يبوي الحياة مره وحده خلونها نعيشها
وقالت رزان لساره: سارونتي
ساره :على ذا الدلع اكيد تبين شي
رزان: طيب اسمعو
البنات بدو يسمعون لها بأنصات
رزان: ساره بتروح لغرفة سعود واذا شافته بغرفته ساره تحاول تسولف معه ولمار تدنق وتاخذ المفتاح من الطاوله الي جنب السرير اتفقنا ؟
البنات: اف افكارك جهنميه
رزان بغرور : اكيدد بس اسمعو روحو الآن
وراحت ساره وفعلاً شافت سعود بالغرفه والطاوله الي جنبه في مفتاحه
وقامت ساره تسولف مع سعود وتخليه يندمج معاها بالسوالف وتسللت لمار وقدرت تأخذ المفتاح وبعدين لمار غمزت لساره تأكد أنها خلصت مهمتها
ساره: يلا مع السلامه أنا بروح مع البنات بس حبيت اسولف معك
سعود بشك: يلا روحي
وراحت ساره ولف سعود يشوف مفتاح الددسن مو موجود
وراح يلحق رزان الي بدت تفحط بأحتراف وهو مايدري مين الي يسوق فالسياره
رزان: تكفون بنات شكل سعود يضحك وهو يركض ورانا
البنات فطسو ضحك
ساره: ياخي رزان حطي شي نشوش عليه شوي
رزان : ابشري بعزتس
وشغلت رزان شيلة
"لاصرت واثق في حبيب توده "
ماهمك الي ينقل العلم منه
هو يدري انك غايتي والمرادي
"وهو يدري اني في هواي أتعناه"
ورزان بدت تفحط بقوه لدرجة ان كل أهل الديره طلعو واستغربو لأن هذي مو سواقة سعود وراحو عيال لسعود يقول في واحد سارق سيارتك ياولد
سعود عصب وعرف أنها رزان
وقفت رزان من سمعت صراخهم وكانت عارفه ان سعود بيعصب وبينفعل بقوه وحتى أهل الديره بدو يتهامسون فيها
رزان يعيونها الحاده والمسحوبه طلعت رشاش من سيارة سعود
رزان :والله اني سامعتكم وعارفتكم مايحتاج التهامس والي يبي يواجهني يواجه ان كانّه رجال
بدر: مب الحرمه الي تسرق سيارة زوجها وتفحط وانتي فضحتينا
رزان : بدر مسوي رجال على راسي والرجال ماهو الي يستنقص من الحرمه الحرمه هي الي حملت بك والي ربتك وشربتك والي رضعتك يا بدر وأعلى مافي خيلك اركبه
بدر سكتت بغضب وقهر
رزان: الي يفكر بس يكلمني ويطلع عيوب فيني يواجهني قدام أهل الديره كلهم وأعلى مافي خيلكم اركبوه وماني رزان بنت سامي الي تنذل عندكم يا أهل الديره
والكل كان يناظرها بفخر والي يناظرها بكره وحقد
رزان دخلت على سعود
رزان: ماشاءالله عاجبتني مره عصبيتك ذي كثر منها يا الأخ سعود أنا محد يرفع صوته علي
سعود : ارفعه ونص فوقها ماخذه سيارتي وفضحتينا عند أهل الديره
رزان وهي مستغربه من تغير سعود: اولاً سيارتك خايسه مثل وجهك وانا اخذتها عشان البنات قالو لي خذي سيارة سعود لأنها ددسن مو عشان وجهك ثاني شي من انت أصلاً عشان افضحك واصلاً افضحك بوش وع
سعود والعصبيه كلها فيه وكان يفور : رزان ابعدي عني لا تشوفين مني شي مايعجبك
رزان : ماني مبعده وأعلى مافي خيلك اركبه
سعود :رزانننن ابعدي
رزان : صرخت ماني مبعده مادامك تتحدى رزان بنت سامي وضحكت بقوه
سعود استفزته ضحكتها: رزانن وتجمعو عليهم اهلهم
ام سعود : شفيك ياسعود على رزان
سعود : يمه سرقت سيارتي وفضحتنا
رزان: ما أكون رزان ان ما نزلت خشمك للأرض وانا بنت سامي
وركضت برا وخذت سيارة أبوها الددسن واخذت رشاشها ولحقها وقال وين رايحه يابنت
رزان وهي ماتبي تبين له حزنها: مو شغلك طيب
سعود : إلا شغلي أنا زوجك ولا ناسيه
رزان : مانسيت وانا بروح جهنم الحمراء بتروح معي ولا
سعود : ان شاء الله رحتي ومارجعتي
رزان ركضت تفتح باب السياره وركبت واسرعت بقوه وراحت عند ناقتها وجلست تبكي وتفضفض لها وفجأه طلع لها شخص من اتباع ماجد ورزان عرفت انه من اتباع ماجد واسرعت لسياره وطلعت الرشاش حقها
رزان : والله لأفرغه برأسك
الشخص المجهول : هههه جربي بس تشوفين وش يصير لك
رزان طلقت عليه وقالت : عشان تعرف مع مين تتكلم أنا رزان بنت سامي فاهممم وراحت رزان لديرتها
رزان وهي تدق باب مرزوقه : يامرزوقه مالي غيرك
مرزوقه شاش رأسها وقالت بحده: ابشري بي يارزان وش فيتس
رزان : ادخلي واقولك
وقالت لها رزان السالفه
مرزوقه : وحري حراه يارزان والله اني وراك بكل شي أنا معك احتزمي بي
رزان : يامرزوقه بنام عندتس
مرزوقه :البيت حياك وان ماوسعك البيت توسعك عيوني
رزان : الله لا يخليني منتس
مرزوقه :ولامنتس
ونامت رزان
عند سعود
سعود : يمه والله اني خايف عليها والحين هي وينها
ام سعود وهي تبكي : اهخ ياوليدي انت الغلطان انت الي كبرت السالفه
سعود واستوعب انه كبر السالفه واستوعب بعد ان رزان ماتسكت عن حقها لو بكلمه
وندم وحس بتأنيب ضمير
عند البنات
ساره ولمار : احس أننا حنا السبب في الموضوع
ساره : والله إنها كبرت بعيني يوم واجهت أهل الديره
لمار :اي والله بردت قلبي الله يبرد قلبها
ساره : والله اني خايفه عليها هي مو موجوده هنا
لمار : اما عاد وينها
ساره قالت لها السالفه
لمار : والله إنها كفو بنت رجال
ساره:صح إنها سبت اخوي بس والله أنها كفو
لمار ضحكت
عند رزان
رزان صحت على صوت مرزوقه : ابتسمت وقالت هلا والله بمرزوقه
مرزوقه :هلا فيتس والله
رزان :يلا نمشي نفطر
وفطرو
مرزوقه :انتي الحين وش بتسوين
رزان: ههههههه تحسبيني بسكت له يرفع صوته علي فوق أهل الديره
حلم ابليس بالجنه
مرزوقه : الله معاك
وراحت رزان وهي تمشي بكل شموخ بالأسواق وسمعت بدر يتكلم وكأنه يقصدها
بدر : شوفو من جتنا فضيحة الديره
رزان:تخسي يا حقير أنا اشرف منك ومن امثالك ياحليلك ماتعرف تواجهني تتكلم كلام بس انك مو رجال يوم انك تقصد بالكلام الرجال يقصدون بالأفعال
انصدمو أهل الديره من ردها
طلعت مرزوقه : واللي يمس رزان انه مايشوف إلا كل شر
أحمد اخو بدر:خلاص هدو وأنت يابدر اسكت وأنتم توكلو
بدر: والله ما اخليها بنت الكلب
رزان فزت على كلمته : وقالت يالي ماتستحي وقامت ضربت بالرشاش فالسماء وعرف سعود انه رشاشها وفز وطلع وطلعو كل أهل الديره
رزان : ان كانك كفو عيد الكلمه
بدر : يابنتت الكلب
رزان: والله محد يمسكني عنه وقامت تمسكه بقوه وترفسه بركبتها وتدعي عليه وهو ماقدر عليها لأن تغدت عليه قبل يتعشى فيها
رزان ضحكت ضحكه مستفزه : والله انك رخمه خليت حرمه تدعسك
ابو بدر : يالي ماتربيتي عديمة شرف ما نلوم أمك يوم تبرت منك
رزان حست بكلمته: وقالت ياحقير تبيني ادعسك لولا الحيا دعستك مع ولدك بس انك شايب واخاف تموت من اول دعسه وضحكت بقوه
وجاء ابو بدر بيعطيها كف ولوت يده
رزان:عشان مره ثانيه تعرف تمده لمين وعلت صوتها وهي تقول أنا بنت سامي محد يدعس علي ولا احد يضربني وتخسى انت وولدك
وجاء بيعطيها كف ثاني مسكوه من يده عيال الديره
عيال الديره بصوت واحد : والله ماتضربها وحنا اخوانها
ابتسمت بفخر رزان: وقالت حيكم
وراحو بدر وأبو بدر
ورجعت رزان لغرفتها ولقت سعود قدامها وسكر الباب بالمفتاح
سعود : والله انك بيضتي وجهي
رزان :مو امس تقول فضحتينا وسرقتي سيارتي
سعود :فكرت بالموضع وحسيت اني كبرت السالفه وانا ندمان
رزان :زين عرفت
سعود وهو خايف :وين نمتي امس
رزان بكذب:عند البل
سعود أنصدم :شلون مع البل
رزان وهي فيها نص ابتسامه :شفيك قلت لك مع البل
سعود ضحك بقوه :وقال عارف انك تكذبين قولي وين
رزان:نمت عند مرزوقه
سعود : زين
رزان :باقي مابردت خاطري في بدر
سعود فز :والله لو تبيني أجيبه لتس تدبغينه فداتس
رزان :إذا تقدر
سعود : قال يلا
رزان ضحكت بقوهه :منجدك امزح ترا
سعود :كل شي يحضر لك ياعيوني
رزان ابتسمت
ونأمو مع بعض
وصحو مع بعض ولبست وتضبطت رزان
رزان نزلت تفطر وشافها ابو سعود
ابو سعود : اهخ يارزان بردتي قلبي في بدر كان قاهرني من اول ماجاء
رزان: تبشر ياعمي وأي واحد بس يضايقك علمني انسيه حليب أمه
ضحكو كلهم على هياطها
رزان طلعت برشاشها
ومشت بشموخ وفخر وجنبها سعود
بدر:هههههه جت زوجة سعود
رزان: بدر شكل جلدك يحكك اليوم
بدر : شوفو من يتكلم بس
ضحكت بقوه رزان
رزان : نسيت مين الي نساك حليب أمك امس والكل شاهد
عبس وجهه بدر وصد بقهر وغضب وابتسم سعود وقال لبدر
سعود بحده : بدر ان شفتك مقرب من رزان بنت سامي فكيتها لك
بدر :جرب بس
رزان : لا انت جلدك يحكك اليوم سعود امسك رشاشي
وشمرت أكمامها وقامت تدبغ بدر بأقوى ماعندها
وطلعت ولقت بنت تقول لها
البنت: شكرا لك مره بردتي خاطري فيه ذا ووجه الي تقل جبنة كيري
وضحكت رزان بقوه:
سعود همس لها: دايمه يارب
وابتسمت
ورجعو البيت ولقو اهلهم مجهزين اغراضهم واستغربو وقالو على وين
ابو سعود: رايحين بيت جدكم عشان الكل بيجي هناك عشان زواجك وعشان نجهز
سعود:اها ابشر لاحقكم
وراحت رزان تجهز أغراضها بسرعه
وجهزو وراحو بيت الجد وجت الساعه 10:30
وكلهم نامو
وهنا ننتهي بارتنا سويت لكم بارت طويلل لعيونكمم 🥹🌷🌷
