صحى سعود على دق باب غرفته وفتح ولقى أمه
فوزيه : يلا قوم يا يمه الفطور جاهز
سعود : طيب رزان فيه
فوزيه: لا وانا أمك أفطرت وقضت وراحت بيت عمك ك
سعود : زين اجل
فوزيه : سعود يمه
سعود : هلا يمه
فوزيه: انا بروح لجدتك انتبه للبيت
سعود : ابشري بس ابوي وينه
فوزيه : أبوك عند عمك سامي
سعود: اجل أنا بروح معتس لجدتي من زمان عنها
فوزيه : يلا تزهب ( يعني تجهز)
وراحو بيت الجده نوره
عند رزان ولمار وساره
رزان : بنات غريبه وين نوير ومرزوقه مالهم حس
ساره : يوه ذاك اليوم تهاوشنا مع نوير ومرزوقه ماقصرت فيها ذبحتها ماخلت فيها عظم صاحي
رزان : ماشاءالله ياساره العلوم عندك دايم
ساره :اي العلوم دايم عندي عشان كذا طلبات الناس ماتخلص
لمار : أقول اهجدي بس
ضحكو البنات
رزان : بنات شرايكم نتهاوش مع نوير احسها قاهرتني
سار ولمار : ماعاش من يقهرتس يابنت عمي قومي بس نروح لهم
رزان : قداممم بس خلونا نلبس اول
البنات : قدام
ولبسو البنات مخاويرهم وعبايتهم القصيره وبراقعهن
وشافتهم الجده نوره وفرزيه وسعود لأنهم كأنو جالسين جنب خيمة البنات قالت الجده ماشاءالله وين رايحين رزان : والله ياجده نبي نزور حبيبتنا نوير قالو البنات : صح صح نبي نزورها الجده نوره: اي اجل حبيبتكم ها ولا رايحين تتضاربون معها رزان : الصراحه اي من زمان مابردت خاطري فيها عند سعود الي عرفها من صوتها وعيونها الوساع
وابتسم لها شافته رزان وشمقت له ضحك وقالت الجده :روحو بس لاتبطون البنات : ابشري ياجده بس افزعي لنا أمها تقل مرزوقه الثانيه ضحكت الجده وقالت والله ما اخلي حفيداتي انتم بأمانتي وراحو البنات
ودخلت رزان قالت هلا بنوير ام الذبان (ملاحضه نوير كانت هذي معيارتها بالديره ) قالت نوير : والله من زمان عنتس وعن امتس انجرحت هنا رزان وماخلتها فخاطرها وقامت تجر شوشتها وتضربها بأقوى ما عطاها ربي وسمع سعود سب وشتم رزان فيها وضحك من داخله وقالت الجده نوره الحقوني قطعت شوشتها رزان وهنا فطس ضحك سعود وراحو يفكون رزان لأن لو استمرت تضرب نوير بتموت نوير فا فكوها منها والجده قالت لرزان الله يبرد قلبك يوم بردتي قلبي لأن كل العجايز فالديره يكرهون نوير وقامت رزان تشرح السالفه لفوزيه والجده نوره وسعود يتسمع ومبتسم على سواليفها الحلوه وراح سعود لأقرب خوي له أسم خويه سعيد راح سعود له
سعيد : هلااا بسعود اكيد عندك سالفه غرد
سعود : قال سالفه ؟ سواليف وقام سعود يقوله السالفه كلها من اول ماجت إلى من اول ماخلصت من الهوشه
ضحك سعيد : قال والله ماهي بهينه ذي شلون بتاخذها والله تصفقك
ضحك سعود وقال هذا الي بيصير شكله
وجاء الليل وراح سعود لمكانه المعتاد فالبر كان قريب شوي من خيمة أهله وكان يشرب شاهي ويفكر
ووقتها طلعت رزان بمخورها وعبايتها القصيره وبرقعها
وشافها سعود وجت له قالت له أنت شسمك وقال لها وهو مبتسم
سعود
رزان :حلو طيب أنت ولد من
سعود وهو بداخله يقول والله انتي الحلوه قالها انا ولد فوزيه وسعود
انصدمت رزان انه ساكن في نفس البيت الي تسكن فيه وقالت أنت تسكن معيي
قالها سعود : اي بس يمكن ماشفتيني
قالت رزان : اي يمكن قالت خلاص أنا استئذن
وراحت وأذن الفجر وصلى الفجر ورجع بيتهم ونام
__________________________
نكون هنا خلصنا البارت الثاني وأعذروني
لين الأحد لأن بيكون آخر اختبار 🌷🌷
