ياهلا ياقبله العشق النديه يا اتجاه وين ما اوجه

Part 2

بيوت آل ناهل،
تحديداً بيت نوّار، بالمطبخ:
واقفه مُلاذ عند الفُرن عليها مريول الطبخ بلون البنفسجي الهادي وشعرها الاسود منسدل ع ظهرها ب شريط رفيع ملفوف ع خصله من شعرها، تنتظر الكيك يجهز تناظره مُلاذ ببتسامه فخوره بنفسها كونها اول مره تدخل المطبخ تسوي كيك صح انه سواته سهل بس بنسبه لها صعب قاطع تأملها رنين جوالها تأففت وقفت تمشي لطاوله تاخذ جوالها تناظر اسم عروب منور الشاشه ابتسمت بهدوء وفتحت الخط وقربته ل أذنها، عروب:هاي مُلاذي! مُلاذ:يا اهلاً! عروب ابتسمت:وش تسوين؟، مُلاذ ناظرت الفرن تنتبه لا يحترق الكيك نطقت بهدوء:ابد والله طفشانه قلت اسوي لي كيك، عروب:حلوو! اجل شرياك نجتمع ببيت جدي وكل وحده تجيب معها حاجه ونفلها وننبسط! من زمان ما اجتمعنا!؟ ملاذ بتفكير:صادقه والله اختبارات الفاينل ما خلنا نتنفس! عروب:يالله لكَ الحمد الي خلصت وبعض ناس للحين تكافح،ضحكت مُلاذ بنعومتها المعتاده:يالله انك تعينا يلا طيري كيكي لا يحترق! عروب:طيب بروح ابلغ البنات المغرب نجتمع! مُلاذ:اوكي وقفلت منها رجعت الجوال ع طاوله ومشت بخطوات هاديه للفرن ناظرته منتفخ وواضح عليه انه جهز قفلت الفرن ولبست قفازات الحمايه من حرارة الفرن فتحت بابه بشويش واخذت قالب الكيك وحطته ع الوقايه وقفلت باب الفرن، وقفت بهدوء وتنفست براحه فسخت القفاز والمريول ورجعتهن لمكانهن المخصص، التفت للكيك وقربت منه تشتم رائحته الزكيه ابتسمت من سمعت صوت عُمر خلفها قرب منها وناظر مُلااذ:وش تسوين، ضحكت لانها عارفه مستحيل يصدق الي سوته نطقت بضحكه وهي تبعد عن الكيك وتأشر علبه بيديها الثنتين:تررارا! عُمر رفع حاجبه:لا تقولين ما بصدق! عبست مُلاذ بزعل:ماش ادري بك ماتبي اكون سنعه!بس والله اني انا سويته بنفسي! عُم. ضحك:صدق انتي؟ مُلاذ بجديه:اي والله، وتقدمت لمنظمة الملاعق والسكاكين وسحبت سكين ورجعت للكيك:تذوق؟ عُمر:ليش لا؟ ابتسمت وتقدمت تقطع وكمل:بس مستغرب ماعمرك دخلتي المطبخ وان دخلتيه بتصير كارثه بس هالمره برافو عليك! مُلاذ:خذ ناولته قطعة الكيك واخذها منها وقربها من شفايفه يتذوق مضغها باستمتاع وظهرت طيف ابتسامه:مرهه لذيذه يسلم يدينك! مُلاذ بخجل:صحه وعافيه، عُمر:الله يعافيك وين بتودين الباقي؟، مُلاذ:بنجتمع انا والبنات ببيت جدي وباخذ معي كيك، عُمر فز قلبه:من البنات؟ لاحظت له مُلاذ وكشرت:من يعني بنات عمامي، عُمر بتوتر:لا يعني عددي؟ مُلاذ رفعت السكين بتهديد:هيي وش تبي انت اخلص؟ عُمر بترقيع:لا والله ولا حاجه بس بطلع انا والعيال ناخذ لنا قهوه ونرجع واقول يعني ناخذ لكن فعشان كذا، مُلاذ بعدم اقتناع:اها زين انا وروح وعروب وعلا، ابتسمت عمر بسعاده لانها معهن:ابشرن والله باطلق قهوه متى بتجتمعن؟ مُلاذ:المغرب، عمر:حلو بوقت رجعتا يلا باي ولف يركض خارج من المطبخ، ضحكت مُلاذ عليه ولفت تكمل باقي شغلها،

بيت الجد:
جالسين بمجلس بعد الغداء ويتقهوون، دخل عبدالله مستعجل:هاييي قايزز! عابّد بحده:اعقب وش هالكلام؟ هتّان:مايعقل الولد ذا ابد! عبدالله وهو يصعد الدرج:يعني يا ابوي سلام عليكم يا اصدقاء، عابّد:يا عساك ماني بقايل انقلع انقلع! عبير:يارجال وش تبي بالولد خله، طنشها عابّد ولف ل هتّان:لين متى وانت كذا؟ هتّان ابتسم:وش؟ عابّد تنرفز من برود هتّان وبعصبيه:وش اللي وش تستهبل مانت ناوي تغير بحياتك حاجه روتينك؟ تبقى كذا محبوس بالدار يا نوم يا تلفون مانشوفك ابد لا اخوانك ولا العيال تجلس معهم تروح تجي لين متى وانت ع هالحاله ها؟ الي صار ماضي لين متى بتطلع منه وتتخطاه؟ شد هتّان ع يده بقهر من هالموضوع الي ينعاد فوق راسه كل يوم وقف ونطق بحده:مابتخطاه لين تدفنوني بقبري! عبير شهقت:استغفر ربك ياولدي بسم الله عليك وش ذا؟ هتّان ما رد ولف يصعد لغرفته، عابّد بعصبيه:شفتي كيف ولدك بالاخير بنحطه بمستشفى الأمراض النفسيه بسبت هالبنت الي قلبت حاله عساها ل.. وسكت يستغفر ربه مايبي ذنوب فوق ذنوبه، عبير بحزن:ياحسرتي عليك ياولدي ضيعت شبابك عالفاضي تحسر هذي هي تزوجت وعيّلت وانت باقي ياحسرتي! عابّد هز راسه بقلة حيله ووقف يمشي ينام شوي، تارك عبير تفكر بحالة ولده، نزل عبدالله يزحلق من درابزين الدرج وهو يصرخ لا يصدم ب ابوه الي واقف قدام:يبااا ابعد يبااا! لف عابّد بصدمه من عبدالله وما لحق يبعد الا وعبدالله صادم فيه ووقعو الاثنين عالارض بقوه، عبدالله مسك راسه بوجع:اييي، ناظر نفسه جالس فوق رجلين استغرب وسرعان مافز من عرف انه وقع ابوه وقف قبال ابوه الي يحاول يستند بعكازه تقدم منه بسرعه يمسكه:يبا انت بخير يوجعك شي!؟ لف ل امه الي جت تركض وبصراخ:ياويليي وش فيكم وش صاير! وقف عابّد بصعوبه بمساعدة عبدالله:كل خير يا مره كل خير، وقفت بخوف تناظرهم، لف عابّد ل عبدالله وسحب يده منه بسرعه، بلع ريقه عبدالله بخوف:يبا يوجعك حاجه اوديك للمستشفى! عابّد بصراخ هز البيت:انا اللي بوديك المستشفى اذا ما عقلت وين هقلك انت ها صتحي رجال طول وعرض واخرك تزحلق يا حمارررر! عبدالله ناظر ابوه الي يهاوش ورفع عكازه يقرب من عبدالله، عبدالله ناظر بخوف ورفع يدينه يستعد للهروب:يماا ساعديني وناظر خلفه يناظر ابوه يركض وراه بشويش بحكم عمره رجع لف يطلع من البيت بكبره وصدم ب عمر الي يمشي، عمر فز:بسم الله وش فيه؟ عبدالله:عمر ابوي بيضربني انا بوجهك ياولد اخوي بوجهك! ولف خلف عمر يتخبى خلفه، كتم ضحكته عمر يناظر جده الي. معصب ويهاوش قرب منهم:طلعه من خلفك طلعه، عمر:ياجدي بوجهي خلاص! عابّد بقلة صبر:اطلعه اخلص! لا اضربك معه! عمر رفع يدينه باستسلام لانه يعرف جده يسويها وابعد عن عبدالله:اسف عم عبدالله! عبدالله ابعد يدينه الي مغطيات وجهه:اخس ياعمر ياجحود ضحك عمر وتكتف يناظر هواش جده ل عمه، وضحك بعلو صوته، بعد هواش طويل، عابّد بتعب:خلاص تعبت لا بارك الله فيك من ولد، ولف يمشي الحديقه الخلفيه يجلس فيها. لف عبدالله بحده:الله ياخذك امحق فزعه! ضحك عمر وقرب من عبدالله:اوص انا اكبر منك! دفه عبدالله:انا عمك احترمني! عبدالله مارد ومشى معه:وين بنروح!؟ عمر ببتسامه:العيال ينتظرونه بمطعم يحبه قلبك يلا! عبدالله نسى وجعه:يلا يلا ورمض قدامه وهو يعرج من رجله الي توجعه وفتح سيارة عمر وركب جنب السايق، ضحك عمر عليه وركب يشغل خارج من اسوار بيوت آل ناهل،
المغرب؛
تقدمن البنات يدخلن بيت جدهن، مُلاذ وعلا وعروب وروح كل وحده بيده حاجه الي كيك والي مفرحات وفصفص وعصاير، عُلا بعلو صوتها:ياجده وينك؟ عبير تهلل وجهها وهي تنزل من الدرج ببتسامه:يا هلا ياهلا بحفيداتي الحلوات ياهلا نور البيت نور! مُلاذ تقدمت لجدتها تسلم عليها:منور بأهله يروحيي، وبعد السلام ع الجده جلسن بالصاله وحطن حاجاتهن عالطاوله ورتبنها، وبدت السوالف،عُلا بضحكه:اهخ يابنات لو شفتن عندنا معلمه لبسها مثل الغجر يفشللل وقامت توصف لهن لبسها وطريقه مشيتها. والبنات يضحكن ع تعليقها، الجده صدت تكتم ضحكتها وتستغفر لفت لهن بحده:عيب عليكن ذا حرام تاخذن ذنوب وتاخذ حسناتكن، عُلا بسخريه:من كثر حسناتنا ياجده! الجده توسعت عيونها بصدمه:استغفري ربك يابنت! عُلا بتمتمه:استغفر الله، مُلاذ:يابنت وحشتني رينادد اوفف، روح:اي والله لها فقده، الجده وهي تاكل من الكيك:اتصلت علي عمتكن وتقول احتمال نهاية الاسبوع يجون، عروب:وناسس جده شرايك ناخذ لنا شاليه تونس! روح:والله فكره احنا وامهاتنا وعماتنا وجدتي بس مانبي رجال! بس بنات وحريم، مُلاذ:اي والله، جده بتفكير:مب غلط خلص انتن دورن لنا شاليه مناسب وبلغني نحجز اخر الاسبوع ان شاء الله، عُلا بحماس:تم! مُلاذ:بنات ما اعطتني رايكن بكيكتي!؟ روح:تجنن يسلم يدينك!عُلا بمزح:وين تجنن مب زينه! عبست ملاذ بوجهه، عُلا ضحكت وتقدمت تحضنها:امزح معك والله لذيذهه مرهه! عروب:اي تهبلل، ملاذ ابتسمت:صحه وعافيه،
بيوت آل نافل
جالسات البنات الجلسه الخارجيه، ميّ بملل:بنات طفش خل نسوي حاجه! رهف:الله لو نروح نكشت بالبر او للعزبه عند النياق!، رفيف بدلع:يوهه مقرفك نياق وبر بالجوو قولي شاليه مول مو برّ! رهف:من قلت ماهو صاحلك، رفيف كشرت بوجهها ورجعت لهن بحماس من تذكرت سالفه:بنات احزرن من شفت؟ ميّ:من؟ رفيف بوناسه:مُلاذ وبنات اعمامه. ميّ بفرحه:جدد، رهف ببتسامه حزينه:دايم اسمع جده تسولف عنهم لانها تتواصل مع ام نوّار بالسر بدون علم جدي! شكلهم عسولات! ميّ:ياخي مدري حنا يالبنات والعيال شدخلنا بسوالف الشياب! رفيف:ايه بس عشان وشو؟ عشان ابو نوّار رفض يزوج بنته الكبيره ل عمي ماجد، ميّ ضحكت:معقوله لو تجوزو فعلا اكون موجوده بنتهم ولا بنت عايله ثانيه! سكتو البنات بتفكير، رهف:دايم تجيني اسأله غريبه كذا مالها جواب! ضحكو البنات وكملو سوالف،
بالمطعم......،
جالسين العيال بطاولتين وياكلون، عمر بصوت عالي:صحه وهنا ياعيال! الكل:ع قلبك، ضربه خالد:صوتك صوتك فضحتنا تقول ماعمرهم ذاقوه! سكت عمر بفشله وضحكو العيال عليه، رائد:ياعيال قررت افاتحكم بموضوع، عزام:عساه خير، رائد ببتسامه:قررت اخطب، فزو العيال بوناسه له، عبدالله:حلو عالبركه من هي من بناتنا؟ رائد هز راسه بنفي:لا بنت خالتي تكون، سكتو العيال خالد:مبروك ياخوي بنكون معك بكل خطوه ولا ياعيال!؟ الكل أيد كلام خالد، رائد:ماتقصرون يعيال العم ما تقصرون، بعد مده وقف عمر:يلا بنروخ نخاسب انا وعزام وانتو اسبقونا للكوفي، طلعو كلهم وعزام وعمر توجهو للكاشير حاسبو ولحقوهم، عمر:احسبو البنات، عزام كشر:مامن داعي، عمر:وعدتهن انا اطلب لهن وتقدم للموظف يعطيه الطلبات بعد 15 دقيقه جهز الطلب واخذ كل واخذ كل واحد طلبه وعمره معه قهوته وطلب البنات وحلا لهن وركبو السيارات ورجعوا للبيت،