ياهلا ياقبله العشق النديه يا اتجاه وين ما اوجه

Part 6

بيت عيّاش،
جالس عياش وزوجته وعياله رائد وعزام،
عيّاش بغضب يخفيه:انتي من قال لك تخطبين له من راسك؟ امل بتوتر:يوهه عياش وش فيها ترى مجرد كلام ما صار شي رسمي! عياش:حتى لو! مايصير ليه ماتشاوريني تشاورين ولدك هو الي بيتزوج ولا انتي؟ امل صدت عنه تسكت، عياش بحده:اسمع تتصلين الحين ع اختك قولي الولد رافض البنت، لفت امل عليه بسرعه:وش تقول انت! بتفشلني مع اختي وبنتها ماني بقايله شي! عياش بعصبيه:صوتك! هذاني قلت واذا ما تنفذ بتشوفين شي عمرك ماشفتي محد يجبر عيالي ع حاجه مايبونها، امل بقهر:تراهم عيالي بعد، عياش طنش كلامها:واذا يبي يتزوج هو بنفسه يقول وبنات عمامه يكصرهن الله يحفظنهن مافي داعي يروح للغريب! امل:بنت اختي ماهي بغريبه بنت خالته مثل ماهن بنات عمه! ما رد عياش يلف يمشي لغرفته يرتاح، امل لفت لعيالها:عاجبكم  مالي اهميه بهالبيت وكلامي ما يمشي! ناظرت رائد الساكت:ما اتكلم انك ماتبي ليه تورطني مع خالتك! رائد بحده:ماورطتك انتي رحتي وخطبتي من راسك ماشاورتيني حتى مالي كلمه! مثل ماقال ابوي انا رافض البنت قولي ل خالتي! وقف يطلع من البيت، عزام:انا جوعان! امل ناظرته بقهر:انا وين وانت وين محروقه من داخل محد يحس فيني اهه! عزام بهدوء:يما انتي منقهره ومحد داري عنك لا يطق لك عرق بس انتبهي! امل مسكت مخدة الكنبه ورمتها ع عزام بقهر:رح رح انقلع لا بارك الله فيك من عيالي! فز عزام يركض يطلع من البيت لجده يدور عندهم اكل، امل ناظرت الباب ال يتقفل صرخت ب قهر:بيذبحوني ناقصه عمر! اخذت جوالها تتصل ع اختها وهي متفشله من الي بتقوله،

بيت الجد عابّد،
دخل عزام للبيت ناظر للمقلط بابه مفتوح يصدر من داخل الغرفه اصوات ضحك، تقدم يدخل ناظر اخوه رائد وخالد وعمر ومحمد ومحمود  ابتسم:سلام عليكم ي ربع! ردو:عليكم السلام، عمر ببتسامه:تعال اجلس تقدم يجلس جنبه بينه وبين رائد:وش تسونن!؟ محمود بضحكه:نرقص ترقص معنا؟ عزام:هه هه ما تضحك ترى، كشر محمود بغيض، عمر:ع سيرة الرقص شرايكم نرقص؟ خالد:افا يا ذا العلم طول بعرض اخرها نهز ما صارت ذي! محمد:يارجال نوسع صدورنا شوي، عمر:اسمع محمود انا امس شفت السماعه جدي حاطها بغرفته جنب الدولاب انقز جيبها، محمود بخوف:يرجال شيفكني من جدي بعدي؟ عمر:جدي راح لبيتنا يتفقد ملاذ مب موجود اركض يلا، محمود:طيب طيب وقف يمشي لغرفة جدانه فتح الباب يدخل يلف انظاره بارجاء الغرفه يدورها، لمح السماعه جنب الدولاب مشى يجيبها بسرعه اخذها يطلع يقفل الباب خلفها يركض من الدرج يرجع لهم:جبتهاا! عمر:كفووو، محمد:انا بشبك يعيال وش تبون اغنيه؟ عمر وهو يهز كتوفه:مصري يَ حج، محمد ضحك:ابشر ع هالخشم!شبك ع جواله يفتح ع اغنية مسطول: "انا لا مسطول ولا بطوح"
انا جاي اجامل ومروح "
وقف محمود يتلثم بشماغه يرفع ثوبه يربطه ع خصره ومحمد كذلك الامر ويهزون قبال بعض وعمر ربط الشماغ ع خصره يهز ورائد يجلس ع ركبه ونص يرش فلوس بالكذب
وعزام وهو ينزل ويصعد بنفس الوقت يهز يغني مع الاغنيه:" اهه ياما اه واهه يابا دي عيله واطيه ونصابه"
، خالد ما قاوم الاجواء ووقف معهم يرقص وكلهم يعززون له ويصفرون، محمود:العب الثقيل طاح كرته! ضحك خالد عليه وهو يهز كتوفه، فجاءه وهم يستهبلون ويرقصون صدح صوت ضربك عصا الجده بالباب بقوه جمدو كلهم بخوف ما استرجو يلفون الجده الي يهاوش:لعنبو داركم طق العرق عندكم انتم هاا حسافة الشوارب ع وجيهكم محمود تدارك الوضع وركض للسماعه يطفيها خالد تنحنح ينزل ثوبه ويعدله، الجد:افا يا خالد وانا اقول انت اعقلهم والرزين اثاريك اخبلهم مسوي حركات مراهقين! كتم رائد ضحكته وهو صاد عن جده محد فيهم تجرئ يكلمه، الجد بقله حيله:يبي لكم اعادة تأهيل من جديده، ناظر محمود:هات الزفته ذي هاتها! محمود خاف وثبت مكانه، رائد:رح ودها لا يكسرنا بدالها، الجد صرخ عليه عشان يجيبها فز ياخذ السماعه يعطيها جده، اخذ الجد سماعه ورماها ع الحيط بكل قوه توسعت عيونهم العيال بصدمه من ردة فعل جدهم ناظرو السماعه الي تحولت لقطع صغار، الجد:لا عاد اشوف مثل ذي ببيتي تفهمون!؟ خالد بهدوء:ابشرر لف الجد يستغفر من هبال احفاده، خالد بحده:تريحتو كذا زين؟ محمد وهو يتثاوب نعسان: المهم انبسطنا يلا محمود نرجع البيت، مشى وخلفه اخوه يرحعون لبيتهم وكذلك الامر مع العيال،