ياهلا ياقبله العشق النديه يا اتجاه وين ما اوجه

Part 5

آل نافل،
امام اسوار آل نافل الي تحاوط بيوت آل نافل جميعا!، وقفت سيارة مشاري اللكزس ينتظر الحارس يفتح له، دخل من البوابه يوقف سيارته قدام النافوره الي قدام بيت الجد سعود، طفى سيارته ولف ل عابد ببتسامه:تفضل يا عم، عابد بتوتر وهو يفتح مقبض الباب:زاد فضلك، فتح الباب ونزل منه وخلفه مشاري، ناظر عابد ل سيارة ولده نوّار ومعه عياله وحارث وعياش ووعياله اما الباقي بقوا عند الحريم، نزلو من السايره ومشوا باتجاهه عيّاش يناظر البيوت، عزام ب همس ل عمر:ماش بيوتهم مب مثلنا! اعطاه نظره عمر خلاه يبلع العافيه، عابد تنحنح:مشينا بسم الله، سبقهم مشاري بخطواته السريعه وهم خلفه تقدم يفتح باب المجلس الخارجي للرجال فتحه يدف الباب ع الاخر وبثوته الرخيم والثقيل:يا حيّ الله من جانا ياهلا تو ما نور البيت توه!، ابتسم خالد ب اعجاب بشخصيته الرزينه، عابد هز راسه:الله يبقيك ياولدي الله يبقيك منور ب اهله، دخلو للمجلس وكان ينقط فخامه ابتدأً من الديكوريشن والكنب والفازات الورد ومكان الدلال والقهوه، رائد:ما شاء الله تبارك الله، ابتسم مشاري:ماتخيب تفضلو حياكم، عيّاش:زاد فضلك تقدمو يجلسون، مشاري ناظر خلدون الي ماشي لهم بعد ماشاف الي يدخلون وقف عند باب المجلس وبصوت عالي:حيّ الله من جانا حيّ الله،عابد ابتسم:الله يبقيك، مشاري ناظره:رح خلهن يجهزون القهوه والشاهي، خلدون هز راسه ولف ماشي لداخل البيت، مشاري ناظرهم:بروح اشوف جدي وارجع الا وهو معي، بلع ريقه عابد بتوتر يخفيه هز راسه، عيّاش:خذ راحتك، ابتسم لهم ومشى خارج، عزام:يا عالم ناظرتم لبيوتهم مب مثل بيوتنا حنا افخم واهيب، عابّد بعتب:ذا سعود سعود يا عزام فلوسه تغطي عرّب بس مايحب البذخ الكثير والتفاخر ببيوت ومال يحب البساطه وكل شي عادي، عزام هز راسه،
داخل عند مشاري دخل البيت ينادي ع جده:يا جديي جدي يا جده وينكم؟ جاه صوتهم جالسين فالصاله، مشى لهم ناظر جدته وجدته وبنات عمامه، صد عنهن يناظر جده:يا جدي في ضيوف يبونك ولما درو اني حفيدك انهبلو الا اخذهم لك! نزل سعود فنجانه بستغراب:ومن هو؟ مشاري:تصدق ما سئلت عن اسمه تعال شوفه! زفر الجد بنرفزه ووقف بعكاز الي يسند طوله ومشى مع مشاري يطلعون من البيت للرجال، سعود:وينهم؟ مشاري ابتسم وتقدم لباب المجلس يفتحه:هِنا فتح الباب ودخل وناظر جده الي يصعد العتبات رفع نظره عابد للجالسين وخصوصا ذاك الشايب الي جالس بوسطهم رجفت يده ووقعت هكازه وبهمس:عابّد؟! وقف عابد وبصوت رجفه وشوق:ايه عابّد بشحمه ولحمه، ابتسم ع جنب سعود وتقدم يمشي لهم يناظر عابد الي غيره الزمن وشاخّ وكبر التقو بعد 20 سنه فراق لازم يكون لقاء بينهم شوق وحنين لايامهم مع بعض لقاء حزن وغبنه من ايامهم الي مشت وهم مقاطعين بعض، عابد همس بضعف:سعود، سعود شد ع يده بقوه:وش جابك؟ عابد توسعت عيونه وذا الي كان متوقعه الصد منه نطق:حنيت لك ولايامنا يا سعود يكفي قطاعه وهجر ما حنيت كبرت عوايلنا بعيده عن بعض حتى انهم مايعرفون بعض وهو المفروض يكونو عايله وحده ويكبرون مع بعض! سعود قاطعه بحده:اذا انت حنيت انا ما حنيت ولا بحن مابي اشوفك ولا اشوف عيالك ولا فرد من عيلتك! عابد بحزن:افا يا سعود افا يا ولد خالتي افا افا! صد عنه سعود بضيق مايبي يحن ويضعف، كمل عابّد بصوت هزيل:العيال كبرو وتزوجو وشيبوا واحنا للحين ع وضعنا! سعود ناظره:اتفاقنا راح وانت رُح يلا! توسعت عيون عابد:تطردني يا سعود، سعود ما رد ولف خارج من البيت، عابد:سعود! بس مارد، نوّار توجه لابوه وبحده:يبا امش امش البيت الي مايرحب بنا مانبيه امش بس يلا، عابد مشى مع عياله بضعف وحزن واحفاده خلفه، مشاري ما عرف كيف يتصرف!، خلدون الي ماشي لهم بيديه صينيه القهوه والشاي وفناجين وكاسات وقف باستغراب من الوضع المستنفر همس:خير اجعله خير، وقفو عند سيارتهم لف عابد ل سعود الواقف عند باب بيته ناظره بنظره عجز سعود يفسرها وقشعر جسده منها، فتح خالد الباب الامامي لجده ركب عابد ورائد الي يسوق والباقي بالخلف وحرك خارج خارج من بيوت آل نافل، عند البنات جالسات بالجناح الي خصصه جدهن لهن ما يروحن عنده، مي ورهف ورفيف وعهد وحنان وغلا، ميّ الي جالسه وبيدها قلفز وبيدها الثانيه صحن حناء جالسه قدامها رهف مقسمه شعرها عشان مي تحط لها حناء، مي:اموت بريحة الحناء اموت، رهف ابتسمت:اي مرهه، رفيف وهي تبرد اظافرها وتمنكرهن:وع شلون تحطنها ع شعوركن ما ادري، عهد:عالاقل اهون من البيض والمايونيز تخلطي وتحطي ع شعرك! غلا:اجبد! كشرت رفيف بغيض منها ورجعت تكمل شغل اظافرها، ميّ:بنات، كلهن ركزن معها، مي:احس ودي اتعرف على حفيدات ولد خالة جدي! رفيف:مثلي وربي احسهن كيوتت، عهد بحماس:عندي فكره! رهف:وش؟ عهد تربعت بحماس:الحين جدتي تتواصل مع ام نوّار صح؟ البنات:ايوه! عهد:نخلي جدتي تكلم ام نوار وتقول لها انه احنا نبي نتعرف عالبنات ونتونس! مي:والله فكره! رفيف:بس وين نلتقي؟ رهف بتفكير:بالبر عند النياق! رفيف بقهر:عسى نياق تبرك عليك قولي امين، رهف:قلت افيدكن يعني! مي:نلتقي بكوفي!، غلا:اقول انتن تخطط وين نلتقي يمكن البنات ما يبون! البنات سكتن بعد ما حطمتهن غلا وهو فعلا يمكن مايبون اي شي عشان جدانهم، عهد:  ترجع الحماس بعد ما انطفى::لا وش عادي ماتسمعين حدتي وهي تسولف عنهن زينات وطيوبات ومدري وش ماتوقع يرفضن! مي:حنا نقول لجدتي مخططنا ونشوف وش تقول! رفيف:بنات انا شاكه بحساب وحده ع الانستا نهاية اسمها آل ناهل واسم ابوها نوّار! شهقت مي: ذا ولد ولد خالة جدي! رفيف توسعت عيونها وبحماس:منجد يمكن هي! مي الي تحط غطاء ع راس رهف بعد ماخلصت من حناءها:ايه طيب ادخلي لحسابها خل نشوف! رفيف:ماتنزل حاجه ع حسابها! مي:اوف، وجاسن يخططون كيف يتواصلن مع بنات آل ناهل ويلتقن معها،