ياهلا ياقبله العشق النديه يا اتجاه وين ما اوجه

Part 3

بيوت آل نافل،
بعد ما حل الغروب عليهم، دخل شاص الجد سعود بقيادة يُسر المتوتر وخايف من جده وسعد الي اكثر منه، ركنوا الشاص بمكانها جانب سيارات افراد آل نافل، فتح الباب بشويش ينزل يُسر منها وبعدها سعد التفت يُسر له يقرب منه:مامن صوت وينهم؟، سعد دفه عنه بتوتر:يعني وين بيروحون اكيد ببيت جدي، يُسر:الله يستر سعد:كله منك! يُسر يمشي باتجاه بيت جده الي متوسط الاسوار وحوالينه بيوت عيالها:اقول امش امش والي يصير يصير!، تنهد سعد ومشى خلفه وصلو البيت دفو الباب، ابتسم بتوتر يُسر يسمع اصوات ضحك وسوالف التفت ل سعد المتوتر ضحك بوجهه يخفف عيونه اشر بعيونه ب يلا، مشوا وهم يسمون بالله ناظرو الكل موجود بدون استثناء جدهم والاهل كاملين، الا ام يُسر، الجد التفت وهو يضحك ناظرهم وكشر بوجههم ورجع يسولف مع ماجد ولده، سعد ناظر يُسر باستغراب، خلدون ضحك:تعالو تعالو اتوسطنا لكم عشان لا تتعاقبون اليوم! تنفسوا الصعداء براحه وتقدمو يمشون، تحت ضحكات العيال، الجد بحده:المره ذي مشيتها الجايه لاعلقكم مثل الذبيحه تفهمون لا تعيدونها!؟ يُسر:ابشر، ناظر اخته حنان الجالسه عند البنات اخر المجلس، هتف باسمها، ناظرته ببتسامه:هلا! يُسر:نمشي؟ حنان كشرت:تكفى مابي ارجع البيت! لوحدنا، الجده:وش تبي ترجعون لوحدكم لو صار لكم حاجه لا سمح الله؟ الجد:اقضب الارض بتبقون عندنا لين يرجعون امك وابوك من السفر، رفيف لفت ل حنان:متى بيرجعون، عهد:اليوم سافرو مالحقو! حنان ابتسمت:يعني اسبوع زمان يجددون شهر العسل! سعد وهو ياكل من الحلا الي عالطاوله ويمضغ فيه:اخاف عمتي ترجع حامل! ضحكوا كل الي بالمجلس، حنان بحده:اقول ليه الضحك واذا حامل ماتصير ذي؟! اسكت احسن لك ولا تنكت مره ثانيه ازين لك! ووقفت تمشي للمصعد تصعد الطابق الثاني، يُسر:وش الكلام ذا عيب، سعد:ماقلت حاجه! مشاري وقف، الجد:وين ياولدي؟ مشاري ابتسم:المستشفى اتصلو يبوني ضروري، الجده ابتسمت:الله يسهل دريك ياولدي، ميّ:بتوفيق دكتور قلبي! ابتسم مشاري ومشى يطلع من المجلس رهف:قومن نصعد عند حنان نفل امها! هزو روسهم البنات ووقفن يمشن مع رهف لغرفة حنان،

بيوت آل ناهل،
عند البنات ضحك وسوالف ومزح مع جدتهن وامهاتهن الي جن من شوي يكملن الجمعّه، دخلو العيال بعد ما نبهت الجده البنات عشان يتغطن، خالد بابتسامه:السلام عليكم، الجده ابتسمت:وعليكم السلام ياهلا ياهلا، تقدم خالد يقبل راس جدته وبعده العيال وسلمو عالبنات من بعيد وجلسو يسار الجد عكس البنات يمين الجده، عمر ناظر القهوه الي حطها عالطاوله:قهوتكن وصلت ماتبن؟، فزت مُلاذ:الا! ومشت تاخذ القهوه وتوزعها عالبنات وجلست مكانها بيدها قهوتها ترتشف منها، عبدالله ابو الدراما:اهخ يابنات اخواني وينكن عني انضربت ضرب تكسرت! روح:افا عمي الحبيب ينضرب من ضربك لا افلق راسه! عمر كتم ضحكته:جدي تفلقين راسه؟ اتحداك! هجدت روح بخوف وخجل من عمر:لا طبعا اذا جدي مانتدخل، عُلا بملل تحرك قهوتها:مايضربك من دون سبب ااكيد رافع ضغطه حافظتك انا! عبدالله بغيظ:هالملسونه ذي! احترميني عالاقل عمك انا!، عُلا طنشته ولفت تسمع لسوالف البنات، عزام:جده دريتي؟الجده عبير:وش، عزام ناظر رائد ببتسامه:اخوي رائد بيخطب! كل الانظار التفت ل رائد المبتسم، الجده عبير ببتسامه فرح:ما شاء الله ومن هي سعيدة الحظ؟ الكل كان فرحان له ويباركون، جاهلين ذيك العيون الي غورقن دموع من الكلام الي سمعته نزلت راسها بهدوء تمنع دموعها لا توضح وتنزل عضة شفتها لا تنفضح من شهقاتها وقفت وبصوت تحاول تخليه طبيعي:انا برجع البيت تبون شي بنات! البنات التفتن لها ما انتبهن لرجفة صوتها الا وحده منهن ردن:لا سلامتك عدلت طرحتها خارجه بخطوات سريعه تبي تاصل غرفتها تنسدح ع سريرها تخفي صدمتها ووجعها منه تحت اللحاف حب طفولتها ومراهقاتها الي دايم تنام بعد تفكير طويل فيه وتصحى الصباح ترجع تفكر فيه الحب الي ماوضحته ولا وحده من البنات، الحب الاولي ولاخير بيروح لوحده غيرها وبيكون حلالها وزوجته هزت راسها تمنع الانغماس بتفكير فيه وصلت البيت تطنش منادات امها لها تركض للغرفه تدفن نفسها باللحاف تسمح لدموعها بالانسياب شهقاتها بالوضوح، بالمجلس، الجده:ماقلت لي منهي؟ رائد الي تفكيره راح مع الي خرجت ودمعتها العالقه بعينها لاحظها بس مب عارف وش سببها وبقى حبيس ذيك الدمعه يبي يعرف من وش؟ صحى من تفكيره ع دقة محمد لكتفه:جدتي تسأل؟ رائد تدارك وضع ناظر الكل يناظر تنحنح:اشسمه ذي بنت خالتي! الجده كشرت بكره:لا تقول البنت الي فبالي. تنهد رائد بحزن:ايه هي ليان! الجده:وش حادك عليها انت ماتريدها؟ رجع يتنحنح من حس الموضوع اشتد شوي التفت للعيال الي وقفو شوي شوي يطلعون راجعيم لبيوتهم كل واحد مع اخته وبقى بس هو وجدته وعمه عبدالله، الجده رجعت تسأل:جاوب انت ماتريدها! رائد خز راسه بايجاب، الجده بحده:اجل لبه تخطبها لا تجبر نفسك ع حاجه ماتبيها وبعدين توك ببداية عمرك ملحق عالزواج! رائد مارد سرحان بالورطه الي امه رمته فيها مجبر، الجده:ادري عندك علم كتّه وانا جدتك كتّه، رائد تنهد بحزن وناظر جدته وبضيقه:ياجده انا مابي الخطبه من الاساس بس امي! امي هي الي راحت وخطبت لي تخيلي من دون شوري ولا علمي! طيب يمكن انا مابي مابي اظلم البنت انا مابيها، الجده:امك ذي سكتت ماتبي تكلم عنها احتراما ل رائد، رائد ناظرها:توي ملحق عالزواج والمسؤليه ابي اطول فترة العزوبيه، الجده بحده:ليه ما اعترضت انت الي بتزوج ولا امك!؟ مانت رجال مالك كلمه! صد رائد بضيق من كلام جدته، عبدالله حس عليه ونطق بهدوء:يما بشويش عليه الولد مجبور! الجده بعصبيه:مجبور وش ها ابوك وينه وينه عن امك الي تسوي كل حاجه بنفسها من دون شور ولا رأي! رائد كمل بهدوء:امي خطبت لي بحجة انها تبي تفرح فيني وتشوف عيالي بس انا مابي للحين بدري مالقيت لي وظيفه! الجده هزت راسها بقلة حيله ناظرت ل صوت الصادر من الباب يدل ع حظور شخص لمحت زول ولدها عياش مع ابوه ماشين لهم، الجده بعصبيه:حي الله ب ابو رائد حي الله! استنكر صوت امه الغاضب تقدم يبوس راسها:عسى ماشر شلونك يما؟ الحده تنهدت:بخير بخير اجلس لي معك كلمه، جلس وابوه جلس جنب امه، الجده:تدري عن سوالف مرتك انت؟عياش:وش مسويه؟ الجده اشرت ع رائد الي منزل راسه بضيق بعكازها:خاطبه لولدك من دون يدري ذا تصرف وحده عاقله؟ عياش:نعم متى صار ذا الكلام ويني انا عنه؟ التفت ل رائد:متى رائد؟ رائد:قبل يومين وكلمت خالتي هند، عياش باستنكار:خالتك هند؟ رائد:ايه بنته ا ليان خطبتها لي، عياش بحده:مابقى الا هالبنت تاخذها لو ع جثتي ماتاخذها، تنفس براحه رائد دام ابوه رافض مابيتم الامر ويفتك بس امه الي راكبه راسها تاخذ له ليان وش موقفها بتهد الدنيا وتقومها ع روسهم! رائد:تكفى يبا قول لها تعبت وانا كل ساع اكلمها مابي مابي اتزوج ماني جاهز لزواجه ذي كلها بس هي رافضه تقول بتغضب علي ليوم الدين الله يهديها، عياش ابتسم لولده يطمنه:ماعليك امك علي بخليها تكنسل الي راكب راسها، رائد وقف يبوس راس ابوه:مشكور يبا يلا انا ماشي، الجده تنهدت:بمان الله، طلع رائد التفت الجده ل ولده:مرتك ذي عقلها لا تمشي العيال بمزاجها وتزوجهم الي تبي!، الجده بعصبيه:والله ياولدي تبي الصراحه مرتك ذي تس تس! كريها، عياش بصدمه:يمااا! الجد بحده:مانوصل لهلكلام تبقى مرت ولدك وام احفادك عيب، صدت تستغفر، وقف عياش يستأذن راجع لبيته يفكر كيف بيفاتح الكلام مع اسماء بهدوء،
بيت نوّار،
عمر وملاذ يلاحقون بعض برشاشات المويه وصوت ضحكهم مليي البيت، خالد بالصاله بانزعاج منهم وهو الي يحب الهدوء:يوهه منكم وربي لو اقوم تعقلون ولا؟ محد منهم رد تنرفز ووقف يبي يأدبهم توجه للدرج بيصعد للطابق الثاني الي موجودين فيه اخذ نفس يهدي عصبيته يرفع رجله اليمين للعتبه الاوله يمشي يصعد العتبات الاوليه يلف بيكمل الدرج لكن وقف بخرشه من الي تعثرت رجلها ناويه السقوط من الدرج بسبب المويه المنتشره عالارض، صرخ خالد بخوف:ملاذ!! مُلاذ تدحرجت عالدرج تقع رش المويه من يدها تلوي رجلها خلف ظهرها وضرب راسها بالجدار تعلن اغمائها متمدده عالدرج، ركض لها خالدتحت مناداته لها مسك وجهها بيديه:ملاذ ملاذ ردي تكفين ناظرر عمر الواقف مصدوم من الحدث الي صار بثواني صرخ:وش تنتظر اركض جب عبايتها اركض، صحى عمر يركض لغرفتها، خالد دخل يدينه تحتها يد تحت راسها ويد تحت رجليها رفعها يحملها، رجع عمر الي يرتجف يناظر الدم من راسها تقدم يلحفها بالعباه والطرحه:امش امش افتح السياره قدامي بسرعه، ركض عمر قدامه بخوف، ناظر خالد اخته الوحيده بخوف عليها همس:لا تخافين تماسكي تكفين ملاذي تكفين! ناظر السياره بابها الخلفي سدحها عالمقعد وقفل الباب وتقدم للباب الامامي يفتحه ويركب:امش يلاااا! حرك عمر بسرعه ادى لاحتكاك السياره بالارض يصدر صوت خارج من اسوار بيوت آل ناهل، التفت خالد ل ملاذ قرب منها يحط يده تحت انفها تنهد براحه يحس بتنفسها المنتظم مجرد اغماء! بعد دقايق ناظرو اضواء المستشفى نزلو من السياره ركض خالد ل ملاذ يحملها يركض لداخل المستشفى وخلفه عمر الي يرتجف ودقات قلبه تزيد من الخوف عليها، خالد وهو يناظر الممرضين والدكاتره يصرخ:بسرعهه دكتور تكفون اختييي، ركض ممرض يجيب سرير يتقدمون يحطون ملاذ عليه، يمشون بها داخل العمليات والاشعه، يركضون عمر وخالد وراهم لكن وقفو من تقفل باب العمليات بوجوهم مسح عمر ع وجهه بقلق وخالد مسك راسه ويروح ويجي بمرر غرفة العمليات، القلق والخوف لعب فيهم لعب باين ع وجيههم! بعد ساعه، فتح باب العمليات يظهر الدكتور من خلفه وققو كلهم، خالد بصوت مبحوح:تكفى طمنا! مشاري نزل الكمام عن وجهه يبتسم بهدوء لهم:الحمدالله هي بخير، تنهدو براحه. مشاري بشك:كيف تعرضت لكذا؟ خالد رفع حاجبه:شلون يعني؟ مشاري تنهد:تعرضت لضربه لراسها ادى لنزيف بس بسيط الحمدلله ورجلها اليمين انكسرت! عمر:وش قصدك احنا سوينا فيها كذا صرخ:ذي اختنا الوحيده شلون نسوي فيها كذا! خالد بهدوء:اهدا اهدا اكيد مب قصده كذا! لف ل مشاري:يادكتور اختي ادري مابتصدق لكن بنقول الحقيقيه اختي كانت هي واخوي ذا واشر ع عمر يلعبون بمويه يرشون ع بعض، كبح مشاري ضحكته وهو يتخيل الي قدامه شلون يلعب وكمل خالد:واختي زلقت ع الدرج بسبب المويه وبس كذا الي صار والحين ممكن نشوفها؟ مشاري الي لمح الصدق بوجهه تنهد:تمام شوي ويدخلوها غرفه خاصه،
بعد نص ساعه، عند ملاذ فتحت عيونها بشويش رجعت غمضتها بوجع رفعت يدها ع راسها جمد وجهها بخوف من الملفوف ع راسها همست:وين انا وش ذا؟ فزو اخوانها الجالسين عندها من سمعو همسها، خالد مسك يدها:الحمدالله ع سلامتك ياعين اخوك! ملاذ فتحت عيونها:وين انا؟ عمر ابتسم: اولاحمدالله ع سلامه ثانيا انتي وين بالمستشفى ليه لانه واحنا نلعب بمويه زلقتي ع الدرج وصار الي صار، بلعت ريقها بخوف ناظرت رجله المجبر نزلن دموعها بخوف:يمااا! كبح عمر ضحكته وصد عنهم، خالد بخوف:بسم الله عليك اهدي انتي بخير والجبيره كلها اسبوعين وتنفك باذن الله، ملاذ تنهدت بضيق:امي ابوي؟ عمر توسعت عيونه:لما اخذناك كانو نايمين مابلغناهم؟ خالد:الصباح نروح لهم ونقول الحين لا، ملاذ:لمتى ابقى هنا؟ خالد مسح ع يدها:يمكن بكره العصر ان شاء الله، ملاذ هزت راسها بايجاب، قاطعهم طقت الباب، ملاذ عدلت طرحتها عمر:تفضل، دخل مشاري ببتسامه:الحمدالله ع سلامتك معك الدكتور مشاري، ملاذ بنعومه:الله يسلمك دكتور، مشاري:انا الدكتور الي اجريت لك العمليه، ملاذ بطفش:طيب؟ توسعت عيون خالد بفشله وهو يناظرها، ضحك مشاري بقوه ل ردها، عمر:العذر يا دكتور اختي الله يهديها ماتعرف تسولف زين لسانها متبري منها! مشاري:ماعليه ماعليه! مشى للمغذي الممدود بيد ملاذ بيعدله لها، ملاذ ناظرته ونزل نظرها ل اسمه الي ع الابكوت، توسعت عيونها بصدمه وشهقت بخفيف تغطي فمها لاحظها عمر واستغرب من ملامح وجهها المندهشه اما ملاذ كانت مصدومه مستحيل هو مستحيل يكون حفيد الرجال الي يكون عدو جدها! صدت عنه وهي تفكر بالصدف الي جمعتهم،مشاري استأذن منهم وطلع، عمر تقدم منها:وش فيك ملاذ وش صار غير وجهك؟ ملاذ بلعت ريقها ماتدري اذا يعرفون عن السالفه ذي ولا جدها مايحب يسولف عن هالموضوع لولا جدتها ماعرفته ابد، همست:انتو تعرفون ابو ماجد ولد خالة جدي!؟جدي تكلم عنه، خالد:اعرفه بس جدي مايتكلم عنه ادري عن طريق جده دايم تسولف عنهم! ملاذ:ذا حفيده، عمر:من ذا، ملاذ:الدكتور، خالد بصدمه:تمزحين؟ ملاذ:وقت مزح بالله. عمر:يا محاسن الصدف واخيرا قابلنا واحد من هالعايله ودكتور بعد! ملاذ بهدوء:اسمه كامل مشاري بن ماجد بن سعود آل نافل!