Ruined

Kabanata 4

Kabanata 4

"Anong plano?" Bulong ni Fatima kay Judith.

Bumaba na kami ng sasakyan at tumatawid ng daan papunta sa perya. Naglalakad sa unahan namin si Leo habang nasa likuran kami ilang hakbang ang layo sa kaniya, just enough distance not for him to hear our conversation.

Hindi ko pa rin maisip kung pa'no ko siya i-didistract? Parang hindi siya papayag na sumama sa amin sa karaoke!

Sumulyap ako kay Leo. Ang kamay niya ay nakasuksok sa back pocket ng kanyang pantalon. Ang isang kamay naman ay hawak ang cell phone at tumitipa roon.

Kikitain niya rin kaya ang girlfriend niya rito? Palaging nakabuntot sa kaniya yung sophomore sa school namin. Mas mabuti kung ganoon! Hindi ko na siya kailangang libangin!

"Okay, ganito..." nilingon kami ni Judith. "Isasama kita, Fat. Magpapaalam tayo kay Leo na bibili ng food."

Tumaas ang kilay ko. Huh? Iiwan nila akong mag-isa kay Leo?

"Bakit isasama mo pa si Fat?"

"Oo nga!" Pag-sang ayon ni Fatima sa akin. "Ano ako mag-ti-third wheeling sa inyo! Ayaw ko, Judith!"

"Aish!" Kinamot ni Judith ang ulo niya. "Magtataka si Leo kung mag-isa lang akong aalis! Iisipin niya makikipag-kita ako kay Jordan!"

May punto naman ang sinabi ni Judith. Mas mabuti ngang isama na lang niya si Fatima. May magbabantay pa sa kanila ni Jordan. I don't trust her with him alone. Mukhang hindi gagawa ng maganda ang isang iyon.

Nakatinginan kami ni Fatima. Nagtatanong ang titig niya sa akin kung sang-ayon ba ako o hindi sa sinabi ni Judith.

Between the three of us, ako ang laging huling nagbibigay ng opinyon at desisyon ko. Hindi ko alam bakit lagi rin naman nilang sinusunod ang sinasabi ko.

Siguro dahil sa aming tatlo ako ang hindi biased sa sitwasyon? Sila kasing dalawa magkasalungat sa lahat ng bagay.

"Okay. Ako na ang bahala sa kaniya," tumatangong sagot ko sa kanila.

"Ahhh! Thank you! You're the best girl talaga, Rain!" Tumili si Judith at niyakap ako.

Umikot ang mata ni Fatima. "Tsss! Tara na! Para matapos na ito!"

"Okay! Look out ka namin ni Jordan, ah!"

"Ano pa bang magagawa ko?"

Binilisan na namin ang lakad hanggang sa makaabot kami kay Leo. Nagsimula namang magparinig si Judith tulad ng aming plano.

"Nauuhaw ako!" Eksaheradang sabi niya. "May nakita akong nagtitinda ng juice doon, oh!"

Nilingon namin si Fatima. Siya na ang susunod na magsasabi ng linya niya. Si Judith ang nakaisip ng script na 'to. Ganyan katindi ang dedication niya para lang maka-date si Jordan.

"Ako naman nagugutom na! Hindi mo man lang kami pinakain ng meryenda sa inyo! Anong klase kang kaibigan." May hugot na sabi ni Fatima.

Bumingisngis ako. "Mabuti pa,
Bumili na muna kayo ng pagkain niyo..."

Tiningnan ko ang likuran ni Leo na nakaharap sa amin. Malapad ang balikat niya at may muscle ang likuran. For his age, matured ang built ng katawan niya. Siguro lagi nitong ginagamit ang gym sa mansion?