بطرف عيني لمحت أيوب بالفرع ركن سيارته ووياه رجال ثاني
فركت وجهي عدل حتى اعرف اذا كاعدة اخربط لو الي اشوفه صدك
لا والله هذا صدك أيوب
هو يعرف شلون يفتح باب بيتنا فتح ربع الباب
ورجع للسيارة
توجه لباب الصدر من الجهة الي كاعد بيها الرجال
فتحله الباب ومد ايده يساعده ينزل
اول ما لمحت الرجال الثاني كمزت من مكاني
طلعت من الغرفة ركض
مادري شلون وصلت لباب البيت بثواني
اول مافتحت الباب لكيت أيوب بوجهي
انصدم من شافني بوجهه
طلعتله من العدم وبدون صوت
ردينة :الحمد لله على السلاااامممةةة
عباس :هلة بروحي هلة بنظر عيني
اول ما طبوا للبيت رحت حضنته
حطيت راسي على صدره
دموعي صارن يطلعن بدون ما انتبه على نفسي
حسيته يمسح على شعري ويضحك
ردينة :وينك جدو اني كلش تعبانة وجنت محتاجة وكفتك يمي
عباس :اني صرت يمج ومارح اتركج بعد شوفيني رجعت
ردينة رفعت راسها :بعد لا تسافر وتغيب عنا هالكثر
عباس يأشر على عيونه :من هاي قبل هاي بس لتبجين ينظر عيني
أيوب من زمان منزل راسه حتى ما يشوف بت عمه الي طالعة بدون شال أو عباية
اول مارفع راسه شاف جده رافعله حاجبه
عباس :تفضل روح جيب الجنط
أيوب :حاضر
عباس :ليش طالعة هيج بنيتي انتي مريضة والجو بارد
ردينة :من لمحتك جاي نسيت حتى روحي
عباس :بيبيتج كاعدة؟
ردينة :اكيد تلكاها كاعدة تصلي
عباس :امشي نطب
طبينا للبيت سوية
هو راح يشوف بيبي ويسلم عليها واني رحت اسوي كلاص مية يشربها
سمعت صوت جاي من ورة باب المطبخ
تركت الي بايدي ورحت فتحت الباب
اني اعرف هذا أيوب ورة الباب
واني مالابسة لا جبة ولا شال
بس دماغي اجبرني اسوي الي هو يريده
اول ما صار كدامي نزل الجنط للكاع
فتحت الباب اكثر حتى يطببهن
رجع شال الجنط فات من بصفي
ما مشى طبيعي
من عدى بصفي مشى وهو يباوع بعيوني بشكل مطول
أنت تقرأ
ردينة
Romanceكيف قلب ردينة يعشق شخص يحيط به الشر وهل سيستمر حبها له بعد أن ادركت نواياه الخبيثة؟ ماذا لو لم يكن يحيط به إنما هو الشر نفسه
