معقولة اني التفاصيل الي عشتهن البارحة
جانت مجرد
حلم؟؟!
رجعت للفراش شلت كل المخاديد والغطوة مالكيتها!
نصيت اباوع جوة الجرباية ماكو شي
ظليت امشي وعيني بالكاع
دورت بكل نقطة بالكاع ومالكيتها
وكفت بمكاني من انتبهت على روحي اني شدا اسوي؟!
كاعدة ادور على شي يثبت ان الي صار بالليل جان حقيقة مو حلم
باوعت للساعة بثمانية إلا ربع
ماالحك اوصل للكلية
ومابية حيل اروح للكلية
عود قيس يدبر موضوع الاجازة
هستوني انتبهت قيس صارله يومين ما اتصل ولا مر علينا!
مو من عوايده شعجب؟
طلعت ملابس ومنشفة من الكنتور ورحت أسبح
بلكت تروح من راسي هالافكار
.....
طلعت من البيت ركض
بعد ربع ساعة ويبدي دوامها
طلع من البيت
وبحكم شقته صايرة فوك كدر يشوفها طالعة من بيتهم تركض ووجها أحمر
نزل بسرعة حتى يلحك عليها
اول ما فتح باب الشارع تلاكوا وجه بوجه
وكفت لثواني
ماكدرت تتجاهله بالذات بعد آخر موقف صار بيناتهم
ليالي :صباح الخير
محمد : صباح النور
ما كلفت على روحها تظل تنتظره يرد عليها رجعت تمشي بسرعة احسن من الركض كباله
صح متأخرة بس كلها الا البرستيج
وصلت للشارع العام وكفت تكسي
ليالي :عمو منا للجامعة شكد تامر؟
:سبعة عمي
ليالي :ليش سبعة كلش هواي هي مو المفروض خمسة؟
:شوفي غيري بوية اني غير السبعة ماارضة
ليالي :آمري لله
مدت ايدها بجيب الجاكيت طلعت من جيبها الفين ونص
رفعت راسها وباوعتله بابتسامة
ليالي :عمو ترضة بألفين ونص؟
بعده مارد عليها سمعت احد يصوفرلها
التفتت للورة شافته نفسه ياشرلها تروحله من بعيد
أنت تقرأ
ردينة
Romanceكيف قلب ردينة يعشق شخص يحيط به الشر وهل سيستمر حبها له بعد أن ادركت نواياه الخبيثة؟ ماذا لو لم يكن يحيط به إنما هو الشر نفسه
