"عند البنات"
خلصوا صلاه وراحوا الغرفه الرابعه فيها كنب وكانت حلوه وجابو شبسات وحلويات وفصفص وشاهي و كانوا جالسين في الأرض وكانوا للحين مصدومين
ترف وهيه للحين مصدومه: في أحد مصدوم غيري؟
الكل: اي
روان : احس مو مستوعبه شي يطلع لنا عم وعمه ولا بعد عمه متزوجه وعندها بنت ومتطلقه!! مو قادره استوعب
ورد لـ وريف : احس اخوك عصب بزياده ماله داعي
وريف: مدري عنهم بس اتوقع عصب لانه وهم صغار كانوا موجودين عمي وعمتي
صافيه: احس عادي بنات شفيكم مكبرينها
نور : اوكي ما قلنا شي بس ليه الحين يبون يجون؟
نجد : فيك الجراءه روحي لعمك
هند : احساسي زي صافيه شدعوه
وجدان : طيب الحين شنسوي يعني ؟
وريف : كيف وش تسوين ما تسوين شي
عقد : الحين خلونا من ذولا سكر فين ؟
ترف شهقت : منجد حسبي الله عليها جينا هنا وسحبت علينا
نور : وش دخلكم فيها جالسه مع زوجها مو مع أحد غريب
نجد بصدمه: يا خوفي تجيب اخ ل أطياف
صافيه بصدمه: قص يقص لسانك وش ذا الكلام
البنات طاحوا ضحك من كلام نجد
صافيه بعصبيه: وش الي يضحك مافي شي يضحك
روان: صافيه حبيبي شفيك ترا من اول ماجينا وماهم موجودين .
نور: حتى اطياف موجوده
عقد: والله مصيبه
صافيه قامت بعصبيه: مالكم دخل فيها تروح مكان ماتبي
وطلعت
ترف : بسم الله علينا وش فيها ذي
وجدان: عندنا اخت لازم نتبى منها
وريف: حرام بنات والله وهيه صادقه يعني خصوصيه
ساره: روان احس مو مصدقه انك بتزوجي وماراح تجي
ترف: منجد مازن حيوان
ورود : ليه وش سوا
نور : بياخذ اختي حبيبتي لـ خميس مشيط
روان: غبيه انتي ابهاااا
وجدان: طيب الخميس نفسه ابها
روان وهيه تلف شعرها ب اصبعها وتكلمت بدلع: لا حبيبتي ابها فيها ضباب وأجواء ترد الروح الحمدالله بس
ورد : وربي اني تحمست اتزوج شوفوا فيان رايحه
نور: صح بتروح مكان بعيد بس بتوحشني
روان : مايوحشك غالي بجيكم كل اجازه لاتخافون
هند : نقلتي من جامعتنا ؟
روان : اكيد ولا كيف بسافر!
ترف وهيه تبي تغث نور : الحين روان تجينا كل شويه عاد مازن ما يقدر بدون امي وأبوي
نور : انكتمي اذا جاء عندكم يجيب روان من قله الادب حقته
الكل: هههههههههههه
وجدان: الحمدالله والشكر شفيك بتاكلينا
وريف: تلومونها
ورود: انا انتظر ورد تتزوج عشان انا وحمود يفضى لنا الجو
ورد: وجع أن شاءالله نزوج محمد عشان يفضى لنا الجو صدق
عقد : اخوكم حلو يابنات
وجدان: حتى انا شفته يجنن
ورود لـ ورد : لو نقوله يجلس سنه كامله مستانس
نجد: عندي لعبه كل وحده تختار ولد وتُوصفه نبدا من عند روان
روان : ليه انا اول وحده
نور : يلا تحمست
روان : بختار مروان
وريف يوم سمعته اسمع دق قلبها ولا قالت شي
الكل : كمليي
روان: مروان يعني شخصيته حلوه مو زي عايض يحب يمزح ويسوي مقالب ويحب القهوه ويحب شي اسمه حلا منجد بنات
ترف: ياي حسبت بس احمد الخبل
وريف : عاد اخوك خبل بزياده
وجدان: منجد
نجد: يلا وريف مين تختارين
وريف : اختار ناصر
الكل : حلو
وريف :صح أنه عصبي وشديد إلا أنه فلاوي شخصيته الثانيه ما تطلع الا في البيت أو مع اولاد عماني يحب يضحك وسوالفه كثير وجريى مره
نور : كل شي في مكانه الا الجراءه ذي
ساره: كل العيال جريئين ورومنسيين
ترف : اتفق
نجد وهيه عاجبتها اللعبه أكثره : يلا ورود
ورود : اختار حمود
الكل : ايوه
ورود : فلاوي وابدا مو عصبي يحب بطنه ويحب شغله ودائم برا نادر تحصلونه في البيت ويحب بسرعه
هند : كيف يحب بسرعه؟
ورد: عشان ورود تقريبا قريبه منه ف هو قالها أنه هوه يتعلق ويحب بسرعه
روان: اسوء شي
ورود: منجد
نجد : يلا ترف
ترف : اختار حمودي
وجدان: مسكين احمد بتكب العفش
ترف : مالك دخل
وكملت: احمد اقرب واحد لي بين اخواني برضوا عصبيته تخوف بسس أنه مرح وينكت وذا بيطلع يطلعني و قالي أنه خلق على وحده بس لاتسالون
ورد تغير وجهها وحمر
الكل : مينننن تكفينننن
ترف وهيه تطالع ورد الي وجهها تغير للون الاحمر : وعدته ما اقول
وجدان: انا بروح احشره ويقولي
نجد : بعدين خل نكمل يلا عقد
عقد : اختار مين مامعي اخوان
روان : شوفي مين انتي الي فهمتي شخصيته يوم شفتيه
عقد : ب اختار عايض
الكل : يلا
عقد : الي حسيته أنه دمه حار ولا يحب الغلط ولا الكذب ويحب الاكل وشغلته محقق جنائي
وريف : عاد انا ذبت يوم اخوكم محقق جنائي
نور : منجد يخقق لو تشوفينه وهو لابس انا وروان نجلس في الصاله نتأمل فيه
الكل : هههههههههههه
روان: والله بنات يجنن انا وانا اخته صرت خفيفه
ساره: ياحظ الي بتاخذه بس
الكل: اي والله
نجد : يلا ساره
ساره : بختار عبدالله ولد خالي
ترف : اسلمي
ساره: احسه هادي كثير مو زي العيال ودائم جالس مع نفسه ولا يفكر الا بنفسه ويحب يضحك بس
روان : اتفق معك نادر حتى
ورود: احسني مسكينه كل ذي الاسامي ماعرفت مين صاحبها
وجدان: يا حمار يوم عمي احمد وزعنا ماعرفتيهم؟
ورود: لا ما عرفت الا اخوانك واخوي😭.
ساره : أن لله وان اليه راجعون
ورد: انا عرفت نصهم يعني متذكرتهم
نجد : يلا نكمل
روان: يختي خل نسولف وانتي كل شويه يلا نكمل حتى ما تسولفين
عقد : منجد أكثر من مره قالتها الله المستعان
نجد : طيب نبي نلعب انتوا وساليفكم البيض
ترف : عز الله لعبتك الي بيض
نجد : خل نكمل
كملوا البنات لعب من غير صافيه ونسيوا صافيه ومره يكملون لعب نجد ومره يسولفون
--------------------
"عند صافيه"
جالسه تحت في الصاله لحالها وما نزلت تحت الا انها عارفه أنه العيال مهم موجودين وكانت تسمع سوالف البنات وضحكهم الا انها ماتبي تروح معاهم ، تحس في نفسها أنهم مالهم دخل في الزوجين وان لو جلسوا مع بعض مالهم دخل دقت على سكر تبي تتطمن عليها وردت
صافيه بابتسامه: اهلين والله
سكر : اهلين فيك يروحي
صافيه : وشلونك وحشتينا
سكر : بخير الحمدلله وانتي ما يوحشك غالي
صافيه : بعدين تعالي كيف رحتي وما حسينا فيك
سكر هنا ضحكت وقالت : لو اقولك كيف بتنجلطين ، اطياف كيفها
صافيه : اخس اخس لايكون سلطان خاطفك ، بخير ما عليها اشتاقت لك
سكر : لا لا تخيلي يخطفني بس هههههههههههه
صافيه : اتخيل من سلطان كل شي
سكر : بقولك امس تخيلي.......
"فلاش باك سلطان وسكر "
سكر كانت نايمه في غرفه البنات الي فيها ورد وترف وهند وروان و صافيه وعقد وكانت نايمه كويس فجاه يجيها اشعار شافت الساعه ٦:٠٠ الصباح وشافت أنه من سلطان
سلطان: هيه نايمه
سكر : نعم
سكر تعاملها كذا اذا احد صحاها من النوم وسلطان يتعب مع ذا الأسلوب
سلطان: نعامه ترفسك اشتقت لك
سكر هنا ذابت : وانا اشتقت لك
سلطان: شوفي البسي عبايتك وانزلي تحت نهرب
سكر بصدمه : نهرب واطياف
سلطان: اطياف ماشاءالله البيت مليان عندها تعالي بس
سكر : اقول بنتي
سلطان: يا بنت الحلال قومي ومالك دخل في اطياف هيا
سكر بعناد : واطيافففف
سلطان بعجزه من عنادها : اوكي خليك طيب طيب
سكر : بطقاق 🤣.
وسكرت في وجهه وكملت نوم ما مرت كم دقيقه الا تحس الباب ينفتح بشويش و واحد يشيلها ومغطي على ثغرها بيده وشال العبايه وطلع من الغرفه ونزل تحت الصاله وفتح يده رفعت راسها له وانصدمت شافت قدامها سلطان متلثم كنه حرامي وعشان كذا خافت وابدا ما توقعت انها بتلقاه ، شاف سلطان ملامح وجهها وشاف صدق أنها كانت نايمه بس ماهمه وقال بضحك: وش فيك مخروشه؟
سكر وهيه للحين مصدومه : تمزح صح
سلطان: لا ما امزح قلت لك أنزلي عيتي ما معك الا ذي الطريقه حبيبي
سكر : حبك برص ان شاء الله
سلطان: البسي عبايتك عشان ما البسك برضوا بطريقتي
سكر : هات جوالك !.
طلع جواله وعطاها وفتحته ولفت الجوال له : تشوف الساعه كم يا اعمى ولا
سلطان ابتسم : يا روحي انتي ابيك في أي وقت وشفيك
سكر وهيه تقوم : ماراح اروح مكان
سلطان مسكها من خصرها يقربها له وهمس عند اذنها : ماراح تروحين مكان وبتجين معي
سكر حاوطت رقبته وحطت عيونها في عيونه وقالت بعناد : ماراح اروح مكان
حط شفته على شفايفها يبوسها بوسه هاديه ويبعد منها وقال قدام شفايفها : بتجين !
بعدت عنه تلبس العبايه وهوه جلس يطالع فيها ويبتسم وهوه حاط يدينه في جيوبه لبست وخلصت ولفت له : اوف منك ومن عنادك
سلطان قرب رأسه منها وغمز : ومن عنادك حبي
سكر : فين موديني
سلطان شابك يده في يدها وطلع برا الفيلا : اوديك مكان ما ابي مو واثقه ؟
سكر طالعت فيه ولا ردت تقدموا لسياره وراح فيها المطعم وفطروا وخلصوا ولفت له : رجعني الفيلا بااخذ لي اغراض
سلطان: تمام لاتتاخرين انتظرك في السياره
هزت راسها بـ طيب
نزلها وراحت جري داخل اخذت لها فستان ازرق وكعب واغراض الاستحمام حطتها في شنطه صغيره وراحت عند اطياف باستها ونزلت وراحت عند سلطان وركبت السيارة
سلطان وهوه يحرك : حشى مو اغراض
سكر : مالك دخل
سلطان بشبه عصبيه : والأسلوب خلاص
سكر لفت وجهها ولا قالت شي
راحوا فندق ونزلوا ودخلوا الغرفه راح سلطان تروش ولبس شورت اسود وانسدح قامت هيه وراحت الحمام تورشت وحطت كريم بريحه فواحهه وجميله وحطت مسكره واحمر خدود وقلوص ولبست فستان ازرق بسيط قصير فوق الركبه علاق بدون اكمام طلعت وكانت تمشي متجهه لسرير وكانت تطالع عيون سلطان الي كانت عليها وهوه سادح على ظهره وحاط يدينه ورا راسه انسدحت جنبه ولا قالت شي لفت راسها على سلطان وطالع فيها شافته يقرب لها وهيه بلعت ريقها اعتلاها وجلس يطالع فيها بذوبان وقال بهمس : ناويه تذبحيني !
سكر بوجه محمر: بسم لله عليك
سلطان بهمس قرب اذنها : طالبين القرب بكر يوسف
سكر بخجل : ماودي تكفي اطياف
سلطان بضحك : قلت لك بجيب اطفال ؟
سكر هنا سكتت ما قالت شي
سلطان بـ ابتسامه خبث: وش فيك ؟ اما استحيتي
سكر طالعت فيه وتخزه سلطان ابتسم : طيب وش قلتي ؟
سكر نزلت عيونها وهزت راسها
سلطان ابتسم: اهاه انفتح لي الضوء الأخضر يعني ؟
سكر ما ردت
نزل راسه لشفايفها وطبع بوسه طويله ونزل لرقبتها يوزع قُبله هناك نزلت يده ل فستانها ورفعه و.وو🌚.
( طبعا سكر ما قالت كل شي ل صافيه 😉.)
--------------------
"الواقع"
سكر : وذا الي صار
صافيه : والله ماهو هين
سكر وهيه تطالع سلطان الي دخل : اوكي يروحي بعدين ادق عليك
صافيه: تمام لاتتاخرين
سكر: ابشري
قفلت من سكر وحطت راسها على الكنبه وسكرت عيونها وجلست مسكره عيونها جلست دقيقه وبعدين فتحتها الي تشوف واحد واقف عند راسها ويطالع فيها انخرشت وجلست ولفت عليه وقالت وهيه حاطه يدها على قلبها : بسم الله الرحمن الرحيم خوفتني
عبدالله ابتسم: اسفين
صافيه هزت راسها و وقفت بتطلع
عبدالله: انتي صافيه؟
صافيه لفت عليه وهيه منزله راسها من الخجل : اي
عبدالله بضحك: اخس خجوله
صافيه: شكل كلام البنات عليك غلط
وطلعت فوق بدون ما تشوف ردة الفعل حقته دخلت على البنات وتخصرت وقالت بزعل : لي ساعه تحت ولا وحده فيكم تذكروني
روان وهيه تروح تحضنها : يروحي انتي قلت يمكن تبين تجلسين مع نفسك شويه
ترف : خلاص صوفيتي نمزح وياك
صافيه : يحليلك
وريف : ماعليك تعالي نسولف
راحت صافيه وجلست بين روان ووريف وهم الثلاثي الحلوين ذول خجولين وما يتكلمون كثير
--------------------
"عند العيال بعد الصلاه "
وهم يمشون ويسولفون
سلطان: وراكم ماتزوجون
احمد : جت السواليف النايمه
يزن وراكان: هههههههههههه
سلطان: هه تضحك مره
عبدالله: شفيك فاصل علينا
سلطان: ياخي بنتي تعبت وهيه تتكلم عليكم محد يفهم تقول تبي تشوف عيالكم ماتفهمون
الكل : لا ما نفهم
مروان: قررت اتزوج بس بفتح الموضوع بعد زواج مازن بشهرين
رايد : وليه!
مروان: كذا عباطه عشان ترجعون تتعبون مرا ثانيه
فاروق: الي يتعب الحين أنه السيد مازن حط زواجه بعد العيد يعني مشاوير في مشاوير
يزن وهوه يضرب كتف عبدالله: انا واخواني مرتاحين بس امي الله يحفظها
رايد : انت عارف ان امي زعلانه عليك !
عبدالله بابتسامه: اتحداك تراضيها
احمد: يوههه زوجه خالي ذي اذا زعلت صعب تراضيها
محمد: مشكله والله
يزن بحزن : مشكلتين
راكان بضحك : عادي عادي بسيطه وانا اخوك
احمد وهوه يغمز : لازم تتعود على الزعل ذا عشان اذا تزوجت
يزن : محد فاضي لكم ترا
سلطان: اقول انت وياه خشوا قدامي
ناصر وهوه يقرب من سلطان: الا تعال وينك غاطس ندق عليك ما ترد سلامات
سلطان بابتسامه: مالك دخل في حياتي خصوصيه ما اطلع زوجتي مع ولا حرام
عايض: عوافي عوافي
يزن وهوه داخل جهه الحريم : بدخل اراضي الوالده
عبدالله ورايد بضحك : بالتوفيق
كملوا للمجلس وجلسوا هناك يسولفون
--------------------
"عند يزن "
دخل داخل وسمع أصواتهم في الصاله فتح الباب شويه عشان ينسمع صوته ورفع صوته يقول: ياااا اممم رايددد
ورود دق قلبها من سمعته صوته ورسمت على وجهها ابتسامه خفيفه ونجد كانت تطالع فيها وموسعه عيونها عليها
ام رايد بزعل وهيه ترفع صوتها: تقلع يزن مانيب جايه
يزن بابتسامه : يا خاله مريم تكلمي مع امي شويه خل تطلع لي
ام سلطان: شفيك يا مره اطلعي له
ام رايد : لا مزعلني ولد الك....
يزن بصدمه: يمه قاعده تسبين ابوي يا جماعه تكلموا معاها
ام فاروق ل البنات : حطوا الطرح عليكم خل يدخل
حطوا الطرح
وقالت ام مروان: ادخل يولدي
دخل يزن و كانت عينه على ورود وشكلها الحلو دخل وسلم عليهم وتقدم عند أمه بيسلم عليها وصدته و توقع منها جلس جنبها و قال: افا من مزعل حلوه اللبن
ام رايد لفت عليه ومسكت أذنه : وتسأل بعد ما تستحي
ام محمد بضحك: يا بنت اتركي عنك الولد وش مسوي لها أنت
لف ل خالاته وهوه يقول لهم كذا بمقام وقال: تبغاني اتزوج قبل اخواني كبر راسي
ترف وهيه تمون مع اولاد خالها : طيب تزوج وتزعل خالتي عشان زواج
يزن لف لها وخزها وجلس يحك جبينه ورفع رأسه من قالت أم سلطان: شوف يا ولدي كذا ولا كذا متزوجين متزوجين مدري وش بلاك انت واحمد عنيدين
ام ناصر: في بالك وحده طيب عشان تخطبها لك
يزن لف وحط عينه بعين ورود : ايوه حاط عيني بس بدري
ورود نزلت وجهها وحمر ونجد ابتسمت على حركاتهم
ام رايد: طيب قول منهي اخطبها لك !
ورود رفعت راسها له وهزت بـ لا بخفه ابتسم ونزل رأسه ورفعه يزن لف لـ ام مروان: مروان قالك شي ؟
ام مروان: لا يولدي
يزن قام واقف وتنهد : كيف تبيني اتزوج ومروان قال بيتزوج بعد زواج مازن بشهرين
صافيه : اما
يزن وهوه يقلدها : اما
ام رايد: اقول خل عنك البنت
ام محمد: متاكد طيب ومحمد
يزن : والله محمد رافض هوه وناصر بذات اما الباقي لو تظغطون عليهم بيوافقون
ورد : طيب تكفى اقنع محمد
لف عليها وضحك : تبين محمد يتزوج ؟
ورد لـ ورود : مو نبيه يتزوج
ورود وهيه منزله راسها : نبيه يتزوج عقبال تلحقينه
الكل : هههههههههههه
ام سلطان: وش دراك يا بنتي يمكن انتي تتزوجي قبلها
يزن وهوه ياشر على البنات: انا اقول اذا ناوين تزوجون عيالكم فهم حاطين عيونهم على ذولا
البنات حمرت وجيههم وضحك متجهه للباب وقال: يلا سلام
ام فاروق بصوت عالي : شكلك معاهم هههههههههههه
ام محمد: الله يصلحهم
الكل : امين
ام سلطان: انا اولادي تزوجوا سلطان ومازن اما احمد سهله
وجدان: ايوا والله تو الاحظ اخواني شاطرين
ام مروان : ماشاءالله سلطان متزوج من زمان
صافيه : صادقه عمتي
ترف بفرحه : يمه اذا تبين تزوجينه العروس عندي
ورد رفعت راسها ووسعت عيونها وجلست تخز ترف
ام سلطان بابتسامه: مين سعيده الحظ؟
ترف لفت لـ ورد الي شويه وبتموت خجل : رورو
الكل أنصدم واستانس
ام سلطان بفرحه : والله خير بنت الله يجعلها من نصيبه
الكل : امين
ورد رفعت جوالها وارسلت ل صافيه
صافيه فتحت جوالها وشافت رساله ورد وابتسمت من عصبيتها تقول: اختك اذا ما ماتت على يدي ما اكون ورد بنت حمد
نزلت سكر مع الدرج والكل أنصدم بوجودها راحوا الكل يسلمون عليها وجلست وقالت : كيفكم جميع
الكل : كويسين ، الحمدالله ، بخير
عقد : وينك انتي
سكر : احم مع زوجي يعني
حسناء وهيه تجلس سكر جنبها : ماعليك منها اذا تزوجت ما تشوفون الا غبارها
الكل : هههههههههههه
عقد : ماراح اتزوج ناشبتلكم
ام سلطان: كلكم بتتزوجون شوفوا سكر تزوجت ولا جاها شي وباقي معانا
صافيه: صح كلام امي
ام رايد : انا اذا تزوج يزن بـ ارتاح اما عبدالله ورايد غاسله يدي منهم
ام محمد : الله يعينك اهم شي يزن يتزوج
ام رايد : اي والله
ساره كانت تشرب مويه ونور جنبها همست لها : ممعاهم سالفه الا الزواج من زين عيالهم الشياب
ساره فطست ضحك وطرطشت المويه على ترف
والكل جلسوا يضحكون على وجهه ترف
ترف لنور وساره بعصبية: وش قلة الأدب ذي صغار انتوا
نور : شدخل صغار اعرفي تكلمي
ساره: وي بنات خلاص انا اسفه ترف
ترف قلبت لهم عيونها وراحت حمام الرجال"أكرمكم الله"وجلست تغسل وجهها رفعت راسها الا تطالع بـ أحد وراها لفت وحاصرها على المغسله حط يده على وجهها يوخر الخصله الي نزلت على وجهها وترف بتختفيي من الخجل نزلت راسها وحست بيده عند دقنها يرفع راسها شافت وجهه قريب من وجهها وطبع بوسه هاديه على خدها وبعد عندها وقال بهمس : طالعه على مين حلوه كذا خذتي قلبي بنت يحي!
ترف بجراءه : كل البنات حلوين!
عايض ابتسم على جرائتها : اثاريك ترف
ترف وهيه تقلده: اثاريك ترف
عايض قرب لها وحط شفايفه عند اذنها : لاتجبريني اسوي شي ماا ودي أسويه
ترف بلعت ريقها ولا تكلمت
بعد عنها وقال: وش معاك هنا
ترف وهيه طالعه : مالك دخل
قال بصوت عالي : اعصابك يبنت
ترف بصوت عالي: لاتحشر نفسك
وركضت جت عليهم مو موجودين في الصاله راحت غرفتها الي فيها البنات وشافت ورد جالسه هيه وسكر وهند يصلون والباقي صلوا وانسدحوا ينامون
قالت : مو كانه بدري
روان : يشيخه نامي بس
ترف : بنات تكفون
عقد راحت تجلس جنب ترف على السرير وبيدها الايباد : يلا نتفرج في نتفلكس
ترف : خل ورد تخلص صلاه لازم كلنا
عقد : وانتي صليتي
ترف باستعجال: لا لا الحين بروح اصلي
راحت الحمام" أكرمكم الله"توضت وجابت السجاده تمدها جنب سجاده ورد وتصلي سلمت ورد ولفت على عقد : وش معاكم ؟
عقد لفت عليها : بنتفرج فلم تعالي
ورد : تم
عقد : بس تخلص ترف
خلصت ترف وسلمت وعلطول نطت على سريرها جنب عقد وورد
عقد : بسم الله علينا
لفت ورد لـ صافيه الي تغمز لها وتذكرت نطت على ترف تضرب فيها وتكفخها تكفيخ وبعد ما خلصت منها لفت ترف بها بصدمه
عقد : وش فيك انتي انجنيتي ؟
ورد : يحمار كيف تتكلمي زي كذا ها
ترف طاحت تضحك في حضن عقد وعقد فهمت السالفه وجلست تضحك معاها وطاحوا ضحك البنات الباقي
ورد بعصبيه: مافي شي يضحك بنات
صافيه بضحك : خلاص يروحي امي حطتك في راسها
ورد : ما ابغى اتزوج قله حيا انتي وهيه
عقد : خلاص تعالي تكفين لاتخربين الجو عادي كانت في خاطرها وقالتها
تقدمت ورد تقرص عقد في فخذها وهيه تقول : ذي لك لما تكونون مكاني تعالي شوفي كيف ودك الأرض نتشق وتبلعك
ترف قامت تحتضنها : اسفه والله بس كنت ابيك تتزوجين اخويه
عقد بزعل : قله حيا
ترف جلست جنب عقد وغمزت لها : لو مازن ماتزوج روان كان زوجتك اياه
روان رفعت راسها وخزته ورجعت تنام
هند : تصبحون على خير
الكل : وانتي من أهله
هدو البنات وقاموا يتفرجون بس كان الصوت مرا عالي
البنات بصراخ : انقلعواااا براااا
ورد وعقد وترف انخرشوا وأخذوا أغراضهم ووقفوا في السيب حق الغرف
عقد : فين تروح ؟
ورد : علمي علمك
ترف : لو في مطبخ فوق
عقد : اي والله مستحيل ننزل تحت العيال تسمعين أصواتهم
ورد و ترف : اي
عقد: نروح الغرف ذي
دخلوا غرفت الكنب تربعوا في الأرض وجلسوا يتفرجون
وناموا كل الحريم والبنات ماعدا ورد وترف وعقد
--------------------
- خلص البارت العاشر اتمنى تدعموني بنجمه 🤍-
--------------------
اهلين حلويني بارت مكافاه لكم قبل العيد وطبعا اكيد بعايدكم ببارتات جديده " كل عام وانتم بخير وصحه وسلامه " اعايدكم من الحين عشان لاتقولون ما عايدتكم استمتعوا 😢🤍.
