"اليوم المنتظر يوم العيد"
" البارت جرئ 🌚."
الكل كان متحمس ويشتغل بحماس، العيال كانوا عند الحلاق يرقصون ويتصورون ويتمشون في الحاره حقتهم ، اما البنات كانوا يسمعون اغاني ويرقصون شرقي ويتمكيجون ويتظبطون ويتصورون سناب ويرسلون لكل الناس بفرحتهم للعيد، في اليوم ذا يوم غير عن باقي الايام، يوم مميز كثير، بعيد سعيد فرحتهم كانت غير كل شي كان منظم ريحت البخور في الفيلا العطور صوت التلبيات وصوت الماذن يوم حلو جد ، في الصاله الحريم يسولفون ولابسين اجمل الملابس وقدامهم حلويات العيد والشاي وصوت ضحكاتهم وسوالفيهم ماليه الفيلا من جمال سواليفهم واطياف الي محليه الجو بلبسها الابيض وشنطتها الورديه وشعرها البني القصير الي متميزه فيه تروح عند جدانها وتسلم عليهم وتعايدهم ولازم عيديات ، الصاله المقابله جالسين فيها الرجال الكبار جالسين يسولفون عن الماضي والشركات والأراضي وعن فرحت العيد السعيد الي يزورهم مره كل سنه وعن اطياف الي تخرب عليهم جو السوالف وتطلب كل شوي عيديات .
--------------------
"عند البنات"
قرروا يجلسون في نفس الغرفه يتجهزون ونصهم يتجهزون والنص الثاني يرقصون وجلسوا يسولفون ويضحكون وصوت الاغاني ماليه الغرفه صوت استشوار الشعر المكياج الي مالي الغرفه فساتينهم المعلقه في كل مكان كعوبتهم اكسسواراتهم حطوا اغنيتهم المفضله وكان صوت صافيه احلى واحد اعتلى صوتهم في الغرفه :
مـثـل الـوطـن اغـفر ولا اقـول لـك بـس
كـيف الـوطـن يحـي بـلا شـعـب وجـنود
عـند الـعـرب عيدين واعـيـادنـا
عـيد الفـرح والـشـوق والـحـب لـك زود
❤️❤️❤️❤️❤️.
ترف بحماس من صوت صافيه الحلو: عشتيييي
ورد بإعجاب: صوتك فن فن عدا
عقد : يحظ من يسمع صوتك اربع وعشرين ساعة
وجدان وهيه تحصن صافيه: قُل والله احد
ترف خزتها : اقول اخر وحده اعطيها عين انا
وريف: بنات مو وقتكم
ورود بحماس: شوفوا عندي فكره كل وحده تاخذ لبسها وتدخل الحمام" أكرمكم الله"وكلنا بنكون عند الباب لما وحده تطلع نصفق لها ونمدحها
نور : انا متاكده ان ترف احلى
ساره: صراحه مو حسد او غيره لاكن ترف حلوه منجد
الكل : نتفق
وريف : يلا قو
روان : سكر انتي اول وحده
وجدان بغمزه : انتي وبعدين سكر لانه أزواجكم برا ينتظروكم حبايبي
سكر لفت لها: اص انكتمي وبعدين مين قال بطلع
صافيه ضحكت
ترف :يلا خلصونا يالمتزوجات
روان: خلاص انا بدخل
صافيه وهيه تطالع سكر : انتي بعدها حلو
سكر رفرفت بعيونها
دخلت روان والبنات كلهم ووقفوا عند الباب طلعت روان بطله حلوه فستان احمر قصير فوق الركبه من فوق ضيق ومن تحت منفوش بـ اكمام طويله وشعرها الي رافعه لفوق وحاطه طوق احمر لماع
البنات بصوت عالي وباعجاب: يحظظظظ مازننننننن
روان استحت : وجع بنات
ترف صورت روان من غير ما تدري ورسلتها لـ مازن رغم أنها عارفه لو عرفت بتقتلها
مازن بخقق: يلعن شكلها فاتنه
ترف: تقلع بس
وسكرت وجلسوا يمدحونها البنات لفوا البنات لـ سكر وسكر عرفت دخلت وجلست دقائق وطلعت كان فستانها بلون السكري تحت الركبه بدون اكمام فارده شعرها ومسويته من تحت ويفي ومكياجها البسيط
ترف : يحظ اخواني يناس
وجدان: كيف مستحملين
صافيه: اخخخ لو اجلس اتمامل فيهم من اليوم لبكره ماراح اطفش اخواني كيف
ورود : محمد اخوي انت وراسك المثلث كان تزوجت ولقيت لك بنت حلوه
ساره : ايوا والله
سكر وهيه تحرك يدها : هيه انتوا موجودين
نور بضحك : موصاحين.
وريف :منجد
نجد : عاد اخوكم سرق اختنا
ترف : بالله جاها بالحلال واختك هيه وافقت
عقد : هههههههههههه صح
وريف: الحين مين ؟
وجدان:انتي صافيه
صافيه: ليه انا
روان: انتي بعدي يلا
دخلت صافيه وجلست مده قصيره وطلعت وكانت لابسه فستان ازرق طويل بفتح طويله و اكمام طويله وفتحت صدر رابطه نص شعرها والنص الثاني مفرود
نور : اححح تجنني
صافيه بابتسامه بانت غمازاتها : منجدد
وريف : انا اتكلم عن الغمازات ولا عن الجمال
سكر : منجد صافيه تجنني
صافيه : حبايبي انتوا والله
ترف : انا بدخل تحمست
عقد : يلا ها
دخلت ترف ومن الحماس خلصت بسرعه وطلعت والبنات مصدومين لأنها طلعت بسرعه ومصدومين من جمالها الي كل يوم يزيد وقالت وهيه تدور بفستانها الاسود القصير كان من فوق لين تحت ضيق و بـ اكمام طويله رافعه شعرها ومطلعه لها خصلتين : وش رايكم بنات ؟
ورد : لا انتي مو ترف
ترف ضحكت
عقد وهيه تقول ل ورد : بالله اضربيني شكلي بحلم
سكر : لو معك زوج مات في نفس اليوم
الكل: هههههههههههه
ترف : بسم الله على زوجي المستقبلي
نور : عشناااااا
وريف : يلا دوري
ساره : يلا
دخلت وريف وجلست دقائق وطلعت بفستان زيتي من تحت طبقات من فوق ضيق وشعرها مجتلدته على ورا بطريقه حلوه وحاطه بين كل جديره فراشه بلون الزيتي
نور مسكت قلبها وقالت : بسم الله على قلبي من كثره الحلوين
وريف بخجل : يوه منك نور
ترف وهيه تحتضنها : تجنني يروحي انتي
صافيه : اي والله
روان دق جوالها وصرخت : بناتتت مازننن
سكر : شفيك خايفه مو ماكلك حبيبي
عقد : ردي وحطي اسبكر
روان : طيب لو قال كلام مو حلو
ساره : نتعود من الحين
روان : طيب بسم الله
ردت روان وقالت : هلا
مازن : هلا ؟
روان : وش
البنات هنا كانوا ماسكين ضحكهم
مازن : داق عليك تقولين هلا
روان : ما انتبهت للرقم
مازن: بمشيها لك عشانه عيد
روان بهمس : غصب عنك
مازن: وش قلتي
روان ب إنكار : ولاشي
مازن : طيب اطلعي لي
روان رفعت راسها للبنات والبنات جالسين يهمسون لها توافق
روان: باقي ماخلصت
مازن : انزلي انزلي عارف انك مخلصه
روان : كيف يعني عارف؟
مازن بسبب رساله ترف الي جاته : كذا جاني احساس
روان: اهاه
مازن: والحين بتنزلين ولا كيف
روان: طيب بنزل
مازن : يلا استناك
روان قفلت في وجهه
روان للبنات: ماراح انزل
صافيه: تمزحين صح
روان: لا ما امزح
وريف : اقول يلا نطلع
لبسوا البنات وخلصوا
" بس وصفت لبس البنات الي راح يكون معاهم مواقف 💃"
وطلعوا برا في الصاله الي كانوا بس متواجدين فيها الحريم ولأنه الجيران كانوا معزومين كان ولا احد من الرجال موجودين
--------------------
"في الصاله"
كان المكان معتج بـ اصوات الاطفال ولعبهم ومعايدات الحريم والبنات والسوالف الي ماليه المكان من جمالها ، فجاه لفوا من دخلوا حرمه وبنت والبنات كانوا منصدمين أنه لو تطلع ذي عمتهم ،
غاده بصوت عالي: السلام عليكم
الكل : وعليكم السلام ورحمه الله وبركاته
تقدمت ام سلطان منها وهيه كانت عارفه هي وباقي الحريم : ارحبي تراحيب المطر نورتي والله ديارنا ام نوف
غاده وهيه تسلم على ام سلطان خدادي: البقى لمن يرحب والنور نورك ام سلطان
لفت ام سلطان لنوف الي تبلغ من العمر ١٩ سنه : اهلين والله وكبرتي وصرتي عروس والله
نوف بخجل : اهلين فيك خاله
تقدمت ام مروان: نورتي والله ام نوف
سلمت عليها غاده : بنورك يروحي
تقدمت ام ناصر بابتسامه: مابغينا نشوفك والله
غاده بضحك: هاذا انتي شفتيني
سلموا على بعض لفت ام سلطان للبنات : تعالوا سلموا على عمتكم وبنتها نوف
لفت غاده للبنات وكانت مصدومه من جمالهم تقدمت صافيه تقول بابتسامه: نورتي عميمه
غاده بنفس الابتسامه : بنورك يروحي،انتي مين ؟
صافيه : انا صافيه بنت يحي الكبيره
غاده: ماشاءالله تبارك الله عروسه
خجلت صافيه وسلمت على نوف ورحبت فيها
تقدمت وجدان تسلم : نورتي عمه غاده
غاده : بنورك يروحي مين انتي
وجدان بابتسامه: وجدان اخت صافيه الوسطانيه
غاده : اهلين والله والله بنات اخواني كبروا
ام ناصر : شايفه كيف
غاده : فين الصغيره يحي عنده ثلاث
تقدم ترف الي كانت احلاهم وغاده ماتوقعت ولا واحد بالميه أنها ترف ،ترف بابتسامه: اهلين عمه
غاده : اهلين فيك حبيبتي تجنني ماشاءالله عليك
ترف : تسلمي
غاده : فين بنات احمد
تقدموا روان ونور يسلمون ام سلطان: روان زوجت ولدي مازن
غاده: ماشاءالله تبارك الله اقلكم كبروا
لفت لـ ام ناصر : فينها بنتك الوحيده
ام ناصر تأشر على وريف : قصدك وريف هاذي هيه وحيدتنا
تقدمت وريف تسلم : الحمدالله على السلامه ونورتي
غاده: بنورك
ام فاروق : ها شفتيهم
غاده : ماشاءالله بسم الله عليهم
لفت على البنات الي واقفين : مين ذولي ؟
ام سلطان الي تأشر : بنات اختي حسناء عقد ونجد وسكر زوجت سلطان وبنات اخوي عبدالعزيز هند وساره وبنات جارنا ابو محمد تذكرينه ذول بناته ورد و ورود
غاده بشبه غيره : ماشاءالله حمد تزوج
ام محمد بحده : اي تزوج وانا زوجته
غاده: زين
ام سلطان: تفضلي
غاده: ماسلمت على العيال
ام ناصر وهيه تمشيها لصاله: لاحقه عليهم دخلوا سوا وجلسوا يسولفون مع بعض وكانوا مبسوطين كثيرررر
اما البنات سحبوا نوف معاهم واستلموها تحقيق
ترف : كم عمرك ؟
نوف :١٩
نور : عمري اصغر وحده فينا
نوف: ليه كلكم في العشرين
الكل : اي
نوف: يوه محد قدي
صافيه: لا حبيبتي انتي
همس "صديقت ترف و ورد في الجامعه" : عادي ترا
ترف: هيه تحس نفسها بزره بيننا
همس بضحك: اهاه
نور : عادي اعتبرينا خوات زي همس الحين
همس: وش قصدك؟
ورد: ما قصدها شي
نوف: علاقتكم حلوه
روان : رغم أننا متفرقين
نوف : كيف يعني متفرقين .
نور : احنا في الرياض وعماني في الخبر وبعد عمي ابو محمد بس خالتي حسناء وبناتها في الشرقيه هنا
نوف: حلو والله
ساره: اي الله
ترف وقفت وشغلت السماعه : يلا بدون لا
الكل قاموا يرقصون وتعبوا راحت وريف تجيب لها مويه وكانوا في بنات في المطبخ جلست على الطاول شربت مويه وجلست على جوالها تتفرج
فجاه لفت تسمع صوت مروان يقول : في احد
البنات خقوا على صوته وكانوا جيرانهم
البنت الاولى: سمعتي صوته يجنن
البنت الثانيه : اييي تكفينننن
لفت لهم وريف بغيره وقالت بدون ماتنتبه: اطلعوا برا
البنت الاولى: ليه؟
وريف بغيره: خطيبي !
البنات رفرفوا لها بعيونهم وقال مروان بهدوء: ادخل ؟
وريف : ادخل
دخل المطبخ وشافها جالسه على الكرسي مسويه نفسها مو شايفته راح لثلاجه طلع منها مويه للعيال وحطها على الطاوله وراح لها ووقف قدامها بدون ما يقول شي ، رفعت راسها تطالع فيه باستغراب او تسوي نفسها مستغربه وقالت : نعم؟
مروان حط يدينه على حواف الكرسي يحاصرها ويقرب منها وقال: انا خطيبك ؟
وريف ماردت
قرب وباسها وبعد عنها وهوه للحين نفس ماكان قالت له بعصبيه: خير تسوي زي كذا
مروان قرب لـ اذنها يهمس لها : انا خطيبك اسوي الي اسويه
وريف: تمزح صح
مروان: لا
وريف: بعد
مروان بعناد : ماراح ابعد وش بتسوين؟
وريف : وش عندك
مروان: ليه قلتي اني خطيبك؟
وريف : اهاه عاجبك أنهم يمدحون صوتك صح
مروان: الصدق عاجبني
وريف : حلو بالعافيه
دفعته وجت بتطلع مسكها من يدها يدفعها على الدولاب الي وراها وحط شفايفه على شفايفها بادلته بعنف لدرجه نزفت طرف شفته بعد عنها خطوه ويحط اصبغه على شفته وابتسم على جنب وقال: عنيفه على شخصيتك
وريف : باقي ماشفت شي
مروان ضحك : باقي بشوف !
وريف : لاتنسى ذا الشي
وريف تقدمت بجراءه تمسك شعره من ورا تقدمه لها وحطت شفتها على شفايفه تُقبله بعنف بادلها بهدوء فجاه ينفتح الباب و وريف ومروان يبتعدون عن بعض بسرعه نور : وش تسوون ؟
وريف : كنت اشرب مويه
لفت على مروان تسمع إجابته
لف لها وقال: مالك دخل
وطلع من المطبخ ولف لـ وريف وغمز لها وهيه نزلت راسها من الخجل الي جاها ، نور اخذت مويه ولفت لـ وريف وقالت : بتجلسين في المطبخ؟
وريف ابتسمت : تخيلي
نور وهيه تسحبها يلا
طلعوا برا المطبخ وكملو ضحك وسوالف وطبعا ماننسى اللقافه حق البنات في الاساله لنوف وبعدين يكملون رقص وضحك مع بعض
---------------------
"عند الرجال "
مسوين خيمه كبيره برا في الحوش الكبير الانوار مشغله من كل مكان وريحت القهوه الس ملت المكان المعايدات وذكر ربي في كل زاويه الرجال جالسين في جِهه والعيال في جِهه وانواع السوالف والضحك مع بعض نطق منصور صديقهم بضحك: ما انسى يوم طاح عايض قدام سلطان وسلطان غصب ماسك الضحكه
الكل طاحوا ضحك هستيري
سلطان بضحك: بوقتها ودي اضحك بس قلت بتطير الهيبه
عايض ابتسم وهوه لما يصير معاهم تطلع شخصيته الثانيه : والله انها طيحه ماقد مريت فيها بحياتي
ناصر ببرود : تكبر وتاكل غيرها
يزن وهوه يضرب كتف راكان : ليتك طالع على اخوك
احمد بصوته الرجولي: لو يطلع عليه ماشفنا أسنانه
مازن لف لـ ناصر : يخوك احد مزعلك بشي
ناصر ببرود : ماعاش من يزعلني !
الكل : والنعم
رايد : أجل وش فيك ؟
ناصر اعتدل في جلسته يلف للعيال: ياخي امي زعلانه مني تبيني اتزوج !
مروان: مصريرنا نتزوج ترا
احمد لف له : اول مره يطلع من كلامك شي صح
عايض بضحك: صدقت والله هههههههههههه
سلطان لف لهم بجديه: انا يوم تزوجت تغيرت عليكم بشي؟
الكل هزو روسهم بـ لا
سلطان: شوفوني متزوج ومستانس عندي بنت والثاني بطريق
عبدالله: اسلمممم
مازن: بصير عم مرا ثانيه
عايض : لحظه إدراك حيطتوا على كلامه حجر وركزتوا على الثاني بطريق
ناصر ابتسم : عشت
سلطان: تزوجوا
لف لمروان : اي باقي مقرر ولا كنسلت.
مروان: لا للحين
يزن : قررت اتزوج
رايد وعبدالله بضحك: الي مزعلها هههههههههههه
مازن: والله خالتي ذي مصيبه
عايض وهوه يطالع عبدالله ورايد: انتوا الكبار
رايد: لاتطالع ماني متزوج
منصور: والله عايلتكم مشكله
محمد فتح جواله وشاف أنه لازم يكون في الدوام بعد أسبوعين وقال بهمس سمعه ناصر ومروان : وجع
ناصر ابتسم ببرود : عادي عادي
محمد لف له : عادي ها لو ماتقوم من وجهي صفقتك
عايض: عسى ماشر
مروان بضحك: محمد طلبوه بعد أسبوعين
يزن وراكان واحمد: القمممم
فاروق: اكلتها من البزارينن
منصور: ليه تنادوهم بزارين ؟
احمد: شايف كيف بالله
سلطان ابتسم: عشانهم اصغرنا
منصور لف لهم : كم اعماركم؟
يزن: ٢٦
منصور: باي شهر ولدتوا؟
يزن : ٨
راكان :٨
احمد :٨
منصور بصدمه : تمزحون يارجال حشى معادها مصادفه ذي
الكل : هههههههههههه
عايض ابتسم : اذكر الله
منصور : ماشاءالله تبارك ماقلنا شي الصدق
ابو مروان بصوت عالي : مروان قم صب لرجال
مروان قام ولف لهم وهوه مبتسم : ابوي لازم يذكرني اني رجال هههههههههههه
احمد رفع راسه : يعني انت مو رجال !
مروان: احمد قسم بالله لو ماتسكت الورع ذا
راح مروان ولف احمد لـ عايض: اخوك شخصوني
يزن بضحك: شخصوني هههههههههههه
راكان ابتسم: خل عنك التقليد
ناصر لف لهم وهم جالسين جنب بعض : لو تسكتون كلكم يكون احسن
سلطان لف لـ اطياف الي جت جري وارتفع صوته : ارحبيي يا بعد حيي
ارتمت بحضنه ونزل راسه لها : وش فيه خشمك؟
اطياف بلغه اطفال: وش هو خشمي!
منصور لف لهم وضحك : شكلك مربيها مع الشياب
سلطان لف له : ذا مازن
اطياف: بابا ماما تقولي اني مو شطوره
سلطان: افا ! وزعلتي
اطياف هزت راسها ،سلطان وهوه ياشر على خشمه: على ذا الخشم اذا ما رجعت حقك
احمد: بروح الحق عليها احذرها ما تطلع لك
سلطان اشر عل احمد وقال لـ اطياف: تشوفين ذا لاتقولين له عم قولي له احمد
اطياف قامت من حضنه وراحت حضن احمد : لا بابا عيب عمو احمد طيب
الكل: هههههههههههه
يزن : يزينها سلطان
عبدالله: طالعه على احمد
راكان وهوه ياشر على ناصر الي واضح عليه نايم حاط شماغه على راسه ومنسدح : شكله نام
احمد بخبث : اعرف اصحيه
راكان ويزن : شاهدين مالنا دخل
رايد ابتسم : خوافين اكتشفت أنه له هيبه عندكم.
احمد وهوه يهمس لـ اطياف وقامت اطياف ودخلت
سلطان لف له : احمد لا تدخل بنتي في مشاكلك
احمد : يخوي مالك شغل فوجهي
محمد : اي بوجهك الي بيمسحه لك في الأرض ناصر
احمد : انكتم خل اشوف شغلي
شاف جواله يدق
مازن : شكلك ما فهمتوا عليها
احمد رد : هلا بـ اختي حبيبتي
صافيه : يحمار وش ناوي عليه
احمد بعصبيه: مين الحمار !
صافيه بخوف : طلعت من لساني بلغلط
احمد : عطي اطياف الي قالت له
صافيه : بينكب عليها
احمد : حطي لها في مويه صحه
سلطان همس : يا احمد
احمد لف له وهمس : ياخي فكنا منك
صافيه : طيب انقلع
وسكرت بوجهه واحمد انصدم
لف له راكان : شفيك
احمد لف لـ مازن : اختك الكبيره عمرها قالت لك انقلع ؟
مازن: قصدك صافيه؟
احمد : وفي غيرها كبيره
مازن : لا بس تقولي ترف
سلطان ضحك : تعجبني صافيه فيك
احمد لف له بعصبيه : بس ترا ابقى اكبر منها اذا ما مسكتها ما اكون احمد
مروان رجع وجلس : تكسرت رجولي
فاروق : يعجبني
مروان نط عليه وهوه يضحك وفاروق يضحك عليه
يزن : اقول مو وقت مزحك
جت اطياف جري ومعاها مويه ملونه بلون الازرق ولسوء حظ ناصر لابس ثوب ابيض راحت عند عمها احمد الي ابتسم لها ولف سلطان له يناظر ابتساماته وقال : الله يستر منك احمد
محمد : اي والله الله يستر
راكان: زي ما قلت مالي دخل
احمد ضحك بصوت عالي والكل ضحك عليه ولف لهم من شاف ناصر بيقوم : وجع انكتموا
أخذ المويه وجلس قدامه ولف لهم وابتسم وخر بـ الشماغ وكانت مفتوحه المويه رش المويه عليه وقام يركض يوم شاف ناصر جلس جالس من الصدمه لف لهم شافهم مسوين نفسهم ما يشوفون ولف لـ راكان ويزن يطالهم
يزن بخوف: لاتطالعني كذا
راكان: وانا بعد مالي دخل
لف لهم وقال: شاهدين صح
هزوا روسهم بـ اي
أخذ العقال وركض ورا احمد الي كان واقف وكان اسرع منه وقدر يمسكه عطاه ثنتين نسته عمره وراحوا العيال لهم يفرقون بيهم كلهم عصبيين ولا راح يتفاهمون ناصر وهوه يحاول يفك نفسه من عبدالله وسلطان الي ماسكينه : فكوني والله ما اخليك
عايض لف لهم : خلاص مبزره ترا
ناصر بعصبية وصراخ : اسكتتتت ما ابغى اسمع صوتك
احمد بعصبية: الااا بتسمعه وأعلى ما بخيلك اركبه
سلطان: يرجال هدو قد الشياب ينادونا
عبدالله لف لناصر بابتسامه : نصوري بس فضحتنا
ناصر: قسم بالله لو ما تنقلع لا اقلع عليك قال اش نصوري
يزن وراكان كانوا بحاله ضحك هستيري من شكل ناصر الي تلون بـ الازرق وشكله كأنه مارد لف لهم احمد وهدي وعرف سبب ضحكهم وضحك معاهم ويوم شافهم الكل ضحكوا ضحكوا عليهم لانه منجد موقف لا يحسد عليه
سلطان ابتسم: والله توقعنا كل شي الا انك تتلون بـ الازرق
رايد ضحك: كأنه المارد الازرق تذكرونه
مروان: بالله من ينساها
ناصر ابتسم ابتسامه خفيفه وشافها راكان اخوه وقال بصراخ : ناصرررر ابتسمممم
الكل : عشت والله
جا ابو مروان والكل اعتدل بوقفته وقال : انتوا رجال
انتوا وش ذي التضاحيك والكذب بدال ما الواحد يجي يجدد الدلل و يقهوي واقفين لي تتمضحكون
سلطان: سم طال عمرك
ابو مروان: انكتم
سلطان ابتسم وسكتت
لف ل ناصر وقال : ابو ابراهيم
ناصر ابتسم : خرشتني!
ابو مروان بالجيزاني : مالك مسوي بنفسك كذيه !
احمد: انا السبب
يزن : زين انك اعترفت بطل تعجبني
ابو مروان: يلا قدامي لا العن خيركم الحين
رجعوا يجلسون ومرت دقائق ودخل مع الباب رجال في بدايه الثلاثين طويل وعريض وطبعا حلو وكان يشبه ابو سلطان! ، لف لهم وشافهم جالسين وكان شويه متوتر ارتفع صوته يقول: السلاممم عليكمم
الكل بصدمه : وعليكم السلام
قاموا الكل واقفين و ابو سلطان و ابو مروان و ابو ناصر كانوا مصدومين لأنهم عرفوه كيف ما يعرفونه اخوهم الرابع الي قضوا احلا ايام مع بعض كيف مايعرفون بعض نزلت دمعه من عين يحي كان اقرب واحد لو اذا عاقب ابوهم محسن كان يتعاقب معاه من كثر حبه لهم ، ونزلت دموع محسن من شاف دموع اخو قلبه وصديقه ورفيق قلبه كلهم كانوا اخوان وفيين لكن يحي غير غيررر عن أحمد وعمر لف وشاف الاولاد وميز من بينهم ناصر ناصر كان أكثر من ولد اخو له كان كل روحه ناصر رغم أنه كان مروان وسلطان ومحمد وفاروق ورايد كانوا نفس العمر ونفس المكان لاكن اقرب واحد له ناصر ، تقدم ابو مروان أكبرهم وصار بينه وبين مازن خمس خطوات وقال: ارحبي يا اخو قلبي نورت الشرقيه وديارها ونورت ديار اهلك وأحبابك
مازن ابتسم وقال بصوت شجي : البقى لمن يرحب والنور نوركم
وراح له ابو مروان يحضنه اشتاق له اشتاق وهمس لـ محسن: اخ يا محسن كسرت ظهورنا
محسن ضحك: ما ينكسر ظهرك ووراك شجعان!
ابعد عنه أبو مروان وابتسم له وقال : فرحان بوجودك بيننا وعسى انك بس ما تخطي خطوه برا الفيلا!
محسن : ما اخطي ما اخطي
لف لهم وقال بصوت عالي: ما تجون تسلمون!
ابو مروان: يا ولد انت وياه تعالوا سلموا
تقدم ابو ناصر وابو سلطان يحضنونه الاثنين ويبكون من مر الايام بدون بعض يحسون بشي ناقص والحين اكتملت فرحتهم وبدل الفرحه فرحتين اخذ عايض وسلطان المسدس وطلقوا بـ السماء والحريم يو سمعوا لبسوا جلالات الصلاه عشان زينهم يطلعون لهم ويشوفون كيف كلهم يتقدمون يسلمون على محسن راحت ترف جنب امها وهمس : ماما خل نسوي زي بابا الحاره يوم يقولون أوها وجانا الضيف
ام سلطان ضربت ترف بخفه على رأسها من تقليدها وضحكت وارتفع صوت ام سلطان: أوها ونورنا محسن
الحريم : أوها
ام سلطان: أوها ونورت بين اهلك وناسك
الحريم : أوها
وغطرفوا
تقدم محسن لـ ناصر يطالعه واقف مصدوم للحين وشكله كله ازرق نطق ناصر : لاتقرب!
محسن قرب زياده: افا بس عشان لون ازرق
ناصر ابتسم : يا عم ابعد بوصخك
تقدم محسن يحضن ناصر بقوه وبادله ناصر بضحك والكل صفق والي يصفرون بعد محسن وناظر شكله ولف للعيال : مين ملعون الشكل الي مسوي كذا !
احمد عرف أنه بيتصفق رفع ثوبه على خصره وربطه وأخذ شماغه وسواء عصابه وركض يوم شافه محسن ربطه ثوبه وركض وراه وكان محسن اسرع طيحه بالأرض وجلس على بطنه ولف لـ ابو سلطان: ليه ذا للحين خبل
ابو سلطان ضحك وهوه ياشر على راكان ويزن الي يتخبون: بسبب ذولا لو ماهم موجودين تزين
محسن : افا يزن وانا احسبك عاقل
يزن : وانا وش حشرني فيهم انا العاقل لاكن كلهم من عرق واحد
راكان وهوه يضرب كتف يزن : مسوي طالع منها
احمد : يا عم توي متقهوي !
محسن نزل راسه : بالله وليه تسوي كذا
احمد : بسبب اطياف
سلطان: اقول شم هوا بنتي مالها دخل
محسن قام ولف لـ سلطان: معك بنت
سلطان أنصدم: لاتقول تو تدري
محسن : تو ادري فينها؟
سلطان بصوت عالي : اطياف يا اطياف
فكت اطياف يد امها وركض لابوها وقالت : لبيه بابا
محسن ابتسم : وفصيحه لسان
سلطان ابتسم: شايف كيف ، سلمي على جدك محسن
محسن أنصدم : توي صغير
ابو مروان: والله انا الصغير عندك
محسن ضحك : افا احمد ما هقيتها
تقدمت اطياف وشالها يطلعها فوق وينزلها وباس خدها ، همست همس لـ ترف : اهلك مزيونين
ترف ابتسمت : مره حلوين
عقد : شوفي همس ابني مستقبلك معاهم كلمت كلمه رجال ما ترجع
ورد : انتوا الثلاثه لازم تكونون حولي تكفون
همس : تعالوا عندي ونتكلم مع بعض
البنات : تم
همس : لاتقولون للبنات الباقي
ترف غمزت: ابشري
لفوا من شافوا محسن قدامهم يقول : اهلين والله بزوجات اخواني أن شاءالله كويسين
ام سلطان و ام ناصر وام مروان اختلفت ردودهم بـ: الحمد لله ، بخير الحمدلله ، اهلين فيك
وكمل يقول : كيفك ام فاروق وام رايد وام محمد زوجت جارنا حبيبنا
الكل : بخير
مازن دق محسن وقال : يا عم تدري اني متزوج بنت اخوك احمد
محسن بصدمه : افا لايكون تزوجتوا ولا لحقت على أحد
الكل : هههههههههههه
ابو مروان: لا مغير سلطان متزوج ومازن مملك والباقي على الله
محسن ضحك : كويس كويس
ابو سلطان : بنات !! سلموا على عمكم
ابو مروان: نوف وينها !
تقدمت نوف تطلع من بين البنات وتروح تسلم على خوالها ابو مروان ابتسم : ماشاءالله كبرت كبرت زوجيها غاده
غاد ضحكت : توها صغيره
ابو ناصر حط كتوفه على كتوف نوف : طلعتي حلوه
نوف استحت: مشكور خالي
ابو مروان: بنت! سلموا
خرجوا البنات وتقدموا بنات يحي ابو سلطان: ذول بناتي ترف ووجدان وصافيه
محسن: ماشاءالله سبحان من سواهم
وسلم على روسهم ولف لهم : كيفكم كبرتوا والله زوجوهم
صافيه : لا عم توي صغيره
وجدان: توي صغيره توي صغيره والاخير بتتزوجين
محسن ضحك: اثاري معاكم وحده طويله لسان
احمد : مو وحده ثنتين نور بنت عمي احمد
نور شهقت وتخصرت ولفت لـ احمد : الله يجعلني الطالع منها وجدان شايفه كيف ظلمونا
الكل: هههههههههههه
ناصر : كدينا خير والله
نور : اص انت ولا كلمه
ناصر طالعها وهيه جالسه تتكلم وحس بشي غريب جداً وهمس لنفسه بضحك : طحت ولا سميت والله
محسن : فين بنات احمد
تقدموا روان ونور وسلموا وقال محسن : وينها زوجت مازن
مازن وهوه ياشر على روان : ذي روان زوجتي
محسن: ما يستاهل مازن كل ذا الجمال
مازن انصدم: عم !
فاروق: يضحك عليك اشبك
محسن: وفينها ريف قلبي
مروان سمع اسمها وشافها تمشي رايحه لمحسن وكانت رجلها طالعه مطلعه بياضها ونعومتها صد عشان لايسوي شي يندم عليه
سلمت على عمها وقالت وهيه مبتسمه: اول مره احد يدلعني
محسن: افا عمر! عنقودتك ووحيدتك
ابو ناصر حضن وريف من الجنب : تدلع تدلع عليك
ناصر ابتسم وراح عند وريف: اشوفك معاد تقرين كتاب
وريف رفرفت بعيونها: تخلي انت الواحد يقرأ
راكان ضحك
محسن لف للباقي: العذر والسموحه ماتحلون لي سلام من بعيد
ابو محمد : مطول
محسن: أن شاءالله
ابو فاروق: اجلس زياده
محسن ابتسم : احس اكثر واحد يحبني ابو فاروق والله
ابو فاروق ضحك: كلامك كثير
طلعت همس من داخل وهيه لابسه نقابها وعبايتها وكلهم طالعوها وقالت: مع السلامه نلتقي على خير
ترف : همس تكفين وعدتينا
عقد : لو تكلمتي زياده فضحتينا
ورد : عز الله انفضحنا
البنات : وش مخبين !!!
همس: شايفين كلامكم الكثير الحلو شيسوي
يزن بملقافه: وهوه صدق وش صار!
ورد وعقد وترف وهمس: انكتم
محسن: عيب بنات
همس : برسلكم كل شي
ام سلطان: ما أكلتي يا بنتي
همس : مرا ثانيه خالتي يلا معسلامه
صافيه قرصت ترف وقالت: وش صاير
ترف شهقت : نعم انتي !
ام مروان: يلا بنات ادخلوا داخل يلا
البنات لفوا لـ محسن وعطوه بوسه بـ الهواء وقال: قود باي عموا محسن
محسن ضحك: حبيت بناتكم احسن من ذولا المشافيح
ابو مروان ضحك : اجلسوا اجلسوا
كملو جلسه مع بعض سوالف وضحك وانضمت سوالف جديده وحلوه وكان الجو حلو بريحت النعناع الأخضر المـًنعش وريحت الجو والسوالف الي تفتح النفس ، دايم اذا غاب عنك شخص انسى الي حصل من اول لأنها مجرد ذكره ومجرد مشكله بسيطه فرقت بينك وينه لانه بيموت وبتعرف معنى أنه مات شخص عزيز زي محسن رجع لإخوانه بعد ما فرقتهم الظروف و فرقتهم الفرص دايم نكون ايجابيين لانه ماراح ينفع لنا من سلبياتنا شي ننسى كل شي ونبدا صفحه جديده مع شخص عزيز على القلب رغم الي صار لهم مع بعض باقي متمسكين ببعض وبيقضون وقتهم مع بعض في الفرح في الحزن والضيق والموت والفراق انسوا الي يصير في الماضي زي مانسوا اخوان اربعه كل شي وبدوا كل شي من جديد .
--------------------
اخذت جوالها تشوفه مرسل لها تطلع له المجلس اصلا الرجال كانوا برا فكان المجلس فاضي طلعت فوق تعدل مكياجها وتجدد عطرها وروجها من مده ما شافها لازم تكون حلوه قدامه رغم أنها عارفه أنه جريه مرا يسوي اي شي من غير ما يشاور أحد نزلت وشافتهم جالسين في الصاله سوالف وضحك وراحت عنده فتحت الباب شافته نايم في الزاويه ولابس ثوب ابيض وطاقيته على راسه وحاط عليها العقال والغتره على جنب توترت شويه من شكله لأكنها ذابت ذابت شكله والدقن الي محدده وعيونه الناعسه حتى وهوه نايم حلوه وحواجبه الي كانها سيف وعضلات جسمه الي واضحه من شده الثوب عليه وعرضه الي ما كانها شي عنده سكرت الباب
بهدوء وجلست عند رأسه سحبت يدها تمسك دقنه وتحرك يدها فوق تحت ، حس عليها وسحب يدها وصارت تحته يطالع جمالها وجمال عيونها وهمس : سبحان من سواك !!
وكمل يتأمل فيها يطالع عيونها الوساع وخشمها السيف والفستان الاحمر الي ذاب فيهه وفتحت صدرها توترت من نظراته وقالت : ترا توترتي بنظراتك
قال: لك كم دقيقه تتاملي فيني!
وسعدت عيونها بصدمه : كيف شفتني وانت نايم
نزل راسه لرقبتها يبوسها ويبعد عنها وطالع عيونها : احس عندي احاسيس
ابتسمت بخجل وقالت : ابعد طيب !
ناظر لها : ابعد كم يوم بعدتي عني انتي ؟
ناظرت له وضحكت تشوفه رافع واحد من حواجبه ينتظر كلمه منها وقالت: ما ادري
شاف ضحكتها ونزل راسه يبوس شفتها ويبعد ويشوف كيف وجهها قلب احمر وكيف تحاول تصد عشان ما يشوف وجهها وقال: من قبل نسافر يا شطوره!
رفعت عيونها : طيب خليتك تشتاق !
ابتسم وبانت غمازته يقول: خليتك تشتاق! حلوه ذي والله
نزل راسه يبوس شفايفها يعاتبها بطريقته هجرته وبعدت عنه هوه مو بس زايد الشوق زاد الحب و اللهفه والرغبه تمسكت بـ ثوبه تشوفه يوسع قُبله في كل مكان بوجهها وتحس بحرارة جسمها بعد راسه وهمس: كيف اخفي حبك وانا عنك تاملت وفي عيونك اشوف الدنيا واحبها!! رُمانتي!
ابتسمت له تحضنه وابتسم من همست عند أذنه: ضمني حبيبي لصدك واضمك بين ايدي!
رفع راسه يضحك وقال: ترا انتي تزيدين الرغبه
نزلت عيونها وسكتت وشافته يقرب لـ رقبتها ويحط شفايفه هناك وهمس: لو دروبك ضياع ضعت فيك وانا كلي رضا !
شدته لها وقال بهمس: روحي انبسطي بكمل نوم حياتي
بوزت بشفايفها بزعل يوم شافته يقوم عنها وتصير هيه سادحه وهوه جالسه لف لها وضحك: قومي لا يجي عمي الحين
ماردت عليه وشاف الباب ينفتح وقال بصوت عالي : ولد ! اطلع
شاف الباب يتسكر و لف لها وابتسم وقال : قومي
قامت جالسه جنبه عدلت شعرها تحت نظراته الي تتاملها لبست الكعب ووقفت عند رجلينه ورفع راسه لها شافها متخصره مد يده من ورا يلمس فخذها ويطلع يده فوق وتحت وقال: بلا زعل يلا
قالت وهيه تبعد يده : ابي ورق عنب وبعد يدك توترتي !
قال وهوه رافع حاجبه : ورق عنب الحين صاحيه انتي
قالت بزعل : قول ما تبغى تروح بدون كلام كثير!
قام وهوه يتنهد يمشي قبلها ومشت وراه تشوف عرضه وطوله عليها فتح الباب وشاف يزن وقال: ابعد محارمي مو مسترين
يزن : يوه منك ومن محارمك
شاف يزن يطلع وبعد عن الباب يخليها تطلع ولفت له : الورق عنب
قال: خلاص فهمنا خشي
دخلت داخل عند البنات وهوه راح يجلس مع العيال وشويه وراح يشتري لها وعطاها وراح عند العيال يكمل سوالف هناك
--------------------
كانت جالسه في الحوش الخلفي تنتظره ارسل لها رساله وقالها اطلعي الحوش الخلفي وهيه من بعد ما كانوا في الفندق ما شافته كانت شويه مرتبكه شافت جاي من بعيد وكانت حاطه راسها وجسمها على الجدار قرب لها يحضنها بقوه وهمس لها : حيوانه اشتقت لك
سكر بكتمه : كتمتني بعد
سلطان وهوه رافع حاجبه : اشبك انتي صيري رومنسيه شويه
سكر رفرفت بعيونها: مالك دخل
سلطان: انتي وذي العيون بس ترفرفين فيها
سكر : عيوني وكيفي
سلطان دفها على الجدار بخفه وقرب منها وصاروا يسمعون انفاس بعض وقال بهمس : ماراح تعقلين انتي ولسانك
سكر ما ردت
سلطان بعتاب وهدوء : لين متى وانتي بس تجلسين تهاوشين ماصارت ذي !
سكر : يعني يوم رحت تغازل وحده صرت غلطانه
سلطان: سكر يا سكر يا روحي والله ما اطالع غيرك اشبك
سكر بدموع : ذا الكلام كنت تسمعني فيه اول ما تزوجنا والحين تسمعني فيه وعندك بنت وولد ببطني
سلطان: لاتبكين ! بكسر راسك
سكر وهيه تدفه: بعد عني سلطان
سلطان: ماراح ابعد وش تبين اراضيك فيه قولي الي تبيه بقولك تم!
سكر طالعت عيونه : بجلس عند امي شهر !
سلطان بحده: سكر ! وش قلنا احنا
سكر : ذا الي عندي وانت وش قلت قلت الي ابيه تم
سلطان بعد عنها وحك حاجبه بعصبيه ولف لها : ماراح تروحين مكان تسمعين
سكر : مين بيمنعني
سلطان بصراخ وعصبيه : انا بمنعك سكر لا تخليني اسوي شي اندم عليه سكري على السالفه
سكر بزعل : سمع الي داخل صوتك سمعهم ! ليه صاير كذا انت من متى كنت كذا قلت لك بروح عند امي بجلس عندها
سلطان قرب لها : سكر ! قلتي بتجلسين شهر تمزحين صح
سكر: مافي شي ينمزح فيه
سلطان رفع راسه بعصبيه ولف من شاف اطياف جايه وقال بهدوء: اهلا وسهلا ببنتي وحبيبتي
اطياف وهيه تشوف سكر تمسح دموعها : بابا انت زعلت ماما!
سلطان وهوه يطالع سكر الي قدامه : تدلع
اطياف: بابا ابغى اروح عند جده
سلطان: وش تسوين عند جده ؟
سكر وهيه بتدخل: ذا سوال
وتقدم سلطان بسرعه وهوه شايل أطياف يمسكها من خصرها من ورا ويدف ظهرها على صدره وقال وهوه مايل راسه على رقبتها : وبعدين
سكر تكتفت من غير ما ترد
مسك اطياف ينزلها وقال وهوه للحين حاضن سكر : روحي داخل جيبي لي حلاوه
اطياف ببراءه: طيب بابا
شافها راحت ونزل راسه لرقبتها يطبعه بِـ بوسه هناك حست بحرارة انفاسه وحراره قُبلته ولفها له يكمل على شفايفها بِعنف وقطع شفتها السُفليه وبعد عنها وقال: بعدين اتكلم معاك
لفت له تجمع أنفاسها وشافته طالع دخلت داخل على اول غرفه وشافت الشناط لقت شنطه اختها عقد وفتحتها وطلعت كونسيلر تغطي العلامه وعن شفتها ماقدرت تغطيها طلعت لهم وشافتهم يرقصون ويتنكسون وشافوا كيف يعاملون غاده ونوف بكل حب واهتمام جلست جالسه ولفت على ترف الي تسحب يدها تقوم ترقص معاها وقامت ترقص بكل فرحه رغم أنها زعلانه إلا أنه راضاها بس للحين معنده تروح عند امها لفت من قالت صافيه : بنات مين يبي يتصور ؟
البنات : تصورنا
صافيه : اوكي
شافتها تطلع ولا عرفت لوين اتجهت وكملت رقص
--------------------
"عند صافيه"
راحت المقلط تتصور دخلت وخلت الباب مردود من غير ما تنتبه عطت الباب ظهرها وبدت تغني مع الجوال وتتمايل بجسمها وشعرها ويدها فجاه تسمع صوت القصيده الي جت من لسانه لها:
فستانك الازرق يحرر تفاصيلك ،وانا اتهجااه واخونك بنظراتي
لو لم يكون اجمل الالوان ازرقها، ما اختاره الله لون للسمواتي ولو
ماوقف خصرك الناحل ورا شعري ،ماعلقت في القباب الخضر راياتي
لفت له بصدمه تطالع عيونه وتطالع وقفته ورا الباب وحاط راسه عليه يتأملها وهمس: الازرق لوني المفضل
طالعته باستغراب وناسيه زينها قدامه وهمس : ليه لما احاول اصد عنك اشوفك مرا ثانيه ؟
حمرت خدودها من كلامه وابتسم : وجهك حلو
طالعته من غير ترد
شافته يقرب منها ورجفت يدينها وقال بهمس وهوه ماشي لها : ماني مسوي لك شي
طالعته بصمت
عبدالله رفع حاجبه: بتجلسين مزهريه ؟
ابتسمت بهدوء عكس الخجل والخوف الي بقلبها
شاف ابتسامتها وراح لها وحضنها محتاج يحضن احد بذات أنه كان تعبان يحتاج حضن دافي زي حضن صافيه ، انصدمت يوم حضنها وحسن بحرارة انفاسه وحراره جسمه رف راسه يناظرها وقال بهمس : اسف
باسها بوسه طويله وعميقه من غير ردت فعل منها او صدود بعد عنها بعد مده وشافها تتنفس بسرعه لفت له وحمر وجهها تطالع نظراته عليها وابتسم منها وقال :ابيك !
ناظرته من غير استيعاب : ها تمزح صح ؟ ما ابيك !
عبدالله سحب جوالها المفتوح : مالك دخل تبيني ما تبيني براحتك لاكنك حقتي غصب
صافيه طالعت فيه رفع عيونه لها وقال : ليه قلتي عني كذا ؟
صافيه: وش قلت؟
عبدالله حاوط خصرها وقال: تقولين اني عكس كلام البنات !
صافيه وهي تحاول تفك يده: عبدالله! خلاص زودتها بعد
عبدالله طالعها: سالتك انا ؟
صافيه: سمعتهم يقولون انك بارد نادر تضحك بس
عبدالله ابتسم: بوسيني بخدي وبفكك
صافيه : لا ابعد
عبدالله: يلا ماني مبعد
صافيه: اوف اوف
عبدالله: حطيت رقمي بجوالك ارسلي لي
صافيه: تمزح انت ؟
عبدالله بشبه حده : صافيه!
صافيه ما ردت وهيه تحاول تفكك يده : عبدالله خلاص
عبدالله: قلت لك بوسيني
قربت شفايفها منه تبوسه بخده وفكها اخذت الجوال من يده وجت بتطلع مسك كفها يرجعها على ظهره وقال: ارسلي !
صافيه: اوف
فكها وراحت جري ، ابتسم ابتسامه هاديه ودخل عند العيال وهوه مبتسم يزن دق راكان يطالع عبدالله المبتسم وراكان دق احمد وجلسوا يطالعون وقال يزن : وش سر ذي الابتسامات !
طالعهم وضحك وقال : مالكم شغل
محسن طالعه بنص عين: شكله شاف له شوفه
ضحكوا الكل
رايد : نادر عبدالله يبتسم شكله والله
راكان: الله يستر
احمد : بيجي بكره يقول بتزوج
عايض ضحك : افا اقتنعت بسرعه !
عبدالله: الله يشغلكم بنفسكم
وكملو سوالف وطقطقه على عبدالله
--------------------
قام من مكانه يروح جهت الحريم يجددون القهوه فتح الباب من غير احد ينتبه وشافها قدامه لابسه اسود رابطه الشال على خصرها وتتمايل بشعرها وجسمها وترقص شرقي قدامه ماشاف من قبل زي جمالها الساحر الجمال الطبيعي الحلو العيون الوساع الجسم المرسوم رسم والخصر الي جاب راسه وهمس : ما ياخذك غيري وانا ولد احمد !
بعد عن الباب وقال بصوت رجولي عالي : بنت ! جددو الدلال
سمع صوتها الناعم زي نعومتها تقول : تمام اعطني اياها
مد لها القهوه واكيد ما استغرب أنها ما طلعت له من لبسها القصير وسحب يدها بدل سكر الباب وحطها على الباب يشد نفسه عليها وهمس عند اذنها : جبتي راسي واقصاي والله
همست: بعد ماني حليلتك
ناظرتها وقال : كل همك اني لازم اكون حليلك
قالت : انتوا مو صاحين والله
ابتسم: مين الي مو صاحي؟
ناظرته ولا ردت
وقف واقف يتامها ينسى كل شي عند ملامح وجهها نسي ابو الدلال والرجال والحريم كل أحد يطالع قدامه نعومه نعومه صوت وقلب يطالع في وحده شلعت قلبه من جمالها الطاغي ، طالعت فيه تشوفه مصنم مكانه تحركت بتفتح الباب بس تتفاجأ يوم حست بشفته على خدها وبعد وقال لها : انتي حقتي انا وبس
ناظرته بصدمه وعطته كف وقالت : لو ينعاد مرا ثانيه تنسى اسمك تسمع انا مو حقت احد ابعد
دفته بقووه تدخل وهو صحصح بعد الكف كأنه قام من نومه طويله عباره عن احلام ابتسم بخفه من كلامها وقوه شخصيتها الي يحبها دق على روان تسوي القهوه وأخذها وراح المجلس ويكمل هواجيس فيها وسوالف
--------------------
"الساعه ١٢:٠٠ "
الحريم كلهم ناموا والرجال الكبار ما بقي الا البنات والعيال لاكن كل واحد في غرفته يهوجس
"في غرفه البنات"
كانوا يبغون يغيرون المكان شويه تعبوا من نفس الغرفه فـ قرروا يروحون غرفه تحت فاضيه مافيها شي بيسوون جلسه ارضيه شالوا شبسات وحلويات وعصيرات وكانوا كلهم لابسين نفس البجامه والطرحات الي نفس البجامه ،كانوا فاتحين شعورتهم ومو حاطين مكياج نزلو ورا بعض بشويش كأنهم حراميه واول وحده كانت وجدان فتحت الباب ودخلت بدون تشوف الي في الغرفه ودخلوا وراها البنات على طول وصرخوا يوم لفوا ي فيطالعون العيال كانوا جالسين في الأرض مسوين لهم جلسه شاهي وفصفص ومكسرات وكان من بينهم عمهم محسن بصدمه : وش جابكم ؟
