"بعد مرور أسبوعين وثلاث ايام "
مازن و روان مبسوطين كثيرررر مع بعض ومازن اقنع روان أنه يكون الزواج بعد شهر وروان علمت أهلها والكل صار يدري في ذي اللحظه
-------------------
اما الباقي عايشين حياتهم في الطلعات والتجمعات مع بعض وكانوا من سوق لسوق وتعبوا كثير مع ذا السوق وكانوا الكل متفقين أنهم يروحون وهو باقي على العيد اربع ايام والكل يتواجدون في البيت الكبير
معلومات عن البيت الكبير:
" البيت الكبير ورث من الجد و الجده يوم توفوا تقسم البيت على عيالهم الي هم احمد ويحي وعمر وكانوا متفقين أنه ما يروح الا الإجازات و الزواجات والتجمعات"
--------------------
" في مجلس العم احمد *
عند العيال كانوا سوالف وضحك مع بعض ولازم من طقطقه راكان واحمد ويزن والي نعرفه مع بعض أنهم الثلاثي المرح وكانوا يطفشون العيال حرفيا
فاروق : وجع يوجعك يا احمد
يزن : عاد حدك الا خوي
راكان : اي حدك
ناصر : من زينه ومن زينكم
احمد: تراني موجود
عايض : وإذا
مازن ويوه يشرب بُن : اقول وراكم ما تنطمون
مروان : كلام مازن اسطوري ي عيال
الكل : هههههههههههه
سلطان وهوه كل ما زانت الجلسه قال كذا : انا اقول تزوجوا
مازن : متزوج يا الخطابه سلطانه 😭.
الكل : هههههههههههه
راكان: عاد منجد ذا خطابه وش تبغى فينا
سلطان: قدكم بتشيبون وانتوا ماتزوجتوا
احمد : انا ويزن وراكان برا السالفه
عايض : وانا
عبدالله: وانا
سلطان : ذول برا السالفه لاكن انتوا
مازن : انا متزوجججج لي ساعه اقلك
ناصر : وانا ما ودي اتزوج
سلطان: ليه
ناصر: عارفني عصبي
مروان: والله ياخي اجلس بدون زواج تعقد بنت الناس .
ناصر : عقدوا راسك قل امين
عايض وهوه يضرب كتف ناصر : نعم يالخوي
احمد وهوه يقوم : اقول انا بروح اقول للحريم يتجهزون عشان بنمشي الشرقيه ما نبي يجي العشاء الا وحن في الخط
محمد : خلاص تقلع
يزن : شفييك على خويييي
محمد: من زينك من زين خويك هيا انقلع من وجهي
راكان : خلاص حمود روح ذا ماراح يخليك
عبدالله: ايوه والله
طلع احمد من عندهم .
--------------------
" غرفه الحريم "
كانوا سوالف وضحك مع بعض وكانوا الحريم في جهه والبنات في جهه
ساره : بنات متى بنروح الشرقيه ؟
صافيه : مدري يروحي بس اكيد بيجون وبيقولون
روان : عاد مرا مشتاقه للبيت الكبير
ترف: اشتقتوا للمقالب حقي وانا وورد هههههههههههه
ورد : وربي شكلهم
هند بقرف: عاد محد يحب مقالبكم يع ترا
وجدان: عاد انتي اذا ما عجبتك بكيفك بطقاق
ورود : وبعدين مشغلك يسيدي فوق راسك هم
ساره وهيه تلف ل اختها : هند خلاص تراك مسختيها
هند : وانا وش قلت اقول الصدق ولا ما تحبون الصدق
ورد : نحب امصدق ما قلنا شي لاكن لو تسكتين شويه يكون احسن
هند : والله يا ست ورد مالك دخل اقول الكلام الي بقوله
نور : شوفي عاد ترا بقوم الحين اكفخك انكتمي قطع أن شاءالله
ساره : بنات خلاص شفيكم
روان : استهدو بالله
ترف : والله يروحي اختك لسانها طويل يبيله قص
صافيه : ترف خلاص قلنا ما تفهمين
وريف : خلاص بنات على شاني
هند وهيه تقلدها : عععششانيي
نور وهيه تقوم متجهه ل هند : اهاه انتي جيتيني بنفسك
وقامت عليها تكفيخ قوي وكل وحده تشد شعر الثانيه وجو الحريم وجلسوا يفرقون بينهم فرقوا بينهم سمعوا صوتك حاد رجولي : يااااولددد
الكل تفرق والكل انخرش
صافيه بصوت عالي: لبيه يا احمد
احمد بصوت هيبه : وش ذا الصراخ والنياح انتوا بقر
ترف بعصبية: مالك دخل
احمد بصوت حاد خافت منه ترف: اذا انتي بنت امك تعالي عشان اوريك المالي دخل ذي
وجدان: خلاص احمد روح
احمد: انا جاي اقلكم تتجهزون وشغلكم بعدين
ام سلطان: احمد خلاص روح بنتجهز
احمد وصوته يبعد : اتمنى
راح احمد وام مروان لفت للبنات : ياقليلين الحيا وش فيكم تتهاوشون بزارين انتوا
نور وهيه الي شعرها منكوش والمكياج ملخبط وجهها وهيه تأشر على هند الي حالتها حاله: ذي قليله التربيه ربيتها من جديد
ام فاروق : بنتي مربيه مو انتي الي تجين تقولين أنها مو مربيه
ام سلطان : يا ناس صلوا على النبي "صلى الله عليه وسلم" يمكن بس كلام بينهم سوا بينهم مشكله
ورد: بس هيه يا خاله من اول تدور حرش معانا
الكل : أبيي
ام سلطان ل هند : هند يا بنتي وش فيك
هند بدموع ودلع : يا عمه ما سويت شي ولا رحت لأحد
وريف : لاتكذبين
ساره : يمه هند هيه الي بدت
ام فاروق : شغلك في البيت يا هند
لفت ل الكل : معليش والله اسمحونا
ام سلطان: مسامحه يا ام فاروق ماعليك مشاكل بنات بس
نور : شوفي يمه عاد لو عاد تجي ذي ولا تتكلم معي ماتلوم الا نفسها
ام مروان: انا اقول اسكتي احسن ومالك دخل انتي بزر يوم تقومين تتهاوشين وش قلنا احنا
حسناء : خلاص يا حريم يلا نروح نتجهز بزارين ذول لو تتكلموا من اليوم الين بكره ما يفهمون
عقد : يمه
حسناء : وش الي يمه الحين يلا قدامي الغرفه جهزوا ملابسكم لا ادخل احمد عليكم تعرفون كيف
ترف : يا خاله ماله داعي تهديدات
ام سلطان: مالكم الا احمد انتم يلا لا ادق عليه
ورد : وي خاله مريم
ام سلطان: اص ويلا قدامي
ام محمد: والله اني حسبتهم عقال الا انهم هَبْصان » يعني مشاغبين «
ورد: وا يمه والله اننا عقال
ام سلطان: من فين لكم
ترف : يلا بنات نروح نتجهز
راحوا كلهم جري الي تنام في غرفه روان والي في غرفه نور .
-------------------
"بعد مرور ساعه"
بدأ ابو مروان يوزعهم عشانه الكبير بينهم والكل يسمع الكلمه غصب عنه
ابو مروان: وقفوا قدامي اشوف
وقفوا الآباء والعيال على جنبه اليمين والامهات والبنات على جنبه اليسار
ابو مروان : كم فيه سياره يا محمد
محمد ارتعد ورد : ثمان سيارات تقريبا يا عم
ابو مروان الي كان حرفيا متحكم فيهم : سيارات مين يا عايض
عايض وهوه ياشر عليهم : سيارتي وسياره مروان وسياره مازن وسياره سلطان وسياره محمد وسياره عبدالله وسياره فاروق وسياره ناصر
ابو مروان : حلو أجل الحين بنوزع ولا اسمع حرف
الكل : ابشر
ابو مروان : مروان هوه يشيل الآباء عشان سيارته كبيره
مروان : سم يبه
ابو مروان : كم عددكم يا ترف؟
ترف : احنا ي البنات عددنا ١٣ و ١٤ مع اطياف والحريم ٦
ابو مروان: الله يزيد ويبارك وريف
وريف : لبيه يا عم
ابو مروان : انتي وصافيه وروان و احمد في سياره عبدالله
مازن : زوجتي بشيلها معي يا عم
ابو مروان: مالك دخل بالترتيب الي بقوله تسمع
وانتوا
عبدالله وروان وصافيه ووريف : تم
ابو مروان: فاروق
فاروق: لبيه يالغالي
ابو مروان : انت تشيل رايد و نجد وساره اختك و وجدان
فاروق : تم
ابو مروان: محمد!
محمد : هلا
ابو مروان: تشيل معك عقد و ورود اختك و هند
هند انبسطت مرا بذات انها تحب محمد
هند : ابشر يا عم
عقد لفت عليها واستغربت فرحتها
ابو مروان وش قلتوا
محمد و ورود و عقد وهند : تم
ابو مروان: عايض
عايض : لبيه يبه
ابو مروان: تشيل معك ترف ونور و ورد
عايض : يبه تباني اشيل معي ذول والله اتجنن
نور : ماراح تتجنن
ابو مروان"يبي احد يعترض عشان يمسح فيه الارض🤣" : وش قلتوا ؟
ترف ونور و ورد : تم
سلطان: وانا يا عم
ابو مروان: انت وزوجتك وبنتك
سلطان بفرحه: تم
سكر ابتسمت على فرحته
ابو سلطان: والحين احنا ساكتين ليه
ابو مروان : اجلسوا ساكتين
لف على العيال : مين الي سيارته فاضيه
ناصر ومازن : انا
ابو مروان : حلو انت يا ناصر تأخذ الأمهات
ناصر : ابشر يا عم
ابو مروان : مين مامعاه سياره
احمد : ياعم عادي لو اجلس مع راكان ويزن.
ابو مروان الي وافق عشانه سميه : الي تبيه يا السمي
يزن : الععببب ياااا الواسطهه القويهه🔥
راكان : اييي والله 😭.
ابو فاروق : هالله هالله بذول البزارينن هههههههههههه
الكل : هههههههههههه
ابو مروان : خلاص يزن وراكان وأحمد مع مازن
مازن بصدمه : تمزح يا عم
عايض وهوه يضرب كتفه : معوضين خير يا اخوي
ورد : ترا انا عاقله صح يبه
ابو محمد : اي عاقله بس لاصرتي مع ترف ونور تصيرين وحده ثانيه
الكل : هههههههههههه
ابو سلطان: امسحوها في وجهي
ابو ناصر : يكبرون وينسون
ابو مروان : اقول يلا توزعوا يلا
الكل راح سيارته الي العم احمد قال عنها وفي الي راضي والي مو راضي بس الشكوى لله عند العم احمد
--------------------
"سياره مروان"
كان يتسمع لسواليفهم جاه نوم وهوه يتسمع وهي سواليف شياب وخلاص قده حافظ كل كلامهم وكل شويه عادو نفس السالفه
ابوه في مكان الراكب ووراه عمه عمر وجنب عمه عمر خاله ابو محمد وجنب خاله ابو محمد خاله ابو فاروق وجنب خاله ابو فاروق عمه يحي وجنب عمه يحي خاله ابو رايد وكان مسكين في حاله 😭
--------------------
"سياره محمد"
كانوا محمد و ورود بس هم سوالف وكانت هند تسولف معاهم بأي طريقه وعقد كانت ساكته ما تتكلم مع حد بس اذا سألوها جاوبت وترتيبهم ك الآتي محمد السواق وفي الراكب ورود وورا ورود عقد وورا محمد هند
ورود : محمد انت اخذت اجازه كم يوم ؟
محمد : والله يا اختي اخذت لي اسبوعين غصب
هند بتدخل: ليه؟
محمد : عشان الشغل صار صعب وكذا
ورود : حلو ترا ما عليك
محمد وهوه يطالع في عقد من المرايه: اي اي
هند انتبهت ل نظراته وعصبت وقالت: محمد الطريق انتبه
محمد استغرب من حركتها وما رد
ورود : عقودي حبيبي شفيك ساكته
عقد : احس اني مصدعه مدري لاني ما نمت كويس
محمد : اسمها عقودي؟😭
ورود ضحكت و عقد ابتسمت ابتسامه خفيفه وهند تغلي نار ليه يسأل عن اسمها
عقد : لا اسمي عقد بس تدلعني عقودي
ورود : عاد لو تغيري اسمك ل عقودي يصير حلوو
محمد: بالعكس عقد احلا
هند بغيره : احس اسمها عادي مافي شي حلو
ورود تبي تغثها : الناس اذواق وبعدين مين سماك هند احس اسمك الي عادي
محمد : ايوه اسم هند عادي و تلقينه نادر
ورود : اي مرا
هند : اسمي وعاجبني وش دخلك
عقد : انتي الي جيتي لها
هند : اقول اص ترا صايره ما تنبلعين
ورود : عقد بتسكتيها ولا اكفخها الحين
محمد : هب هب تكفخيها مرا وحده
هند : اي بتسويها
عقد : تكفون خلاص لاتعكرون مزاجي
ورود ما ردت
وكملوا الباقي سوالف من غير عقد ما تبغى تتكلم عشانها ماتبغى تعكر مزاجها
--------------------
"سياره عايض"
مسكين كان في حاله ما يعلم فيها إلا ربي كان مصدعع صداع بيفلق رأسه فلق كان طول الوقت كانوا الثلاثه سوالف وضحك وصراخ ويشغلون اغاني ما بقوا اغنيه هنديه اجنبيه عربيه عراقيه حرفيا جننوا فيه
نور وهيه تصرخ على ترف الي معاها الجوال تشغل اغاني: ترففففف تكفينننن حطييي اغنيههه ماجد المهندسس
ترف برضوا بصراخ : ايييي صححححح الله يذكرك بالخيرررر
ورد الي كانت مصدعه مرا: مالكم انتم تصعقون "تصارخون✓" راسي جنيه
عايض : يا بنت استغفري
ورد :استغفرالله العظيم
ترف شغلت اغنيه ماجد المهندس بصوت عالييي مرا عالي وجلسوا هيه ونور وورد الي اعجبها الجو يغنون ويرقصون وعايض الي محتاسسسس
بعدين طفى المسجل ووقف السياره وقال بعصبيه وصوت حاد : قسم بالله العلي العظيم لو اشوف وحده تتكلم ولا تنقط بحرف يويلها وهذا انا تكلمت
هجدوا البنات لانهم من جد خافوا منه ومن نبرت صوته وكمل الطريقق
--------------------
"سياره فاروق"
كان وهوه ورايد سوالف وضحك وكان فاروق مهو منتبه ل نظرات رايد الي على ساره الي مليانه حزنن
وكانت ساره تحاول ما تبكي لاكن خانتها دموعها وبكت بصمت ومحد منتبه لها رايد شاف دموعها وجاه ضيق وش ضيق كثير
وجدان : فاروق الله يصلحك حد اغاني
فاروق : لا بصدع
نجد : ياشيخ عادي اشرب لك حبتين بتصير كويس
فاروق: اوو نجد تتكلم
رايد ضحك بضيق : شايف كيف مصلحه
وجدان : والحين بتشغل يا ولد الخال
نجد : تكفى يا ولد الخال
فاروق : اذا ساره وافقت شغلت
ساره هنا مدري شتسوي اذا تكلمت بانت بحت صوتها وضيق صوتها
وجدان الي كانت جنب ساره : ساره تكفين وافقي
نجد : اي تكفين
فاروق لف وجهه لهم وطاحت عينه بعينها وكأنه شاف الدنيا فيها حس ب احساس اول مره يحس فيه ونجد استغربت نظراته واستحت ونزلت راسها وفاروق كمل سواقه وهوه محتاس
ساره ببحه : اي شغل
فاروق باستغراب: شفيه صوتك تعبانه
رايد : اي صوتك في بحه
ساره حطت عينها بعين رايد : مافيني شي
وجدان: متاكده
ساره : اي
وجدان لفت ل نجد: شفيك بعد انتي سكتي
فاروق ابتسم ونجد شافت ابتسامته وقالت : اوف لازم اتكلم
فاروق : اي تكلمي
نجد : يصير خير
رايد : فاروق اذا شفت سوبر ماركت وقف
فاروق : ابشر
وجدان: والله جبتها يا رايد
رايد : اعجبك
نجد: فاروق
فاروق بدون وعي: لبيه
نجد استحت وقالت: شغل لنا اغنيه
وجدان: اي يلا
فاروق : ساره
وجدان لفت عليها وقالت: يعمري نامت
فاروق شغل اغنيه هنديه
نجد : هالله هالله
فاروق : اص بس
وكملوا طريقهم ورا سياره عايض "طبعا ورا بعض هم سيره"
--------------------
"في سيارة عبدالله"
كان عبدالله ساكت بحكم محد معاه يسولف معاه ف الاخير قرر يسألهم
عبدالله: خلصتوا الجامعه؟
البنات استغربوا سواله
صافيه : انا ذي السنه خريجه
عبدالله: بالتوفيق كم سنه
صافيه: سنتين
عبدالله : ماشاءالله حلو والله وانتم
روان: مثل صافيه
عبدالله: كيف تتزوجي وانتي باقي ما خلصتي
روان : عادي يعني
عبدالله: صح بس لما تجيبي اطفال بتتعبي
روان : لا ما عليك من اول سنه زواج ماراح اجيب اطفال ثاني سنه على خير
عبدالله: على خير ان شاء الله وانتي
ورود خقت على شخصيته وكلامه الهادي : ورود
عبدالله ما اهتم للاسم : في اي سنه جامعه؟
ورود : اول جامعه باقي لي سنتين
عبدالله: بالتوفيق لكم
الكل : امين
كملوا طريقهم وهم ساكتين محد يتكلم
دق مازن على عبدالله
عبدالله: لبيه
مازن : يا المروح جب زوجتي
عبدالله: اقول تلايط
مازن: جبها
عبدالله: روح كلم عمي احمد وتعال وسكر في وجهه
قال لروان وهوه يضحك : زوجك خبل يقولي جب زوجتي
روان بضحكه: مو من جده
صافيه: مسكين اخوي مدري وش سويتي فيه
عبدالله: ما سوت فيه شي بس هوه مطيور
الكل ضحك
وكملوا طريقهم بهدوء تام عكس سيارات الباقي
--------------------
"سياره سلطان"
كان مستانس حيل بس هوه وزوجته وبنته وكانوا سوالف بهدوء واغاني بهدوء وكل شي بهدوء
سكر : لو جبنا ترف معانا ماعرفنا طعم الراحه
سلطان ابتسم: شفتي كيف
سكر: اي هههههههههههه
سلطان مد يده وشبكها في يدها وقال: ما اشتقتي لي ؟
سكر : الا شدعوه
سلطان: بسالك طيب ؟
سكر: اسمعك
سلطان: ودي بطفل ثاني !
سكر استحت ونزلت راسها
سلطان: والله ودي من اول بقولك بس مافي مجال واتمنى تبطلين المانع
سكر : بس خايفه
سلطان: رجعنا للخوف مرا ثانيه ماعليك
سكر : مدري بس خايفه
سلطان: خلاص بعدين نتكلم في السيره
سكر: طيب
وشغل اغنيه وجلسوا يتسمعون
-----
"في سياره ناصر"
الحريم حشروه حشر في الزواج كره الزواج وسيرته طول الطريق وهم زواج زواج تعب
ام ناصر : والله العظيم اني كملي اتكلم معاه يا ناصر بخطب لك وهوه مو راضي
ام سلطان: مايصلح يا ولدي لازم تتزوج
حسناء: الله خلو الولد في حالوا يبغى يتزوج ولا ما يبغى
ام محمد: لا لازم يتزوج حتى محمد بزوجه باقي له سنه ويصير ثلاثيني وهوه ما تزوج
ناصر : كدينا خير والله
ام فاروق: يا ولدي تزوج وريح امك
ام مروان: اي والله ماشاء الله البنات كثير
ام ناصر وهيه تغمز له : في وحده في بالك اروح اخطبها لك
ناصر أول ماطرت في باله نور: في بالي وحده بس مو وقته يمه
ام سلطان: عشناااااا مين المحظوظه
ناصر: لاتحاولين
ام محمد: تعجبني الثقه والله
ام فاروق: كم باقي ساعه يولدي
ناصر: باقي شوي
ام مروان: الحمدالله طفشت
ام محمد : خلاص يولدي كمل الطريق جاني نوم والله
ام ناصر : حتى انا ذو لكم قيلوله
ناصر : اي خذوا بتصدعون كذا
طبعا الكل في سياره ناصر نام وكذا ناصر عرف يسوق زي الناس وتجاوز الكل
--------------------
"سياره مازن"
كان نفس الحاله في سياره عايض بس صراخ وهواش واغاني ترفع الضغط
احمد : راكان يوجه الفقر
راكان : اقول انكتم
مازن: هيه انتوا احترموني
يزن: ليه نحترمك ؟
مازن : باقي يسأل .
احمد بصراخ : ايييي يبييي الحببب
يزن: عشنااا دام الحب يسوي كذا مابيه
راكان: والله يزين الحب قد جربتوه
احمد: ماقد جربته بس تدري احساس بس
يزن بكذب : زيييي
مازن كان ساكت ماله خلق كلامهم الي يسد النفس
تقدم قدام لين ماصار جنب سياره عايض وفتح الشباك وقال : كيف صحتك؟
عايض: ياشيخ عن أي صحه تتكلم
مازن: وراهم ساكتين وش السر.
عايض: العصبيه
مازن: العببب ابغى
عايض: اصرخ عليهم وانتهى
مازن: طيب وذحين انقلع
عايض: الشرهه مو عليك
مازن: ولا عليك
قفل الشباك وكمل الخط الي يسد النفس
--------------------
"اخيرا الشرقيه 12:00"
وصلوا كلهم مرا وحده وعايض ومازن صداع مهو صاحي مثل صداع ناصر و مروان وعباره عن الباقي مرتاحين مره
ابو مروان بصوت جهوري: الحمدالله على السلامه
الكل : الله يسلمك
ابو مروان: شفيكم يا عيالي " مازن وناصر و مروان وعايض"
عايض : مصدعين يبه
ناصر : يا عم يرضيك بالله
ابو مروان: مايرضيني بس الشكوى لله
مازن: بالله يا عمي لارجعتني معاهم
ابو مروان: أن شاءالله
مروان وهوه يرمي مفتاح السياره على عايض : انا ب ادخل انام راسي بينكسر
ابو سلطان: والشناط
ناصر: ندخلها بعدين خل نريح الين العصر
وريف: اي عمي
ابو سلطان: يلا ها
دخلو الكل للبيت والكل كان مشتاق للبيت كثير والبيت كان طابقين الطابق الارضي ل العيال والشياب وكان لهم قسم خاص تحت غرفتين وحمام ومطبخ وباب يسكر عليهم يفصل على الصاله
والدور الي فوق للبنات والحريم وكانت اربع غرف وصاله ومطبخ واربع حمامات في كل غرفه تقسموا فيها والكل نام بسلام وتعب .
--------------------
- خلص البارت الثامن أتمنى تدعموني بنجمه -🤍.
--------------------
اسفه جدا على التاخير يعني كتبت البارت وجيت بنزله انحذف كل شي حرفيا ورجعت كتبت احداث مرا ثانيه اتمنى يعجبكم البارت وكل شي فيه 🤍🤍.
