"بتجلسون طول البارت مغمضين😭"
صباح يوم جديد ، صباااح مليان رشاقه وحب وهواجيس من كل مكان ، كل وحده في فراشها تفكر بالي صار لها ، ولا وحده لها قوه تقول لوحده غيرها ،
صافيه الي مو قادره تطلع قصيده عبدالله من راسها ، وروان الي ما نست لقبها " رُمانتي" من مازن ، وسكر الي عاجزه تتخطى هواشها معاه وكيف راضاها بِاقل من عشر دقائق، وترف الي ما نست بوسته الي جت على خدها ولا نست الكف الي جاه منها ، ووريف الي قالت عن مروان أنه خطيبها وهيه تحبه من كانت بعمر احد عشر ولا نست بوساته وهمساته وذابت عنده وحيده عُمر ولا تدري بأن بِكر احمد هايم عندها ، قامت من فراشها وشافت البنات نص نايمين والنص الثاني صاحي راحت الحمام " أكرمكم الله" تروشت وطلعت لبست بجامه زرقاء كامله حرير، رفعت شعرها فوق وربطته بـ إهمال ، هيه من رقص امس جتها " دلال الشهري" ، وفي كل مره تجيها تتعب مرا ، اخذت جوالها ونزلت تحت تسوي لها شي حار يخفف عنها ، دخلت وشافته يسوي حليب شاهي ، وهمست : سو لي معاك
لف لها وانخرش من شافها قدامه وشاف صفار وجهها وقال: وش فيه وجهك مصفر ؟
نجد بتعب : تعب خفيف بيروح
فاروق جاب كاسه ثانيه يسوي لها ونطق : اوديك المستشفى ، وضعك ما يطمن !
نجد جلست على كرسي الطاوله الي متوسطه المطبخ بـ اربع كراسي ، وقالت : والله مافيني شي تعب وبيروح
تقدم يجلس قدامها ويعطيها كوبها ، ويشوفها تحتسي منه ، ابتسمت بتعب وقالت : طعمه حلو تسلم يدك
ابتسم لها: بالعافيه !
نجد طالعته: ليه صاحي ذا الوقت ؟
فاروق نزل راسه للكوب الي بيده ورفع عيونه لها ، وقال : ما احب اطول بالنوم
نجد ضحكت : منجد ؟
فاروق: ايوا
نجد باستغراب : وتصحى ذا الوقت منجدك؟
فاروق زفر وقال : شسوي بنفسي يعني ربي خلقني كذا ! وانتي صاحيه ليه ؟
نجد لفت عليه وقالت : تعبانه ! قبل شوي قلت
ابتسم : انسى بسرعه
نجد وهيه تشرب : مرا طِعمه
طالعها بنص عين : ليه تسولفين جداوي ؟
نجد رجعت ظهرها تناظره : اقرب صديقاتي جدوايه فـ نص كلامي زيها
فاروق ضحك : الله المستعان!
نجد قامت : بروح اكمل نوم ! سيو
فاروق همس : اوف سوالفها حلوه !
شافها تطلع ، قام من مكانه يروح غرفه العيال ورفع جواله يطالع الساعه الي تشير على الساعه 2:00 وهمس : باقي ساعه على صلاة العصر وذول التماسيح نايمين !
طالع لهم وراح يفتح شنطته ، يطلع له تيشرت سماوي بسروال ابيض، وكاب اسود ، يحلي شعره المربوط ، هو جميل جدا بس محد لاحظ عليه، كلامه قليل ، صوته ثقيل ، وسواليفه حلوه ، شاف باب المطبخ من بعيد ، ابتسم بخفه من تذكر كلامها معاه ، هو ما قد طول في الكلام مع احد ، هيه سواليفها حلوه تخلي الواحد يسمعها غصب ، نجد اسم على مسمى ، دلعها ورقتها وكلامها يغرق فيه، هيه من دون تتعب نفسها جابت آخرته ، بس لوهله تذكر وش صار في سلطان ، ابوها طبعه عصبي وعنيد وبايع بناته ، باي لحظه ممكن نجد تضيع من حياته وتبقى ذكره لا اكثر ، مسح وجه بيده ، وهمس : والله لأخذها وانا بِكر عبدالعزيز !
دخل الحمام ياخذ له دش عميق ، زي عمق تفكيره ، دخل تحت الدش ، وبدأ يهوجس ، هو كيف يأخذها من ابوها ، ابوها للحين عايش ، همه الفلوس وبس ، بناته لا يسأل عنهم كأنه جايبهم من الشارع ، وقال بابتسامه: عاش يوسف ! ما بقى الا هو الطعس
ضحك بخفه من سبه ، فاروق مجنون خبل ، كلامه معسول ، هو وقع وبقوه ، مستعد يسوي اي شي عشان خاطر عيونها ، هو عند عيونها يغوص ويغرق ، طاح ومحد سمى عليه ، من اول ملاحظ عليها ، كل كلمه وكل حرف هو يسمعها ، والحين تاكد من حُبه لها ، هوه ما هوجس فيها إلا بعد تفكير طول ، عشان يصدق نفسه ، ودايم السوال الي ينطرح جوا عقله ، معقوله حبيتها ؟
ضحك بقوه يكمل هواجيسه الحلوه زيه...
--------------------
" غرفه البنات"
شافت نجد جايه ، واضح من وجهها التعب ، بس تعرفها تسوي نفسها ماهي تعبانه، اعتدت بجلوسها ، وجلست نجد جنبها ، وقالت بخوف : يبنت ! وجهك مصفر
نجد بتعب : مافيني شي اشبك
ورود : انا اعرفك يشيخه قومي
نجد : لا لا تكفين
ورود : عارفه تخافين المستشفى بس ما يصير
قامت ورود تطلع عبايتها وعبايه نجد، لبست عبايتها ولبست نجد ، طلعوا من الغرفه على أسأله البنات فين رايحين ، نزلوا مع الدرج ، وشافوا فاروق جالس في الصاله ، جالس على جواله ويضحك ، يبن التقويم الازرق من ضحكه ، وغمازاته ، وحلاوة لبسه وشكله ، خقوا يوم شافوه وطالعوا بعض ووسعوا عيونهم، همست نجد : بنت ! قبل شويه جالسه معاه ما كان كذا
ورود : يويلييي
مسكت نجد يد ورود ودخلت ، وشافوه اعتدل بجلسته يطالع فيهم ، جلسوا في الكنبه الي بجنبه ،
لف لهم وقال : عسى ماشر وين رايحين ؟
ورود : نجد تعبانه !
فاروق لف لها : بس تقول مافيها شي
ورود : دايم تكذب بس هيه تعبانه جد !
نجد قامت : معايه نوم خلينا نرجع
ورود لفت لـ فاروق ، وسحبت نجد تجلس : تشوف ؟
قام وسحب جواله ومفتاح سياره جي كلاس وقال : مشينا !
نجد بخوف : تكفون اخاففف
ورود سحبت يدها : يا ورعه محد فاضي لك الحمد لله لقيناه صاحي
فاروق ضحك يتقدم يمشي وقال : مرا ماتقدرين تهربين !
ورود : ايوه مدري شفيها ؟
نجد : فيني الزهايمر وجني وكل العفاريت
فاروق ضحك : اصبحي اصبحي !
ركبوا السيارة ولف وجهه لهم وقال : سواق عند ابوكم انا ! وحده تجي قدام
ورود همست : يزن بيموتني ! روحي انتي
نجد قالت : ياليل الزقاقه بس
نزلت تتقدم تركب قدام ، وما انتبهت على الي فرحان انها جت هيه ، سعاده الدنيا كلها فيه ، راحوا المستشفى ،وطول الخط يطالع يدها ويهوجس، كيف لو يصير بـ اصبعها دبله فيها تكون حلاله ، وكيف لو شابك يده في يدها بيطير ، وكيف لو باس يدها مرارا وتكرارا اه بس ، هيه للحين ما فكرت فيه ، التعب مسيطر عليها ما يخليها تشوفه كويس ، لاكن نسينا في وحده ثالثه ، تشوفه يهوجس وهوه يسوق ، وتشوفه طول الطريق يطالع يد نجد ، ودها لو تخليهم بروحهم بس عارفه شخصيه ام واب نجد ، ام نجد عصبيه بس على الغلط ، و ابوها كل الوقت معصب ، وصلوا اخيرا ، نزلوا من السياره ومشوا سوا الين قسم النساء ، لف لهم وقال : بنتظركم هنا
هزوا روسهم و دخلوا ، أخذوا موعد وجلسوا ينتظرون ..
--------------------
" غرفه البنات"
جالسين كل وحده في سريرها يتشاورون وش يلبسون بكرا في المخيم ، نوف لفت لساره : اختك منجد سافرت ؟
ساره : ايوا قلت لها اجلسي عيت
ورد وهيه تبحث : شوفوا نلبس روز ؟
ترف وعقد : ايوا
صافيه تحمست: برضوا كل وحده تختار لون او ثنتين بس يطقمون
ورد : بس احنا كل ثلاثه مع بعض !
سكر وهيه تشرب قهوه :عشان المشاكل كل وحده لحالها مالنا خلق
نوف : خاطري في اسود تصدقون !
صافيه تذكرت : دقيقه بنات نجد وورود فينهم؟
ورد شالت جوالها تدق: بدق عليها
عقد : حطيه اسبكر
حطته اسبكر ، ردت ورود وقالت: ماهو ؟
ورد : وينكم ؟
ورود وهيه تناظر الطريق، وقدامها فاروق يسوق ونجد جنبه : بالطريق !
ورد: تمام اذا جيتوا تعلمونا وش صار
ورود : ايوا ايوا بقولكم كل شي حرفيا بفضحها لكم
البنات : كفووو
ورود شهقت : بسم الله ما تتوبين ؟
ترف : اقول اص ترجعي نحشرك انتي وهيه
روان : صاير بينكم اسرار الله يدنيا
ورود ضحكت بكذب : اقول اص انتي كلكم عارفتكم
صافيه : زي كيف ؟
ورود : زي الي صار امس لكم
وقفلت في وجههم ، جلسوا البنات يطالعون بعض ، وقالت نور : وش قصدها الغبيه ذي
وجدان: صدق وي قصدها
سكر : قصدها واضح وحده فينا لقت واحد من العيال وتحرش فيها !
صافيه تغير وجهها : وجع بنت وش ذا الكلام
وجدان قامت ، وحطت يدها على خصرها وقالت : بعلم سلطان!
سكر رفعت عيونها : اشبك حياتي ماله دخل سلطان يعني في أي سالفه سلطان
وريف : منجد خلو البنت تسولف على راحتها
ساره : بس يا ست ذي مو سوالف
عقد : وانا اقول اسكتوا احسن
ورد وهيه تكمل : اوكي تواصلت مع بنت مرا تبيع روز بالوان خرافيه ، الحين قولي لي وش الوانكم ؟
نوف : زي ما قلت لك اسود
عقد : مرا حلو عادي أخذ زيك ؟
نوف ابتسمت: افا يبنت ! وباقي تسالي فداك
عقد : حياتي
ورد : يعني اثنين اسود
عقد ونوف : ايوه
ترف : دام عقد سحبت علينا انا وانتي نطقم
عقد : ما عليش نجرب نوفي
نوف ضحكت : كيوتي وربي
ورد ابتسمت: ناخذ اي لون ؟
ترف : امم احمر ؟
ورد : ذي ناويه نذبح العياللل
صافيه : يوههه لاتفكرون في العيال !
سكر غمزت : ليه ؟
صافيه كشرت : بلاش ذي الغمزات ما احبها
ساره : شوفي انا خذيلي اخضر
ورد : الله يطعني يا الاخضرانييي
ساره ابتسمت: بحرقكممم
وريف : احب الي توثق في نفسها مرا
ترف : زي
صافيه : ذي الحين ماراح تسكت
ورد : كويس للحين ثلاث الوان اخضر لساره والاحمر لي و لترف والاسود لنوف و عقد
سكر : بالظبط !
ورد : الباقي يلا
نور لفت لوجدان : وش رايك حبي ؟
وجدان ابتسمت: معاككك اي لون بس!
نور : اممم برتقالي ؟
وجدان : صاحيه انتي يع
نور: طيب اش تبغي؟
وجدان: وش رايك بالابيض
ورد : حلو !
وريف : بعدين انتوا خبلات وكلامكم كثير بيليق
نور : شف شف الساكته تطقطق
صافيه: انها صادقه حياتي هي
ورد : الحين تبغون الابيض ؟
وجدان ونور : ايوا
ورد : كويس ، الباقي
سكر : ابغى لحالي
عقد : تعجبيني
ورد : سكتينا بالون ؟
سكر : اصفراني
ورد : يقطع ابو اللوننن
سكر : يعني مو حلو
عقد : حلو حلو بس ما تعرف تقول
ورد : اللون حلو بس انتي كيف ياربي فاتحه بزياده
ترف : اقول خذي اللون ذي عندها تحاليل كثيره
ورد : اسمعي خذي بني
سكر : حلو
وريف : خوذيه
سكر : خلاص بني
ورد : احبك
سكر : عمري وانا بعد
نور : ياليل ذي مع كل بنت كلمه
وجدان: وانا وانتي حطت كلامنا بعرض الحايط
ورد : مو كأنكم حساسين بزياده ؟
نوف: يلا بنات عشان يجون ورود ونجد بس يقولون اللون
ورد : ايوا صادقه نوف لانه باقي وتعرفون ورود كل شي عندها بسرعه
عقد : فما بالك في العنقود
ورد: خلصونا
صافيه : نطقم ؟
وريف : قدام
صافيه : اوكي ناخذ لو سماوي
وريف ابتسمت: تحفه اللون
صافيه : شايفه كيف
ورد : ماجاء حتى في بالي
ترف : عقل الدكتوره الي في الجامعه
ورد : جبتيها هههههههههههه
صافيه: الله يكفينا بس
ورد : روان ؟
روان : اعطوني الوان !
ورد : في كحلي وبعد عودي وبعد ازرق
روان : اممم عودي ؟
ترف : بتجيببب راسسس ولدناااا
ورد : ياوههه سيدا ابوياا انتي
روان : تكفون 😭.
نور : اوف عودي وكعب اسود تحرقهمم
ورد عبست وجهها : نو كومنت لا حياتي اسود وش ؟
وجدان: اي صح اسود وش ؟
ساره : ما عليك الحين كيف شكلها بتجي
ورد مسكت الجوال وشرحت لهم : بيجي من عند الصدر الي الخصر زي الشال فوق الروز ومن تحت الخصر زي الفستان مرا ناررر
سكر : مرا ابداع
عقد : الاسود وبسس
ورد : طيب خلاص نقوم الحين نجهز كل شي
البنات : تم
قاموا كلهم يرتبون وينشغلون ويجهزون كل شي للمخيم
--------------------
" في غرفه العيال"
صاحين كلهم، بس الكسل والخمول كاسرهم كلهم ،
كل واحد جالس على جواله ، يتابع الي يحبه ،
رفع احمد رأسه وقال : يعيال ما يصير ! رايحين المخيم احنا
يزن وهوه على جواله: بكرا المخيم احمد
راكان قام ، يطالع احمد : تقوم ؟
احمد طالعه : فين ؟
راكان: يعني بخطفك الحين
يزن حط الجوال : خذوني معكم
راكان : خاطري في قهوه نروح الكوفي
دخل فاروق وقال: بالله عليكم للحين نايمين
مروان رفع راسه يحك عينه : يورع الكشخه لمين !
سلطان ابتسم: حرام اني ما عرفته
عبدالله: مزيون ولد الخال بدري عليكم
فاروق : اقول قم انت وياه تروشوا تدرون أن البنات يجهزون
رايد : كيف شفتهم ؟
فاروق جلس : ياشيخ طالعين نازلين مسوين في الفيلا حفله
مازن وهوه يدق على روان : الحين يجيك طباخ صافيه وحلوتي يكسرون الدنيا
عبدالله سمع اسمها وضحك ، راكان : يا ولد ترا ذا من امس ماهو عاجبني
عايض تثاوب : ياخي خله يضحك يتنفس
احمد : ارقد ارقد
يزن : يتكلم ويتثاوب ما يصير مانت خنزير
الكل ضحك، عايض : اعرف تكلم انت وخفت الدم ذي
ناصر : فين رحت فاورق ؟
فاروق رجع ظهره : والله قمت تروش ولبست وجلست في الصاله شويه نزلوا ورود ونجد يبغوني اوديهم المستشفى وتو رجعت
يزن طالعه بحده : ورود راحت معاك ؟
فاروق طالعه : اشبك ايوا راحت معايه
يزن هز راسه بحده يطلع ، محمد بصراخ : يااا اولاد الحمير انقلعوا برا
العيال : اعقب
محمد جلس وعفس وجهه: ياخي بنام بناممم افهموا
عايض بحده : قول اطلعوا مو تسب
محمد: امسحها بوجهي والحين قو
مروان رفع راسه: حتى انا بنام برا
العيال قاموا ولف لهم سلطان: هاذا وجهي اذا ما قلت لعمي احمد
محسن بحده: سلطان! فكنا وبرا ولا اسمع صوت
سلطان ابتسم: على ذا الخشم
محسن رجع ينام هوه ومحمد ومروان ، والباقي طلعوا الصاله
--------------------
"في الصاله"
كل واحد لبس بلوفر مع سروال اسود وجالسين في الصاله بعد ما صلوا المغرب ، سولفوا وضحكوا ، لفت ورود على نجد : يبنت صوتهم تحت
نجد الي ماسكه اكياس مارشميلو : عادي الحين تجي روان تلعن خيرنا
ورود : احسه معصب
نجد : تستاهلي والحين قو
نزلت نجد ونزلت وراها ورود الي معاها الشوكلت ، ناظروهم العيال ، لف لها يطالعها تمشي وتصدد عنه ما تبي تشوفه، قام من مكانه يروح المطبخ بعد ما دخلوا ، لفت نجد على ورود من شافت يزن ونظراته الحاده وقالت لورود الي تطالعه : انا بروح وانتي الحقيني
ورود هزت راسها من غير تتكلم ، تقدمت تمشي من جنبه ومسك عضدها يوقفها وقال بحده : ما قلت حرف باقي الحقيني المقلط
ورود طالعته: انت الحين معصب
يزن بهدوء عكس الي فقلبه : قلت لك الحقيني ولا الحين جريتك ما علي من أحد
ورود تكتفت تطالعه، طالعها وهز رأسه يروح المقلط
، رفعت جوالها تشوف رساله نجد :
يبنت وش صار ؟
ورود بخوف : ماصار شي يبيني الحقه المقلط
نجد : ماعليك مابيسوي شي الحقيه
ورود وهيه تطالعه من بعيد واقف ينتظرها : يخوف صراحه
نجد : روحي روحي هههههههههههه
ورود ابتسمت: اوريك
راحت المقلط فتحت الباب تطالع يطالع فيها من بعيد ، هيه خافت اصلا من اول ، بس ما تحاول توضح ، سكرت الباب وقالت : وش تبي ؟
يزن : قربي
ورود : قولي من غير اقرب
يزن بحده : تعالي وعاد كلامي مظبوط
ورود تافافت : يزن
يزن : خلصيني
قربت عنده الين ما صارت قدامه ، سحبها من يدها يجلسها على فخذه، ومسك خصرها يشدها له ، طالعها وقال : تروحين من غير تقولين ؟
ورود : ما قلت لاني مستعجله
يزن بحده: بالله مستعجله! تقدرين ترسلي لي رساله على فكره
ورود : مرا تراك شخصنتها
يزن بصراخ : ورود !!
ورود حطت يدينها على شفايفه وهمست : يزن اشبك
يزن بعد يدينها : تنرفزيني انتي ترا
ورود : يزنن
يزن : انكتمي
ورود طالعته من غير ترد وصدت ، نفخ خدوده وقومها من عليه لف لها وقال: لاعاد تنعاد
ورود طالعته : مالك شغل
يزن قام يحوس في المقلط: ذي الي بتجنني !
قرب لها ومسك فكها يثبته وقال: لي شغل تسمعين وأعلى ما فخيلك اركبيه تبين شي تعالي عندي
ورود بالم : انت نايم حظرتك
يزن بحده : ورود اتفلي الشيطان
ورود بدموع : نجد هيه تعبانه ليه ما تجي تسالني ليه رحتي معاه ليه ؟ بس عشانك زعلان تسوي سالفه
يزن : كيف اسوي سالفه ؟ حبيبي بوقتها صاحي انا كان دقيتي عليه برد عليك
ورود : واو باقي انتظر ادق عليك البنت تعبانه يزن
يزن مسك راسه : ورود ! قلت لك تعالي لي ليه تقلبي الكلام
ورود وقفت : لا ما اقلبه اقولك الصدق
يزن طالعها : انا طالع
ورود : روحه بلا رده
يزن : قدها
ورود طالعته من غير ترد ومشت من جنبه لاكنه مسكها يثبتها على الباب وقال : ما بخليك تطلعي وانتي زعلانه !
ورود : مرا ما انتظر تراضيني !
يزن : ياليل والثقل !
ورود دفته : بعد بطلع
يزن : اذا رضيتي
انفتح الباب ، بعدها من عند الباب وثبت الباب يطلع بس وجهه وقال: نعم
راكان وهوه يدف الباب : مرا مو وقتك ابعد
يزن ثبته : يا حمار وش تبغى
راكان: ابغى ثوبي
يزن وهوه يضرب يد ورود بخفه لأنها تقرصه : وينه ؟
راكان: الحين ليه ما تخليني ادخل ؟
يزن غمز له : الحب داخل
راكان عفس وجهه : ليكون هذيك
يزن لف يطالع وجه ورود الي تغير: راكان
راكان ضحك : منجد جبتها
يزن : يا شيخ الله يفضحك انقلع
راكان: اما هههههههههههه
يزن ابتسم: جاي عشان الثوب ولا تتفلسف
راكان: امسحها بوجهي ! جديدتك ؟
يزن هز راسه : ايوا برضوا بتزوجها
راكان: اخس
ورود همست : يالحجي بطلع
يزن همس : اوريك من اللحجي
لف يطالع راكان: يا ورع اطلع بجيك
راكان همس : بنتفرد فيها طقع شفايفها يشيخخخ
ورود حمر ووجها ولفت عن يزن الي يضحك بصوت عالي ، يزن بضحك : ولد !
راكان وهوه يمشي : والله اني صادق لو معي وحده وفي المقلط حرام تطلع حامل مني
يزن أبتسم : عز الله فضحتنا
سكر الباب ولف لـ ورود الي تطالعه وقال : ما قصده شي
ورود : ما سالتك !
يزن : لسانك طيب
ورود تقدمت للباب : بعد
يزن : ابي بوسه
ورود : مو تحس احلامك كثيره
يزن : أجل احلمي تطلعين
ورود تكتفت: وش تبغى مني
يزن ابتسم: بوسه امداك نسيتي
ورود : ما اتشرف ابوسه
يزن طالعها وهوه رافع حاجبه وقال : تجيبين الأفعال لنفسك، دفها على الجدار ثبت جسمه على جسمها ، ونزل برأسه يبوس شفايفها ، هو ما كان يبي يسوي زي كذا ، بس بكلامها وعنادها جازاها ، هو طبعه رومنسي مرا ، وهيه وقعت له ، يعني تتحمل رومنسيته بكل وقت ، حست بشفايفه ، سكرت عيونها من لحظت الي انحطت شفايفه على شفايفها ، هيه ما كانت بترد عليه ، هيه عارفه انها تستاهل ، بس هيه برضوا زعلانه ، هو فكر كثير قبل يسويها ، شاف أنه كلهم زعلانين ومع كثره الكلام بيتوترون ، تحمس كثير ، ورفع التيشيرت يحط يده تحت ويتحسس في ظهرها ، ارتجف جسمها من حركته ، تعمق في البوسه ، لدرجه صاروا يمشون بهدوء للكنب ، بعد عنها مسك يدها وراح للباب يسكره بالمفتاح ، همست : يزن بطلع
لف لها يشيلها من فخذها ، وحاصرت خصره برجلينها ، وحطت يدينها على رقبته ، ثبتها عليه وقال : باقي ما خلصت
راح يجلس على الكنب ، صار يبوسها في كل مكان في وجهها ، وبادلته بهدوء ، حضنته بقوه ، لدرجه حست انها روحها صارت مع روحه ، ابتسم من حضنته ، بعد عنها يطالع وجهها وقال : انكسر الشر ؟
ورود بخجل هزت راسها ، قام وقومها معاه يشيلها للباب ، ثبتها على الباب وقال : لا تتكشخي كثير
ورود : ليه ؟
يزن تافاف : باقي تسال
نزلها وفتح الباب ، وسعت عيونها بصدمه من شافت اتصالات نجد ، لف لها يقول : أشبه وجهك انصفق
ورود ضربت راسه بخفه : البنات طلعوا وخلوني بسببك
يزن ضحك : صار بسببي تبيني اكمل عليك ؟
ورود بزعل : مرا ترا ما يضحك
يزن ابتسم: اوديك لهم ؟
ورود ابتسمت: صدق !
يزن : ايوا البسي واطلعي لي
ورود فكرت : بقول لمحمد اجلس انت
يزن بحده : اشبك انتي منزلتني من عينك ؟
ورود : ماله دخل حياتي بس أنه بيفهم غلط
يزن : بالله
ورود :ايوا والله
يزن بعناد : ما علي من محمد وغيره البسي واطلعي خلصيني
ورود : يزننن مالي خلق ترا
يزن : اتوقع كلامي واضح
ورود تكتفت: خلاص مراح اروح
يزن سكر الباب ولف لها : وليه ؟ عشان قلت بوديك ؟
ورود تقدمت للباب : ياليل ماله دخل
يزن : ورود
ورود طالعته : ها ؟
يزن : ريحينا من المشاكل !
ورود فتحت الباب : مافي مشاكل انت تدور لها
طلعت وطلع وراها ، وهمس لها : اجلسي فوق لا تنزلي الصاله
ورود هزت راسها بهدوء وطلعت الغرفه ، دخل الصاله وشاف العيال للحين موجدين وقال : أجل اذا كلكم موجودين مين الي راح يودي البنات ؟
مازن : مين لاعب بعقلك انت ؟
يزن جلس بهدوء وشاف محمد نايم وقال: ذا دجاجه ما يشبع نوم
سلطان ابتسم: ما شبع
يزن :مين راح يودي البنات ؟
عايض : البنات فوق مين مكذب عليك
يزن حك حاجبه : محد
راكان دخل الصاله ،ولف لـ يزن يغمز له : خلصت مهمتك يالشيخ
يزن ضحك : انطم
احمد : هيه صاير بينكم اسرار
راكان جلس جنب احمد يقول : بعلمك بعدين فيه
يزن ضحك : دامه احمد مطمن
عبدالله: علموني
يزن : تخسي
رايد لـ عبدالله : لا تحاول
ناصر : وش صار على شركه عمي يحي
سلطان: ولا شي بس جاسر منظم الأوضاع لين نرجع
مازن : زين ما سوا والله
محمد رفع راسه: جاسر متزوج ؟
يزن : وش تبغى فيه
محمد جلس يحك عينه : بزوجه ورود صايره نشبه
سلطان ضحك : لا وين جاسر متزوج وعنده ولد وبنت
راكان همس لاحمد : اشوه يزن ما قام على محمد
احمد بهمس وهوه يطالع يزن الي يسولف : يحب ورود ؟
راكان هز راسه: يعشقها
احمد: وش دراك
راكان همس: كانوا في المجلس سوا قلت له جديدتك قالي اي وبعدين جلست بعيد عن المجلس شفتها تطلع وهوه يطلع وراها
احمد غص بالقهوه يكح بصدمه ، يزن بحده لراكان : عسى ماشر
راكان وهوه يضرب ظهر احمد ويضحك : ولا شي ولا شي بس غص
يزن : ايوا غص
محمد : انت بخير حمودي ؟
احمد : انكتم
فاروق : عمك نايم
مروان: قصدك عمنا
عايض ابتسم: مربيكم عمي محسن
فاروق ابتسم: والله مشكله
محمد : للحين نايم خلوه
وكملوا سوالف وضحك وينتظرون المخيم الي بكرا بعد ما جهزوا كل شي ..
---------------------
"عند البنات"
جالسه في سريرها تلعب بيجي ، فجاه شافت رقم غريب يدق عليها ، وجلست تفكر مين الي يدق ، طلعت من بيجي تدخل الاتصالات ، وترجع تدق على الرقم ، وتذكرت أنه الوحيد الي عطته رقمها عبدالله، وشهقت تسكر على شفايفها بيدينها ، من شافت المكالمه بدت ورد عليها ، حطت الجوال على اذنها ترجع ظهرها ورا ، سمعته يقول : صافيتي !
حست بفراشات في بطنها من سمعت صوته ، وفوق صوته الي يوترها ، يدلعها بـ صافيتي ، همست بتوتر : هلا
عبدالله ابتسم يقوم من الصاله : يوهه وحشتيني
صافيه بابتسامه خفيفه: احم امداك
عبدالله جلس في المقلط : تجين عندي ؟
صافيه بصدمه : فين ؟
عبدالله: فين يعني عندي
صافيه: لا لا ماني جايه
عبدالله ابتسم: خايفه؟
صافيه بتوتر : ماله دخل خوف بس كذا
عبدالله انسدح : اممم نظامك كذا يعني
صافيه: امم اي مرا
عبدالله: خلصتوا كل شي
صافيه وهيه تطالع روان الي تطالعها بتمعن : اي الحمدالله ما باقي الا شويه
عبدالله: زين
صافيه شافت روان تقرب : تبي شي ؟
عبدالله: ما شبعت من صوتك
صافيه بهمس : عبدالله ! روان نشبه بعدين
عبدالله ضحك : ياليل زوجه مازن كلهم ينشبون!
صافيه قفلت في وجهه بالغلط ، وهوه وقف واقف من العصبيه ، ليه تقفل في وجهه ، اما هيه نشبت لها روان في الاساله، روان بتمعن : مين كنتي تكلمي ؟
صافيه بتوتر : اكلم خويتي ما تعرفيها
روان : حبيبي انا وانتي في نفس الجامعه تلعبي على مين ؟
صافيه بطفش : وي روان تراك زوديتها
روان قامت : بكيفك
صافيه رفعت الجوال وشهقت يوم لقت مسكر ، لفت لورود الي دخلت و وجهها احمر ، دقت نور ووجدان الي جنب بعض يسولفون يطالعونها ، وهيه اختارتهم لأنهم فضوليين ولازم يرضون فضولهم ، راحوا عندها حشروها وهيه تضحك بصمت ، لفت لهم وقالت بخرشه : مو كنتوا طالعين ؟
نجد راحت عندها : لا ما طلعنا شفناك طولتي قلنا نكذب
نور بتمعن : وش بلاه وجهك احمر ؟
وجدان بتفسير: هاذا مو وجه وحده زعلانه ولا معصبه وجه وحده مستحيه
نور بهمس : احد تحرش فيك ؟
ورود وسعت عيونها بصدمه تقول: هيه وين راح تفكيركم المنحرف !
نجد : مو احنا وجهك يفسر لنا كذا
ورود قرصت نجد تقول : مافي شي والله
نور : اممم في شي غلط
وجدان: ما عجبني وهيه تسلك
نجد : انزلوا تحت واسالوا
ورود لفت لها : مو لذي الدرجه!
نور وهيه راجعه لسرير : اوكي بمشيها لك
وجدان لحقتها وجلسوا على السرير يسولفون سوا ،
ورود لفت لنجد بهمس : حيوانه انتي وش ذا الكلام
نجد : يا حمار نسيتي اني عارفه شفتك طولتي قلت اكذب
ورود حمر وجهها: لو اقولك الي سواه ما تتخيلين احس ماعاد ابي اشوفه
نجد حطت يدها على خدها : يويلي ويلاه ياخوفي تحملين
ورود بصدمه: مو لذي الدرجه عاد
نجد سحبتها للغرفه الثانيه وجلسوا الثنتين وقالت: يلا قولي
ورود بخجل : باسني لاول مره بصيح
نجد وسعت عيونها بصدمه: كذابه
ورود : والله وباسني في كل مكان بوجهي
نجد ابتسمت: تجننون شفتي نظراته اصلا
ورود : اي بغى ياكلني بعدين قلت خلاص معاد بروح مكان الا وبقوله عشان ما يسوي سالفه
نجد : مرا مسوي سالفه وش ذا
ورود : ما علي بس يجنن
نجد وهيه تغمز : اتفق
ورود بهمس : بقولك شي صار يزعلني مرا
نجد : اسمعك
ورود : نوف تحاول تتقرب من يزن !
نجد ضحكت : يعني غيره
ورود ابتسمت: شفتي اصلا كيف غار علي اكيد بغار عليه
نجد شافت جوال ورود الي يرن ومكتوب " محبوبي❤️" وغمزت تقول : المحبوب ينادي
ورود شالت جوالها وقالت: وش يبي ذا
نجد : انا فدا عيونك حطيه اسبكر
ورود ابتسمت: ابشري
ردت تقول : لبيه
يزن ابتسم : لباك يعيونه
ورود ابتسمت لنجد الي تطالع بحب لهم : ايوا وش فيك ؟
يزن رجع ظهره ورا يقول: مكذبه علي تراك
ورود : وي انا مكذبه عليك ؟
يزن ضحك: ياخي تستغبين ليه
ورود شافت نجد ضحكت وردت تقول : ما استغبي
يزن : مو تقولي أنه البنات راحوا
ورود ابتسمت بخجل تقول : ذي نجد والله قالت شفتك طولتي قلت اكذب
يزن ضحك: قليله حيا ذي البنت لا اصيدها
نجد بهمس : انا لا اصيدك وش سويت في البنت بغت تموت من حمار وجهها
ورود : شف شف الكذابه كلي زق
يزن : والله يطويله العمر كذا حركتين حلوين بس
نجد : امممم
يزن : خلاص انقلعي في كلام خاص بقوله
نجد لفت لورود : شايفه
ورود غمزت لها : الكلام يجيك
يزن ابتسم : ما اتوقع
نجد قامت : بروح اجيب لي مويه واجيك
ورود سكرت الاسبكر تحطه على اذنها : تمام
يزن : اسمعي
ورود : هلا
يزن: ابي اكمل نص ديني
ورود بخجل : ايوا
يزن : تتزوجيني؟
--------------------
ـ خلص البارت الثاني عشر ادعموني بنجمه🌷-
--------------------
يوهههه وحشتونييي!! اسفه جدا أنه تاخرت عليكم ذا بارت خفيف ولطيف زيكم وش رايكم بـ نجد وفاروق ؟ تخيلوا جدي توفى 💔 ، ادعوا له بالرحمه والمغفره 🤍.
