Unicode
ရှေ့နေစုန့်ရှေ့မှာ လက်ထပ်စာချုပ်ကို လက်မှတ်ထိုးတော့ ရိပေါ်က သူ့ဘေးမှာ ကျုံ့ကျုံ့လေးထိုင်နေလေတယ်.
"အန်ကယ်မယုံလည်း ကျွန်တော်တို့က သူငယ်ချင်းတွေကြား လူသိရှင်ကြားတွဲခဲ့တဲ့ ချစ်သူတွေပါ"
"ဒါပေမယ့် ဒီကလေး စိတ်အခြေအနေနဲ့ .. "
"ဝမ်ရိပေါ် ကိုကို့ကို ဘာလို့လက်ထပ်တာလဲ"
"ရိပေါ် ကိုကို့ကို ချစ်လို့ပါ"
ရှေ့နေစုန့်က မျက်နှာကွက်ခနဲ ပျက်သွားတယ်။ ပြီးတော့ စုန့်ဝေလုံရောပဲ။
ရိပေါ်ကတော့ သူသင်ပေးထားတဲ့အတိုင်းလေး ဖြေပြီး သူ့ကိုမဝံ့မရဲ လှမ်းကြည့်ရှာတယ် ။
အရင်ကအတိုင်း ချစ်ဖို့ကောင်းနေတဲ့ ကောင်လေးကို သူ့ဘေးနားပိုရောက်စေဖို့ ခါးလေးကနေ ဆွဲဖက်လိုက်တော့ ကိုယ်သေးသေးလေးကတွန့်ခနဲ ။
"ဝမ်ရိပေါ် ရရမယ့်အမွေအားလုံးကို ဝမ်ရိပေါ်နာမည်နဲ့ပဲထားပြီး ကျွန်တော်ထိန်းသိမ်းမယ် .. အခု ကျွန်တော်က သူ့ယောက်ျားပဲ .. သူစိတ်အခြေအနေ ကောင်းလာရင်တော့ သူ့ကို ကျွန်တော်ကပဲ အစစအရာရာ သင်ပေးသွားမယ်"
"မင်းကို ဘယ်လိုယုံရမှာလဲ"
"ဝမ်ရိပေါ် ကိုကို့ကို ယုံလား"
"ရိပေါ် ကိုကို့ကို ယုံပါတယ်"
သူ့အား မော့ကြည့်လာတဲ့ မျက်ဝန်းနက်နက်ကလေးတွေမှာ မျက်ရည်စလေးတွေနဲ့ ။
လူတွေလေးငါးယောက်လောက်ရှိနေတာကြောင့် ရိပေါ်ပုံစံကအဆင်မပြေတော့ပုံပေါ်တယ် ။ သူ့အင်္ကျီအစနားလေးကို လက်ကလေးနဲ့ ဆုပ်ကိုင်ထားတာလေးကလည်း အသည်းယားစရာ ။
ဝမ်ရိပေါ်လေးက သူ့ကိုခဏခဏပြုစားနေတော့တာပါပဲ ။
အရင်ကလည်း ချစ်တယ် ။ အခုလည်းချစ်တယ် ဝမ်ရိပေါ်လေးကို ရှောင်းကျန့်က တစ်ဘဝစာမက ချစ်နေဦးမှာ ဖြစ်တယ်။
"လက်ဗွေနှိပ်လိုက် ရိပေါ်"
"ဟင် "
"ဒါက ကလေးပိုင်ဆိုင်ရမယ့်ဟာတွေပဲ .. ဒီလို လက်မလေးကို မှင်မှာတို့ပြီး ဒီနေရာလေးမှာ နှိပ်လိုက်"
"ဟုတ် "
လိမ္မာတဲ့ ဝမ်ရိပေါ်လေးက သူပြောတဲ့အတိုင်း လက်ဗွေလေးကို အတွန့်အဆုတ်မရှိ နှိပ်ရှာတယ်။ ပါးလေးတစ်ဖက်ကို ရွှတ်ခနဲမွှေးလိုက်တဲ့အခါလည်း မျက်နှာလေးတွေနီလို့ ရှက်ပြန်ပါသေးတယ် ။
မကြာခင်တော့ ဒီကလေးလေးနဲ့ လက်ထပ်ပွဲ အကြီးကြီးတစ်ခုလုပ်ဖို့လည်း ရှောင်းကျန့်စီစဉ်ထားတယ်။
အခုလက်ရှိက ရိပေါ်ရဲ့ အမွေတွေကို အချိန်မှီ ကာကွယ်ဖို့ ။
YOU ARE READING
𝐓𝐇𝐎𝐑𝐍
Fanfiction⚠️This fiction may include mature contents . Abuse Type Read at your own risk.
